Ysgol 'llawn gweithgarwch ac egni cadarnhaol'

Ymwelwyd â'r ysgol ym mis Rhagfyr ac maent bellach wedi cyhoeddi eu hadroddiad.

Mae'n datgan: "Mae Ysgol Gyfun Pontarddulais yn ysgol gyffrous a chynhwysol lle mae disgyblion, ni waeth beth yw eu cefndir a'u gallu, yn ffynnu'n academaidd, yn gymdeithasol ac yn emosiynol.

"Fel rheol, mae disgyblion yn mwynhau'r ysgol, maent yn foesgar ac yn gwrtais wrth iddynt ryngweithio ag oedolion a chyda'i gilydd. Maent yn hyderus, yn barchus ac yn awyddus i ddysgu."