Poblogaeth

Yr amcangyfrif swyddogol diweddaraf o boblogaeth Dinas a Sir Abertawe yw 251,300 (amcangyfrif canol blwyddyn 2024, Swyddfa Ystadegau Gwladol). 

Dyma'r bedwaredd set o amcangyfrifon poblogaeth canol blwyddyn blynyddol a gyhoeddwyd gan y SYG ers Cyfrifiad 2021.  Maent yn cynrychioli poblogaeth amcangyfrifedig Abertawe ar 30 Mehefin 2024, sy'n rhoi cyfrif am enedigaethau, marwolaethau a newidiadau mudo amcangyfrifedig dros y flwyddyn.  Mae'r amcangyfrif diweddaraf yn dangos twf poblogaeth cyffredinol o oddeutu 2,300 (+0.9%) yn Abertawe ers canol 2023.  Fel rhan o'r datganiad hwn, mae'r amcangyfrifon gwreiddiol ar gyfer canol 2022 a chanol 2023 wedi cael eu diwygio gan y SYG i gyfrif am amcangyfrifon diweddaredig mudo mewnol a rhyngwladol.

Mae ffeil ddata ar gael sy'n cynnwys poblogaeth fesul blynyddoedd sengl ac wedi'u grwpio, i alluogi cyfrifiadau a dadansoddiadau pellach: Poblogaeth Abertawe canol 2024 (Excel doc, 46 KB)

Bydd rhagor o wybodaeth am yr amcangyfrifon poblogaeth ar gyfer Abertawe, gan gynnwys dadansoddiadau yn ôl oedran a rhyw, elfennau newid a data ar gyfer awdurdodau lleol eraill yng Nghymru ar gael mewn nodyn briffio ar y dudalen hon yn fuan. 

Mae mwy o wybodaeth am y boblogaeth a'r ddemograffeg ar y tudalennau canlynol: 

• Tueddiadau Poblogaeth Diweddar
• Cyfrifiad 2021: cefndir, canlyniadau cyntaf, ystadegau ar nodweddion poblogaeth ac aelwydydd
• Amcangyfrifon poblogaeth ardaloedd bach (hyd at ganol 2022)
• Dwysedd poblogaeth, gan gynnwys ar gyfer ardaloedd bach yn Abertawe
• Amcangyfrifon Aelwydydd (hyd at ganol 2023)
• Rhagamcanion Poblogaeth ac Aelwydydd (Llywodraeth Cymru, sail-2018)

Os oes gennych fwy o ymholiadau ynghylch ystadegau poblogaeth Abertawe, cysylltwch â ni.