Ysgol Gynradd Gymraeg Bryniago: Athro/ Athrawes Rhan amser (Dros Dro)

YGG Bryniago
Pontarddulais
Abertawe
SA4 8JA
Ffôn: 01792 882012

Rydym yn chwilio am gydweithiwr ysbrydoledig, profiadol ac ymroddedig i ddysgu disgyblion ifanc yng Nghyfnod y Dysgu Sylfaen (3-7 oed), gan greu profiadau dysgu cyfoethog, ystyrlon ac ymarferol sy'n adlewyrchu meddylfryd y Cwricwlwm i Gymru.

Disgwylir i'r athro/athrawes:

• gynnal yr ethos cadarnhaol yn yr ysgol, sydd â'i wreiddiau yn yr iaith Gymraeg a'r diwylliant Cymreig.
• feddu ar sgiliau dysgu o safon uchel a fydd yn heriol ac yn ysgogol yng Nghyfnod y  Dysgu Sylfaen (3-7 oed)
• i fod yn barod i arwain a datblygu MDaPh yn effeithiol a llwyddiannus ar draws yr holl oed dysgu.
• fedru cyd-weithio fel aelod o dîm.
• Dangos dealltwriaeth gadarn o ddatblygiad plant a'r dulliau dysgu sy'n berthnasol i leoliadau meithrin nas cynhelir a'r blynyddoedd cynnar.
• Mae ymroddiad i addysg Gymraeg ynghyd â Chymraeg llafar ac ysgrifenedig graenus yn hanfodol.

YR HYN RYDYM YN EI GYNNIG:

• Cymuned weithgar a hapus, sy'n cynnig amgylchedd gofalgar, diogel a chroesawgar
• Diwylliant cadarnhaol sy'n meithrin egwyddorion arwyddair yr ysgol yn dda, sef 'Dim ond ein gorau glas sy'n ddigon da
• Plant brwdfrydig, staff gweithgar a llywodraethwyr cefnogol
• Cwricwlwm perthnasol sy'n cwmpasu'r meysydd dysgu a phrofiad sy'n herio ac ysbrydoli dysgwyr i gyrraedd safonau da
• Tîm o staff sydd yn rhoi pwyslais cryf ar les corfforol ac emosiynol disgyblion a sy'n dathlu gwahaniaethau o fewn cymdeithas
• Cymorth pwrpasol o ansawdd uchel i ddisgyblion ag ADY
• Ymrwymiad i ddysgu proffesiynol parhaus ar bob lefel

Bydd gofyn i ymgeiswyr ar y rhestr fer ddangos eu haddysgu rhagorol trwy arsylwad gwers gan y pennaeth/ dirprwy-bennaeth.

Dyddiad cau ar gyfer ceisiadau: Hanner dydd Mercher, Mehefin 18fed, 2025
Rhestr Fer: w/d 23.06.2025
Sylwadau gwersi: w/d 23.06.2025 
Cyfweliadau: Dydd Iau 27.06.2025

Ffurflen gais - athrawon cynradd, uwchradd, arbennig (Word doc, 120 KB)

Swydd ddisgrifiad athro athrawes YGG Bryniago (PDF, 264 KB)

Cyflwynwch eich llythyr cais a ffurflen gais wedi'i llenwi i swyddfa'r Ysgol, yn ygg.bryniago@swansea-edunet.gov.uk at  sylw'r pennaeth.  

Bydd yr holl ymgeiswyr yn derbyn ymateb, i gadarnhau ein bod wedi derbyn y cais. Mae disgrifiad swydd manwl ar gael gyda'r ffurflen gais.

Mae ffurflenni cais a manylion pellach ar gael ar wefan Swyddi Addysgu Abertawe https://www.swansea.gov.uk/schooljobs 

Mae'r swydd yn amodol ar Ddatgeliad Uwch gan y Gwasanaeth Datgelu a Gwahardd.

Yng Nghyngor Abertawe, mae egwyddor "Diogelu yw Busnes i Bawb," ac mae hyn yn berthnasol i holl weithwyr Cyngor Abertawe, aelodau etholedig, gwirfoddolwyr a chontractwyr.  Gellir dod o hyd i ragor o wybodaeth yn https://www.abertawe.gov.uk/diogelucorfforaethol