Ysgol Gyfun Bryn Tawe: Swyddog Bugeiliol
(dyddiad cau: 03/10/25 am hanner dydd). Graddfa Gyflog 6 Pro Rata amser tymor yn unig. Mae'r contract yn barhaol ac yn 37 awr yr wythnos, amser tymor yn unig. Mae'r gallu i gyfathrebu trwy'r Gymraeg yn allweddol ar gyfer y rôl hon.
Rydym yn edrych i apwyntio swyddog i dîm bugeiliol yr ysgol, i ddechrau cyn gynted â phosib. Fe fydd yr ymgeisydd llwyddiannus yn ymuno â thîm bugeiliol profiadol, brwdfrydig, gweithgar a chyfeillgar yr ysgol ac yn gweithio gydag unigolion a grwpiau o ddisgyblion ar draws CA3 a 4.
Croesawn geisiadau gan unigolion â'r brwdfrydedd a'r angerdd i gyfrannu at wella profiadau disgyblion yn yr ysgol yn ogystal â chyfrannu at fwrlwm addysgu Cymraeg yn Abertawe. Rydym yn benodol yn edrych am unigolion sydd â'r angerdd, y gallu neu'r profiad a'r natur i gefnogi unigolion a grwpiau o ddisgyblion i oresgyn unrhyw rhwystrau i'w dysgu.
Mae'r rol yma, yn gofyn am unigolion amyneddgar, didwyll ac adferol, mae rol yn allweddol i gefnogi ein disgyblion i fod y gorau allant fod ac i lwyddo drwy gyrraedd eu potensial. Mae'r angen am y gefnogaeth bwysig yma yn allweddol i lwyddiant ein disgyblion.
Sut i Ymgeisio:
Dyddiad Cau cyflwyno cais: Dydd Gwener 3 Hydref 2025 12 hanner dydd
Cyflog: Graddfa Cyflog 6 Pro Rata amser tymor yn unig
Cytundeb: parhaol 37 awr yr wythnos, amser tymor yn unig
Mae'r gallu i gyfathrebu drwy'r Gymraeg yn allweddol ar gyfer y rôl hon.
Bydd y swydd yn amodol ar wiriad cymwysterau a dau eirda. Bydd cais yn cael ei wneud i ddatgelu cofnod troseddol yr ymgeisydd y cynigir y swydd hon iddo/iddi.
Ffurflen gais - staff cefnogi a leolir mewn ysgolian (Word doc, 134 KB)
Dylid danfon am ffurflen gais a gwybodaeth bellach at: Mrs Eirian Leonard a Miss Lynwen Matthews , Rheolwr Busnes Ysgol Gyfun Gymraeg Bryn Tawe, Heol Gwyrosydd, Penlan, Abertawe, SA5 7BU.
Dylid dychwelyd ffurflenni cais erbyn: Dydd Gwener 3 Hydref 2025 12 hanner dydd
Mae'r awdurdod yn unol â'r Polisi Diogelu Corfforaethol wedi ymrwymo i ddiogelu a hyrwyddo lles plant, pobl ifanc ac oedolion ac yn disgwyl i'r holl staff a gwirfoddolwyr rannu'r ymrwymiad hwn. Mae'r Awdurdod yn disgwyl i bawb o'r staff ymgymered â hyfforddiant diogelu gorfodol ar gyfer amddiffyn plant ac oedolion a derbyn y wybodaeth ddiweddaraf amdano.
Yng Nghyngor Abertawe yr egwyddor yw "Busnes Pawb yw Diogelu", ac mae hyn yn berthnasol I holl weithwyr Cyngor Abertawe, aelodau etholedig, gwirfoddolwyr a chontractwyr. I gael rhagor o fanylion ewch I https://www.abertawe.gov.uk/diogelucorfforaethol
Rhannu'r dudalen hon
Argraffu
