Gwobr ar gyfer prosiect adfywio'r gwaith copr
Mae cynllun adfywio a arweinir gan Gyngor Abertawe wedi ennill dwy wobr ar gyfer gwobrau Cymdeithas Frenhinol Penseiri yng Nghymru (RSAW) 2025.
Enillodd Distyllfa a Chanolfan Ymwelwyr Gwaith Copr yr Hafod-Morfa - sy'n cynnwys gwaith gan GWP Architecture ac Archer Humphryes - Wobr Pensaernïaeth Cymru Cymdeithas Frenhinol Penseiri yng Nghymru (Sefydliad Brenhinol Penseiri Prydain) a Gwobr Cadwraeth Cymdeithas Frenhinol Penseiri yng Nghymru (Sefydliad Brenhinol Penseiri Prydain) ar gyfer 2025.
Roedd y prosiect yng Nglandŵr yn cynnwys trawsnewid ardal o dreftadaeth leol sylweddol a oedd wedi'i hesgeuluso.
Cyflwynwyd y prosiect gan Gyngor Abertawe a chwmni Penderyn, gan weithio gydag amrywiaeth o bartneriaid gan gynnwys John Weaver Contractors, Prifysgol Abertawe a Chyfeillion Gwaith Copr yr Hafod-Morfa. Roedd y prif gyllidwyr yn cynnwys Cronfa Treftadaeth y Loteri Genedlaethol a Llywodraeth Cymru.
Meddai Cadeirydd Rheithgor Cymdeithas Frenhinol Penseiri yng Nghymru, Ian Chalk,"Roedd cynaliadwyedd wrth wraidd pob prosiect buddugol yn ein gwobrau yn 2025, gydag ymrwymiad cryf i ddefnyddio sgiliau a deunyddiau lleol gan sicrhau bod prosiectau wedi'u gwreiddio'n ddwfn yn eu cyd-destun. Y canlyniad yw lleoedd a wnaed gan y cymunedau y maent yn eu gwasanaethu ac ar eu cyfer."
Cyhoeddwyd yr enillwyr ar 22 Mai ac fe'u hystyrir bellach ar gyfer Gwobr Genedlaethol Sefydliad Brenhinol Penseiri Prydain chwenychedig iawn.
Dewis iaith
Rhannu'r dudalen hon
Argraffu
