Cefnogaeth, Cyngor a Grantiau Busnes

Mae rhwydwaith ardderchog ar gyfer cefnogi busnesau yn Abertawe

Rhwydwaith gwybodaeth, cyngor a chefnogaeth yw'r Ganolfan Fusnes ar gyfer pob busnes bach a chanolig yn Abertawe. Os oes angen gwasanaeth busnes arnoch ond nid ydych yn gwybod pwy i gysylltu â nhw, ffoniwch y Ganolfan Fusnes ar 01792 545050 neu ewch i'n gwefan yn www.businesscentreswansea.com

Byddant yn eich helpu chi i gysylltu â gwasanaethau cefnogi gwerthfawr a fydd o fudd i chi a'ch busnes. Yn ogystal â'ch arwain at wasanaethau sefydliadau eraill, gall Canolfan Fusnes Abertawe gynnig amrywiaeth o wasanaethau ei hun:

• Cychwyn Busnes - Cyngor a mentora ar gyfer mentrau newydd yn ystod y ddwy flynedd gyntaf.
• Cefnogaeth Fusnes Gyffredinol - Cynllunio busnes a chefnogaeth arall i helpu busnesau bach a chanolig i ymelwa ar gyfleoedd datblygu.
• Datblygu Cyflenwyr Lleol - Cefnogaeth a chyngor ar dendro am gontractau a chael eich cynnwys ar wefan ryngfasnachu Cymru gyfan www.contractshop.co.uk
• Allforio - Mynediad i raglen Cymorth Allforio Masnach Ryngwladol Cymru yn ogystal â chyngor a chefnogaeth ar allforio i ardaloedd yn Iwerddon, Denmarc a Sweden trwy "Gysylltiadau Masnachu".
• Gwasanaethau Gwybodaeth - Llyfrgell helaeth o gyfeirlyfrau busnes a gwasanaethau ymchwil ar-lein.
• Hyfforddiant Busnes - Amrywiaeth gwerthfawr o gyrsiau sgiliau cynllunio a busnes.
• Cyllid Busnes - Help wrth nodi grantiau a benthyciadau sydd ar gael a pharatoi ceisiadau am gyllid.
• Canolfan T.G. - Cyngor ar ddefnyddio Technoleg Gwybodaeth i wella perfformiad busnes.
• Communities Mean Business - Help wrth greu a datblygu busnesau cymunedol a chydweithredol.

Mae llawer o'r meysydd hyn yn derbyn cyllid sylweddol gan y WDA ac ELWA, a chefnogaeth gan nifer o sefydliadau busnes lleol, felly mae'r rhan fwyaf o wasanaethau ar gael am ddim.

Grantiau Busnes

Bydd y Grant Cefnogi Busnes, a ariennir yn rhannol dan Raglen ERDF (Amcan 1) yr Undeb Ewropeaidd, yn darparu cefnogaeth ariannol i fusnesau bach a chanolig cymwys a dichonadwy er mwyn sicrhau goroesiad, twf ac amrywiad y busnes.

Hyfforddiant Cyflogaeth

Hyfforddiant Cyflogaeth yw un o'r Darparwyr Hyfforddiant Galwedigaethol mwyaf yng Nghymru ac mae wedi gweithio'n llwyddiannus gyda Busnesau Lleol a Chenedlaethol am fwy nag 20 mlynedd, gan helpu i leihau a mynd i'r afael â'r prinder sgiliau a chau bylchau sgiliau ar draws Sir Abertawe.

Cysylltwch â ni yn y cyfeiriad canlynol :

Canolfan Fusnes Abertawe
11b Sgwâr y Santes Fair
Abertawe
SA1 3LP
Ffôn - 01792 545050
Ffacs - 01792 545090
e-bost - businesscentreswansea@swansea.gov.uk
gwefan - www.bisinesscentreswansea.com