Chwilio'r wefan
English

Y nifer uchaf erioed o geisiadau ar gyfer seremoni wobrwyo fwyaf Cymru ar gyfer twristiaeth

Mae llawer o gyffro ynghylch seremoni wobrwyo fwyaf Cymru ar gyfer twristiaeth ar ôl derbyn y nifer uchaf erioed o geisiadau ac enwebiadau.

AwardsRecord19

Bydd cannoedd o gynrychiolwyr y diwydiant yn dod i Wobrau Twristiaeth Bae Abertawe 2019 pan fyddant yn dychwelyd i Neuadd Brangwyn fawreddog Abertawe fis nesaf.

Derbyniwyd dros 8,000 o enwebiadau cyhoeddus a cheisiadau gan fusnesau eleni - y nifer mwyaf ers i'r gwobrau ddechrau 13 o flynyddoedd yn ôl.

Disgwylir i'r seremoni hudol gymryd lle nos Iau, 14 Tachwedd - ac mae tocynnau eisoes yn gwerthu'n dda. Trefnwyd y gwobrau mewn partneriaeth â Chyngor Abertawe a'r gymdeithas fasnach dwristiaeth leol, Twristiaeth Bae Abertawe.

Mae'r gwobrau'n agored i fusnesau twristiaeth ar draws Abertawe a Chastell-nedd Port Talbot.

Bydd y noson fawr yn dod â chwaraewyr allweddol twristiaeth a lletygarwch, dylanwadwyr a phobl newydd ynghyd i ddathlu a chymeradwyo rhagoriaeth yn y sector. Bydd yr actor a'r darlledwr Kev Johns MBE yn cyflwyno'r noson.

Rhagor o wybodaeth: www.swanseabaytourismawards.co.uk

Llun Derbyniodd The Fountain Inn Wobr Twristiaeth Bae Abertawe yn 2017. Eleni maen nhw'n noddi'r categori lleoliad gorau ar gyfer priodasau. Llun gan Steve Phillips Photography

Wedi'i bweru gan GOSS iCM