Chwilio'r wefan
English

Atal Cwympiadau

Mae'r risg o gael anaf difrifol o gwymp yn cynyddu gydag oedran, ond gall bod ag ofn cwympo hefyd fod yn bryder mawr i rai pobl. Mae rhai camau syml y gallwch eu cymryd i leihau'r risg o gwympo gartref.

Lleihau peryglon baglu

  • Trefnwch gelfi fel nad ydynt yn eich ffordd pan fyddwch yn cerdded
  • Cadwch fannau lle rydych yn cerdded, yn enwedig grisiau, yn glir ac yn daclus
  • Symudwch rygiau neu gwnewch yn siŵr bod cefn di-slip ganddynt
  • Gwnewch yn siŵr nad oes gwifrau neu geblau trydan yn llusgo
  • Gwnewch yn siŵr fod cynfasau a blancedi gwely rhydd yn cael eu lapio i mewn

Defnyddiwch oleuadau'n effeithiol

  • Gwnewch yn siŵr fod eich cartref wedi'i oleuo'n dda a bod bylbiau'n ddigon llachar
  • Rhowch y goleuadau ymlaen cyn gynted ag y mae'n dechrau tywyllu
  • Ceisiwch gael golau y gallwch ei roi ymlaen o'r gwely cyn i chi godi
  • Os ewch chi i'r tŷ bach yn y nos, rhowch y golau ymlaen.

Symud yn ddiogel

  • Cymerwch eich amser - peidiwch â rhuthro wrth fynd at y ffôn neu ateb y drws
  • Codwch yn araf os ydych chi wedi bod yn eistedd neu'n gorwedd i lawr ers amser hir
  • Defnyddiwch y canllaw wrth fynd lan a lawr y grisiau
  • Defnyddiwch rheiliau gafael yn y bath neu gawod a ger y toiled
  • Os nad oes gennych larwm Lifeline, ystyried cael un. Ffonwich 01792 648999

Meddyliwch am storio

  • Cadwch eitemau - bwyd, potiau, padelli, dillad - rydych yn eu defnyddio'n rheolaidd mewn cypyrddau neu ar silffoedd sy'n hawdd eu cyrraedd heb blygu neu ymestyn.
  • Os oes rhaid i chi gyrraedd rhywbeth ar lefel uwch, defnyddiwch ysgol risiau gadarn - peidiwch â sefyll ar gadair

Gwnewch yn fawr o'ch llygaid

  • Gwnewch yn siŵr eich bod yn cael prawf llygaid yn rheolaidd
  • Cofiwch wisgo'ch sbectol
  • Os oes gennych ddau bâr ar gyfer gweithgareddau gwahanol, cofiwch eu newid fel y bo'r galw

Gofalwch am eich traed

  • Torrwch ewinedd eich traed yn rheolaidd ac ewch i weld ciropodydd os oes angen
  • Gwisgwch esgidiau sy'n ffitio'n dda ac yn cynnal eich traed

Cadwch yn actif

  • Mae ymarfer corff ysgafn rheolaidd yn helpu gyda chryfder esgyrn a chyhyrau a chydbwysedd, ac mae'r rhain i gyd yn helpu i atal cwympiadau.  Mae llawer o ddosbarthiadau ymarfer corff ar gyfer pobl hŷn.  Bydd Abertawe Actif yn darparu gwybodaeth ddefnyddiol i'ch helpu i benderfynu ar yr ymarfer corff gorau i chi.

 

Gwybodaeth bellach am Atal Cwympiadau

Mae gan Heneiddio'n Dda yng Nghymru lawer o wybodaeth i helpu pobl i leihau'r perygl o gwympo, gan gynnwys syniadau am ymarfer corff ysgafn i wella cryfder a chydbwysedd ac awgrymiadau i atal cwympo. Edrychwch ar yr Hwb Adnoddau Atal CwympoYn agor mewn ffenest newydd.

Mae Cyngor Gwasanaethau Gwirfoddol Abertawe hefyd wedi cynhyrchu Arweinlyfr Atal CwympiadauYn agor mewn ffenest newydd mewn partneriaeth â PABM.

Wedi'i bweru gan GOSS iCM