Chwilio'r wefan
English
oak tree

Ffordd y Brenin

Creu parc dinesig newydd â gwell hygyrchedd.

Kingsway proposed layout (street view looking towards Dragon Hotel)Rydym yn trawsnewid Ffordd y Brenin yng nghanol y ddinas! Gwnaed cynnydd sylweddol i greu parc dinesig a fydd yn cynnwys mannau cyhoeddus newydd, parcdir wedi'i dirlunio, llwybrau beicio a ffordd gerbydau ddwyffordd, un lôn yn ogystal â chreu llwybrau cerdded lletach.

Ynglŷn â'r prosiect

Mae Ffordd y Brenin yn cael ei thrawsnewid yn amgylchedd mwy deniadol i fyw ynddo, i weithio ynddo ac i ymweld ag ef - a disgwylir i'r gwaith ddod i ben yn nhymor y gwanwyn 2020.

Ar ôl cwblhau'r prosiect, bydd gan Ffordd y Brenin a Stryd y Berllan ffordd ddwyffordd, ag un lôn i bob cyfeiriad.

Bydd y lle ychwanegol a geir o ganlyniad i leihau'r ffordd yn caniatáu ar gyfer mwy o le cyhoeddus. Bydd hyn yn golygu y bydd llwybrau cerdded a beicio gwell, mwy o fannau gwyrdd a 'pharc poced' newydd ar Gylch Ffordd y Brenin. Bydd traffig dwyffordd yn dychwelyd i Stryd Mansel, Stryd De La Beche, Grove Place, Heol Alexandra a Ffordd Belle Vue.

Disgwylir i'r ffordd fod yn ffordd draffig ddwyffordd erbyn gwanwyn 2020; byddwn yn rhoi'r newyddion diweddaraf i chi.

Cafwyd cymeradwyaeth y Cabinet yn dilyn ymarfer ymgynghori cyhoeddus a ddangosodd gefnogaeth helaeth i'r cynigion, fel a amlinellir yn Adroddiad y Cabinet dyddiedig 16 Mawrth 2017 - Adroddiad y Cabinet (16 Mawrth 2017)Yn agor mewn ffenest newydd

Mae'r newidiadau'n rhan o gynllun ehangach i adfywio canol y ddinas. Maent yn elfen hanfodol o gynigion Bargen Ddinesig Bae Abertawe.

Bydd y gwelliannau'n arwain at greu swyddi ym mhentref digidol Ffordd y Brenin, a fydd yn rhif 71 a 72 Ffordd y Brenin, ac a fydd yn cynnwys lleoedd datblygu ar gyfer busnesau newydd/bach sy'n gweithio yn y sectorau TGCh, technoleg a'r diwydiant creadigol. Caiff ei leoli yn bennaf ar hen safle clwb nos Oceana. Disgwylir derbyn cais cynllunio yn 2020.

PDF Document Cynlluniau Ffordd y Brenin (PDF, 4MB)Yn agor mewn ffenest newydd

Pwy fydd yn cyflawni'r gwaith? Griffiths

Sut bydd yn edrych

Kingsway proposed layout

Diweddariadau

Y newyddion diweddaraf a datganiadau am ddatblygiad prosiect Ffordd y Brenin.

Cwestiynau cyffredin am Ffordd y Brenin

Dewch o hyd i atebion i'r cwestiynau mwyaf cyffredin rydym yn eu derbyn am Ffordd y Brenin.

Rhaglen plannu coed

Mae oddeutu 170 o goed newydd yn cael eu cyflwyno fel rhan o'r trawsnewidiad gwerth £12m a fydd yn newid golwg a theimlad yr ardal.

Ariannwyd y cynllun yn rhannol gan Gronfa Datblygu Rhanbarthol Ewrop drwy Lywodraeth Cymru.

ERDF

 

Wedi'i bweru gan GOSS iCM