Dirprwy Arglwydd Faer

Ganed Penny yn Manselton Road ac yn 4 oed cofrestrodd fel disgybl yn Ysgol Trefansel. Symudodd i Ysgol Brynhyfryd rhwng 7 oed ac 11 oed, cyn iddi fynychu Ysgol Uwchradd Dechnegol Abertawe i Ferched (SSTSG) ar ôl pasio'r arholiad ffiniol 11 plws. Mae Penny wedi cynnal perthnasoedd da â'i chyd-ddisgyblion ac maent wedi cadw mewn cysylltiad â'i gilydd dros y blynyddoedd. 

Dechreuodd gyrfa Penny drwy weithio ar ddydd Sadwrn wrth gownter colur siop Woolworth ar Stryd Rhydychen, cyn iddi gael swydd dros dro gyda The Steel Company of Wales yn Felindre. Yn fuan wedyn, cafodd gynnig swydd yn D.C. Francis Coal Merchants, lle bu'n rheoli'r swyddfa am bedair blynedd. Yna aeth rhagddi i'r Goods Vehicle Centre ar y Strand yn Abertawe fel clerc archebu a chynrychiolydd Undeb CPSA. Parhaodd ei gyrfa yn y Ganolfan Byd Gwaith yn Nhreforys, lle bu'n gwasanaethu fel cynrychiolydd undeb ac yn ymdrin ag ymyriadau rheng flaen i bobl a oedd yn hawlio budd-daliadau. 

Ar ôl ymddeol a cholli ei gŵr, Ken, derbyniodd swydd ran-amser gyda Virgin yn y Parc Menter. 

Mae Penny wedi arwain sawl ymgyrch leol yn Llansamlet, gan gynnwys gwrthwynebu adeiladu tai mewn ardal werdd fach lle roedd plant yn arfer chwarae ac adeiladu tai coed, a gwrthwynebu cau'r swyddfa bost leol yn Frederick Place. 

Ers 1995, mae Penny wedi bod yn llywodraethwr ymroddedig yn Ysgol Trallwn, gan gefnogi'r ysgol dros y blynyddoedd drwy fod yn aelod o bwyllgorau a mynd i ddigwyddiadau. Y trobwynt oedd pan gafodd ei hethol yn is-etholiad 2007, ac mae wedi mwynhau'n fawr ei rôl fel aelod etholedig ar gyfer ward Llansamlet.

A hithau'n Ddirprwy Arglwydd Faer bellach, mae Penny yn edrych ymlaen at gynrychioli dinas Abertawe a chwrdd â chymunedau o bob man. Mae'n edrych ymlaen yn fawr at gael y cyfle i gyfathrebu â grwpiau gwahanol a chyfrannu at ysbryd bywiog y ddinas.