Tueddiadau Poblogaeth Diweddar

Rhwng pob cyfrifiad dengmlwyddol, cyhoeddir amcangyfrifon poblogaeth sy'n seiliedig ar bwynt canol y flwyddyn flaenorol gan y Swyddfa Ystadegau Gwladol (SYG).  Cyfrifir yr amcangyfrifon gan ddefnyddio'r cyfrifiad fel meincnod, a chyfuno cofrestriadau geni a marwolaeth blynyddol dilynol ag amcangyfrifon llifoedd ymfudo mewnol (yn y DU) a rhyngwladol.

Rhwng 2014 a 2024, cynyddodd poblogaeth amcangyfrifedig Abertawe o 12,100 neu 5.0% (o 239,200 i 251,300).  Mae nodyn briffio ar gael sy'n archwilio'r newid tymor hir i'r boblogaeth yn Abertawe'n fanylach.  

Newid Diweddar Ym Mhoblogaeth Abertawe (i 2023) (PDF, 1 MB).   Sylwer: bydd hyn yn cael ei ddiweddaru cyn bo hir i gynnwys yr amcangyfrifon diweddaraf.

Mae mwy o wybodaeth am yr amcangyfrifon poblogaeth diweddaraf ar gael ar y dudalen Poblogaeth.  Mae'r dudalen we poblogaeth hefyd yn cynnwys dolenni i wybodaeth leol ychwanegol am boblogaeth a demograffeg, gan gynnwys: ystadegau cyfrifiadau; amcangyfrifon poblogaeth ar gyfer ardaloedd bach yn Abertawe; dwysedd poblogaeth; amcangyfrifon aelwydydd; a'r rhagamcaniadau poblogaeth ac aelwyd swyddogol diweddaraf.

Os oes gennych fwy o ymholiadau ynghylch ystadegau poblogaeth a demograffeg yn Abertawe, cysylltwch â ni.