Cyfleoedd noddi a masnachol

Mae Abertawe'n ddinas fywiog ar gyfer busnes, yn lle ffyniannus i fyw ac yn ganolfan ar gyfer addysg ac arloesi. Drwy bartneru â ni, gall eich sefydliad godi ei broffil, gellir cynyddu amlygrwydd y brand, ymgysylltu â'n cynulleidfaoedd a dangos ymrwymiad ystyrlon i werthoedd cymdeithasol a chymuned.

Manteision allweddol partneriaeth

1. Gwahaniaethu eich brand oddi wrth gystadleuwyr drwy lwyfannau hyrwyddo pwrpasol
2. Atgyfnerthu hygrededd a dangos cyfrifoldeb corfforaethol
3. Sefydlu partneriaethau tymor hir â Chyngor Abertawe a rhanddeiliaid cymunedol
4. Cydweithio ochr yn ochr â phartneriaid lleol a chenedlaethol eraill sy'n uchel eu parch
5. Cyrraedd miloedd o ddarpar gwsmeriaid, gan gynnwys mwy na 36,000 o fyfyrwyr a phoblogaeth gynyddol o breswylwyr ac ymwelwyr

Cyfleoedd noddi a hysbysebu

Rydym yn cynnig ystod eang o opsiynau hyblyg i weddu i bob amcan a chyllideb farchnata, gan gynnwys:

• baneri polion lampau i hysbysebu'ch cwmni mewn lleoliadau poblogaidd ledled y sir
• nawdd ar gylchfannau i arddangos eich brand ar draws llwybrau trafnidiaeth allweddol
• cyfleoedd i noddi digwyddiadau lle bydd eich brand yn amlwg ac yn cyrraedd cynulleidfaoedd mawr

Partneru â digwyddiadau arobryn

Mae gennym hanes balch o gyflwyno digwyddiadau mawr arobryn sy'n denu cynulleidfaoedd mawr a sylw'r cyfryngau. Mae eich cefnogaeth yn ein helpu i barhau i gynnal y profiadau o ansawdd uchel hyn wrth gynnig sylw gwerthfawr i'ch busnes a manteision hyrwyddol.

Mae digwyddiadau mawr yn cynnwys:

• Gŵyl Croeso
• Sioe Awyr Cymru
• Sinema Awyr Agored
• Theatr Awyr Agored
• Amplitude
• Gŵyl Jazz Ryngwladol Abertawe
• Ras 10K Bae Abertawe
• Digwyddiadau Nos Galan Gaeaf
• Arddangosfa Tân Gwyllt
• Gorymdaith y Nadolig

Mae pecynnau nawdd pwrpasol ar gael i weddu i ystod eang o gyllidebau a gellir eu teilwra i gyrraedd eich nodau marchnata penodol.

Cysylltwch â ni

I archwilio cyfleoedd nawdd neu hysbysebu, cysylltwch â'n Tîm Masnachol. Rydym yma i helpu i ddatblygu partneriaeth sy'n cyd-fynd â'ch strategaeth busnes ac yn cyflawni canlyniadau mesuradwy.

E-bost: masnachol@abertawe.gov.uk