Dwysedd poblogaeth

Mae amcangyfrifon dwysedd poblogaeth ar gael ar gyfer Abertawe a'i hardaloedd lleol, gan gynnwys wardiau ac Ardaloedd Cynnyrch Ehangach Haen Is a Chanol (ACEHI ac ACEHG).  Mae'r ffigyrau hyn yn deillio o rannu'r amcangyfrifon poblogaeth canol blwyddyn swyddogol ag arwynebedd y tir mewn cilometrau sgwâr.  Mesurir arwynebedd y tir ar y penllanw cymedrig ac eithrir ardaloedd lle mae dŵr mewndirol, fel a argymhellir gan y Swyddfa Ystadegau Gwladol ac Eurostat.

Cynhwysir ffigurau dwysedd poblogaeth (a'r amcangyfrifon cyfanswm poblogaeth ac arwynebedd tir ategol) yn y ffeil sydd ar y dudalen hon, sy'n cynnwys y taflenni gwaith canlynol ar wahân:

• Dinas a Sir Abertawe, 1991 i canol 2024
• Awdurdodau lleol yng Nghymru, canol 2024
• Ardaloedd Cynnyrch Ehangach Haen Is yn Abertawe, canol 2022*
• Ardaloedd Cynnyrch Ehangach Haen Ganol yn Abertawe, canol 2022*
• Wardiau etholiadol yn Abertawe, canol 2022*

* Mae'r ffigurau hyn yn gyson ag amcangyfrifon poblogaeth diwygiedig awdurdodau lleol ar gyfer canol 2022 a gyhoeddwyd ar 30 Gorffennaf 2025.  Mae disgwyl i'r amcangyfrifon poblogaeth a dwysedd ar gyfer ardaloedd bach gael eu diwygio a'u diweddaru yn ddiweddarach yn 2025.

Dwysedd Poblogaeth 2022-24 (Excel doc, 133 KB)

Dwysedd cyfartalog poblogaeth Dinas a Sir Abertawe yw 666 o bobl y cilometr sgwâr (amcangyfrif canol 2024), sef y pedwerydd uchaf o 22 o ardaloedd awdurdod lleol Cymru (cyfartaledd: 154 o bobl y cilometr sgwâr).  Yn Abertawe, mae amcangyfrifon dwysedd poblogaeth lleol yn amrywio'n sylweddol gan ddibynnu ar y ddaearyddiaeth ardaloedd bach a ddefnyddir:

• Ar gyfer wardiau, mae gwerthoedd yn amrywio o 32 o bobl y cilometr sgwâr (ar gyfer ward Gŵyr) i 6,480 o bobl y km sgwâr (ward Uplands).
• ACEHG: o 49 o bobl y km sgwâr (Abertawe 030 - 'Gorllewin Gŵyr') i 8,991 o bobl y km sgwâr (Abertawe 026 - 'Brynmill').
• ACEHI: o 29 o bobl y km sgwâr (ACEHI Gŵyr 2) i 15,385 o bobl y km sgwâr (ACEHI 'Uplands 9').

Os oes gennych unrhyw ymholiadau ynghylch yr amcangyfrifon dwysedd poblogaeth neu ystadegau poblogaeth eraill, cysylltwch â ni.