Trafnidiaeth gymunedol seiliedig ar alw a gwasanaethau tacsi yn ne-orllewin Cymru - dweud eich dweud

Nod yr astudiaeth hon yw nodi set o argymhellion ar gyfer y Cynllun Trafnidiaeth Rhanbarthol sydd ar y gweill, er mwyn darparu trafnidiaeth seiliedig ar alw mewn modd mwy integredig a gwell i breswylwyr ac ymwelwyr ac annog gweithredwyr tacsis i barhau i wasanaethu'r ardaloedd mwyaf gwledig, y tu allan i oriau brig. 

Beth yw trafnidiaeth "ar alw"?

Gellir diffinio trafnidiaeth "ar alw" fel gwasanaeth hyblyg sy'n caniatáu i deithwyr drefnu eu taith ar amser cyfleus, o fan casglu dynodedig i gyrchfan gollwng o'u dewis. Gall hyn gynnwys gwasanaethau trafnidiaeth seiliedig ar alw a thrafnidiaeth gymunedol, yn ôl y diffiniad canlynol: 

• Mae trafnidiaeth seiliedig ar alw'n wasanaeth trafnidiaeth a rennir sy'n gweithredu mewn dalgylch penodol. Mae'r gwasanaethau hyn yn addasu eu llwybrau a'u hamserlenni i ymateb i alw teithwyr. Ar hyn o bryd yn y rhanbarth, mae Fflecsi a Dial-a-Ride yn cynnig gwasanaeth o'r fath.
• Mae trafnidiaeth gymunedol yn fath o drafnidiaeth seiliedig ar alw, ond mae'n cynnig atebion a arweinir yn fwy gan y gymuned. Gall trafnidiaeth gymunedol gynnwys rhannu car, gwasanaethau tacsi yn ogystal â hurio cerbydau a darparu trafnidiaeth seiliedig ar alw.

Enghreifftiau o drafnidiaeth 'ar alw' yn y rhanbarth

Ar hyn o bryd yn Rhanbarth De-orllewin Cymru, mae gwasanaethau trafnidiaeth 'ar alw' niferus:

Abertawe

• Cynllun Ceir Gwirfoddol Abertawe
• Cynllun Ceir Gorseinon 
• Gower Voluntary Transport 
• Pontarddulais and District Community Car Scheme
• DANSA (Dulais, Afan, Castell-nedd, Abertawe ac Aman)
• TAITH Co-op

Castell-nedd Port Talbot

• DANSA (Dulais, Afan, Castell-nedd, Abertawe ac Aman)
• TAITH Co-op
• Canolfan Maerdy
• Ceir Cymunedol Ystalyfera
• Shopmobility

Sir Gaerfyrddin

• Dial a Ride (DaR)
• Dolen Teifi
• Ceir Cefn Gwlad
• Trafnidiaeth Gymunedol y Ddraig Werdd

Sir Benfro

• Fflecsi
• Cludiant Gwirfoddol Sir Benfro 
• Cymdeithas Trafnidiaeth Wledig Preseli
• Cymdeithas Trafnidiaeth Gymunedol Maenorbŷr
• The Bloomfield Bus
• Bws y Bobol

https://ctauk.org/community-transport-map

Y gwaith a gwblhawyd hyd yn hyn

Hyd yn hyn, cwblhawyd gwaith i nodi a dadansoddi argaeledd, graddau a defnydd tacsis presennol, trafnidiaeth seiliedig ar alw a gwasanaethau trafnidiaeth gyhoeddus a ddarperir yn Rhanbarth De-orllewin Cymru. Nod yr ymgynghoriad yw defnyddio eich mewnbwn a'ch adborth i helpu i nodi problemau nas nodwyd yn flaenorol a thrwy hynny ddatblygu argymhellion.

Problemau allweddol a nodwyd

1. Cyrhaeddiad gwasanaethau bws sy'n gweithredu ar amserlen
2. Ni chydlynir symudiadau'n helaeth rhwng gweithredwyr trafnidiaeth gymunedol amrywiol yn yr un rhanbarth er mwyn sicrhau bod llai o orgyffwrdd/gystadlu rhwng gwasanaethau
3. Caiff meddalwedd amserlennu ei chydlynu mewn modd anghyson a chymhleth ac mae'n rhaid cofrestru ar ei chyfer a'i defnyddio ar sawl platfform
4. Ymwybyddiaeth o opsiynau sydd ar gael i deithio yn hytrach na'r car preifat
5. Mae argaeledd gwasanaethau tacsi yn canolbwyntio ar ardaloedd mwy trefol oherwydd logisteg a chostau
6. Mae cyllid, argaeledd gyrwyr ac oriau gweithredu'n cyfyngu ar wasanaethau
7. Mae'r meini prawf cymhwysedd ar gyfer trafnidiaeth nad yw'n ymwneud â chleifion brys yn gaeth
8. Mae cwmpas band eang gwael mewn ardaloedd gwledig
9. Mae gan gyfran uchel o breswylwyr bryderon iechyd a symudedd cyfyngedig

Sut i ddweud eich dweud

Sesiynau galw heibio

• Dydd Llun 14 Gorffennaf, 3.00pm - 7.00pm - Neuadd Bentref Pentrecwrt, Pentre Cwrt, Llandysul, Sir Gaerfyrddin SA44 5BD
• Dydd Mawrth 15 Gorffennaf, 3.00pm - 7.00pm - Neuadd Goffa Treletert, Heol yr Orsaf, Hwlffordd, Sir Benfro SA62 5RY
• Dydd Mercher 16 Gorffennaf, 3.00pm - 7.00pm - Neuadd Bentref Horton, Horton, Abertawe SA3 1LW
• Dydd Iau 17 Gorffennaf, 3.00pm - 7.00pm - Tafarn y Crymych Arms, Crymych, Sir Benfro SA41 3RJ

Cliciwch yma i lenwi'r arolwg ar-lein nawr

Dyddiad cau: 11.59pm, Dydd Iau 31 Gorffennaf 2025

Beth fydd yn digwydd nesaf? 

Yn dilyn yr ymgynghoriad hwn, byddwn yn croesawu eich mewnbwn a'ch adborth i ymdrin â'r problemau a nodwyd a datblygu argymhellion ymhellach. Os nad ydych yn gallu rhoi adborth heddiw neu os ydych yn teimlo'n fwy cyfforddus wrth rannu eich barn drwy e-bost, gallwch anfon e-bost i: SWWDRTandTaxi@wsp.com