Neuadd Brangwyn

Mae Neuadd Brangwyn yn ganolfan boblogaidd ar gyfer bywyd cymdeithasol a diwylliannol yn Abertawe

Neuadd Brangwyn yw un o brif leoliadau diwylliannol Abertawe, ac fe'i defnyddir yn rheolaidd ar gyfer digwyddiadau, seremonïau gwobrwyo a chyngherddau. Mae'n gartref i baneli Brangwyn, sy'n cael eu hadnabod hefyd fel Paneli'r Ymerodraeth Brydeinig.  

Agorwyd Neuadd y Ddinas ar 23 Hydref 1934, ac mae wedi chwarae rôl ganolog ym mywydau pobl Abertawe byth oddi ar hynny. Mae wedi gweithredu fel canolbwynt llywodraeth a chyfiawnder lleol ac mae'n ganolbwynt seremonïau dinesig.