Nodweddion diogelwch ffyrdd newydd i helpu ymwelwyr a phreswylwyr y Mwmbwls

Mae pedair ardal uwch newydd - pob un â gwell mynediad i gerddwyr - yn cael eu creu yn y mannau canlynol:

• wrth y fynedfa i Faes Parcio Ystumllwynarth;
• ger Village Lane;
• ger The Carlton Hotel;
• yn agos i fwyty The George.

Bydd y croesfannau ar yr un lefel â'r llwybrau troed a'r disgwyliad yw y byddant yn arafu cyflymderau ceir.

Bydd hyn yn helpu cerddwyr i gyrraedd y prom ar ei newydd wedd, busnesau, sefydliadau, digwyddiadau a chartrefi yn ddiogel.

Er mwyn helpu contractwyr i ymgymryd â'r gwaith, bydd dargyfeiriad ffordd bob nos - 8pm-6am - o ddydd Llun yma (sylwer: 6 Hydref ) i ddydd Iau.

Ar yr adegau hynny ni fydd traffig drwodd ar Mwmbwls Road i'r naill gyfeiriad a'r llall rhwng tafarn The White Rose wrth gyffordd Newton Road a maes parcio Knab Rock (sy'n parhau i fod ar agor).

Gosodir arwyddbyst i ddangos y llwybr amgen i draffig ffyrdd, gan gynnwys bysus; bydd yn cynnwys Newton Road, y B4593 Langland Road, Higher Lane, New Villas, Plunch Lane a Mumbles Road i'r de-ddwyrain o Verdi's.

Bydd mynediad o hyd i gerbydau, preswylwyr a phobl fusnes lleol.

Diolch am eich dealltwriaeth.

Ymholiadau: MumblesCPS@knightsbrown.co.uk