Telerau defnydd cyfryngau cymdeithasol
Mae gan Gyngor Abertawe gyfrifon cyfryngau cymdeithasol gwahanol ar amrywiaeth o lwyfannau. Rydym yn hapus i'ch helpu chi mewn unrhyw ffordd y gallwn ac edrychwn ymlaen at weld eich barn a'ch adborth.
Rydym yn disgwyl i'n defnyddwyr gynnig yr un lefel o gwrteisi ag yr ydym ni'n ei chynnig iddynt hwy, felly mae gennym set fer o reolau:
- Mae'n rhaid i bob defnyddiwr gydymffurfio â thelerau defnydd y llwyfan cyfryngau cymdeithasol yn ogystal â'r telerau defnydd hyn.
- Chi sy'n gwbl gyfrifol am unrhyw gynnwys rydych yn ei bostio gan gynnwys cynnwys rydych yn dewis ei rannu.
- Byddwn yn dileu, yn gyfan gwbl neu'n rhannol, unrhyw byst rydym yn teimlo'u bod yn amhriodol,
- Byddwn yn adrodd am ac yn dileu unrhyw broffiliau cyfryngau cymdeithasol sy'n cael eu sefydlu gan ddefnyddio delweddau Cyngor Abertawe, gan gynnwys ffontiau, heb ganiatâd.
- Byddwn yn atal a/neu'n adrodd am ddefnyddwyr sy'n cyfeirio pyst/trydariadau atom sydd, yn ein barn ni, yn:
- ddifrïol neu'n anweddus
- cynnwys delweddau graffig, sensitif neu sarhaus
- twyllodrus neu'n gamarweiniol
- torri unrhyw hawliau eiddo deallusol
- torri unrhyw ddeddf neu reoliad
- sbam (trydariadau negyddol a/neu ddifrïol parhaus sydd â'r bwriad o beri ymateb)
- cynnwys gweithgarwch seiberdroseddu posib, er enghraifft, gwe-rwydo neu sgamiau
Bydd unrhyw un sy'n ymgysylltu â ni gan ddefnyddio cynnwys neu iaith sy'n cael eu cwmpasu yn y categorïau uchod yn cael ei atal a/neu hysbysir y llwyfan cyfryngau cymdeithasol cysylltiedig amdano. Bydd hyn yn ôl ein disgresiwn llwyr.
Bydd yr ataliad ar waith am chwe mis. Os torrir ein telerau defnydd eilwaith, bydd y defnyddiwr yn cael ei atal am gyfnod o 12 mis. Os bydd defnyddiwr yn torri ein telerau defnydd ymhellach, caiff ei atal yn barhaol.
Ymateb i ddefnyddwyr
- Byddwn yn gwneud ein gorau glas i ymateb i'ch ymholiadau o fewn dau ddiwrnod gwaith, ond yn y rhan fwyaf o achosion, byddwn yn ymateb o fewn ychydig oriau yn ystod oriau gwaith.
- Byddwn yn ceisio'ch helpu neu'n eich cyfeirio at adrannau sy'n gallu, lle bynnag y bo modd.
- Ein horiau agor yw 8.30am - 5.00pm o ddydd Llun i ddydd Iau ac 8.30am tan 4.30pm ar ddydd Gwener. Byddwn yn ymdrin ag ymholiadau sy'n cael eu hanfon y tu allan i'r amser hwn cyn gynted â phosib pan fydd oriau gweithio'n ailgychwyn.
Sylwer:
- Mae ein cyfrifon cyfryngau cymdeithasol yma i ddarparu gwybodaeth a chefnogaeth.
- Mae cynghorwyr yn gyfrifol am eu cyfrifon cyfryngau cymdeithasol eu hunain.
- Nid ydym yn ymateb i byst neu negeseuon trydar masnachol eu natur.