Swyddog Iechyd yr Amgylchedd dan hyfforddiant (dyddiad cau: 04/11/25)

Teitl y swydd: Swyddog Iechyd yr Amgylchedd dan hyfforddiant
Rhif y swydd: PL.73992
Cyflog: £32,061 - £35,412 pro rata y flwyddyn
Disgrifiad swydd: Swyddog Iechyd Amgylcheddol Hyfforddai (PL.73992) Disgrifiad swydd (PDF, 291 KB)
Cyfarwyddiaeth/adran: Lle

Gwnewch gais ar-lein nawr am y swydd PL.73992

Dyddiad cau: 11.45pm, 4 Tachwedd 2025

Rhagor o wybodaeth

Rydym yn chwilio am berson trefnus a llawn cymhelliant i ymuno â thîm prysur sy'n cyflawni'r ystod lawn o waith tai sector preifat. 

Pwrpas y swydd hon yw:

• Gweithio fel Ymarferydd Iechyd yr Amgylchedd dan Hyfforddiant gyda'r bwriad o symud ymlaen i fod yn Ymarferydd Iechyd yr Amgylchedd cymwysedig a chofrestredig CIEH. Gan weithio o dan oruchwyliaeth gweithwyr proffesiynol iechyd yr amgylchedd cymwysedig byddwch yn datblygu'r sgiliau a'r cymwyseddau angenrheidiol i alluogi dilyniant tuag at reoli eich llwyth achosion eich hun, wrth fynd ar drywydd hyfforddiant a datblygiad proffesiynol pellach, i gyflawni cymhwyster a statws proffesiynol llawn.
• Cymryd rhan yn rôl Tîm Tai y Sector Preifat wrth ddiogelu a gwella iechyd ac amgylchedd ein cymuned gyda phwyslais arbennig ar dai sector preifat.
• Er mwyn eich helpu i ennill yr ehangder llawn o brofiad angenrheidiol i gwblhau Portffolio a Thrafodaeth Broffesiynol CIEH EHP, bydd yr adran yn caniatáu amser penodol i gysgodi ar draws adrannau Iechyd yr Amgylchedd eraill, rhaid cytuno ar hyn gyda rheolwyr ymlaen llaw. 

Fel myfyriwr Iechyd yr Amgylchedd neu raddedig, byddwch yn gweithio o fewn Tîm Tai y Sector Preifat i gefnogi'r gwaith o gyflawni gwaith tai sector preifat y Cyngor. Bydd y gwaith hwn yn cynnwys -

• Cynorthwyo i gynnal ymchwiliadau i amodau byw diffygiol a niwsans iechyd y cyhoedd, cynhyrchu adroddiadau am gyflyrau a ganfuwyd a chychwyn camau cyfreithiol fel y bo'n briodol.
• Cynorthwyo i gymhwyso a gorfodi Polisi Trwyddedu HMO i gynnwys cyngor, arolygiadau, asesu a pharatoi trwyddedau HMO a gorfodi amodau.
• Cynorthwyo i gynnal arolygon tai gan ddefnyddio'r system sgorio iechyd a diogelwch tai a Rheoliadau Rheoli HMO. Paratoi adroddiadau ar amodau, amserlenni gwaith a chychwyn camau cyfreithiol fel y bo'n briodol.
• Ymateb i amrywiaeth o geisiadau a gofynion gwasanaeth o fewn y targed.
• Cynnal ymweliadau ac arolygiadau dilynol a monitro i sicrhau cydymffurfiaeth â gofynion statudol.
• Cysylltu â landlordiaid, perchnogion, asiantau a thenantiaid a chynghori ar ofynion priodol deddfwriaeth tai ac iechyd y cyhoedd.
• Darparu adroddiadau ysgrifenedig, electronig a llafar ar y gwaith a wnaed a chynhyrchu gohebiaeth briodol.
• Cadw cofnodion ysgrifenedig ac electronig cywir ac amserol o'r arolygiadau a'r camau a gymerwyd, gan ddefnyddio cronfa ddata TG yr adran yn llawn.
• Gweithio o dan rywfaint o oruchwyliaeth, blaenoriaethu achosion perthnasol yn unol â'r tîm a thargedau unigol a PIs fel y cytunwyd arnynt gyda'r Arweinydd Tîm.
• Cyfrannu at gynllun gwaith y tîm.
• Cynorthwyo ar weithredu deddfwriaeth, cyfundrefnau rheoleiddio a mentrau newydd yn ôl yr angen.

Bydd y rôl yn gweithio yn unol â'n polisi gweithio Hyblyg gyda gweithio yn y swyddfa a gweithio gartref ond bydd yn ofynnol iddi hefyd deithio i leoliadau eraill o fewn a thu allan i ffin Dinas a Sir Abertawe.  Bydd ymweliadau â lleoliadau ac adeiladau allanol i fynychu cyfarfodydd / cynnal ymweliadau ac arolygiadau.  Bydd gwaith ar y safle yn aml yn waith unigol a gall fod yn amodau tywydd garw.

Diogelu
Yng Nghyngor Abertawe yr egwyddor yw "Busnes Pawb yw Diogelu", ac mae hyn yn berthnasol I holl weithwyr Cyngor Abertawe, aelodau etholedig, gwirfoddolwyr a chontractwyr. I gael rhagor o fanylion ewch I https://www.abertawe.gov.uk/diogelucorfforaethol