Ffioedd rheoliadau adeiladu
Rhennir y ffïoedd rheoliadau adeiladu'n ffïoedd cynllunio ac archwilio, ffïoedd hysbysiadau adeiladu a ffïoedd rheoleiddio. Maent yn wahanol i bob math o waith.
Gan ddibynnu ar y math o gais rydych yn ei wneud, byddwch naill ai'n talu pan fyddwch yn gwneud cais neu'n cael eich anfonebu'n nes ymlaen. Gwiriwch y canlynol i sicrhau eich bod yn gallu talu ar yr adeg gywir:
- cynlluniau llawn - mae'n rhaid talu ffi'r cynllun ar adeg cyflwyno'r cais ar gyfer y cynllun llawn
- hysbysiadau adeiladu - mae'n rhaid talu'r ffi ar adeg cyflwyno'r hysbysiad adeiladu
- ffioedd arolygu - anfonebir y rhain ar ôl i'r arolygiad cyntaf gael ei wneud
- addasiadau i'r anabl - nid oes cost ar gyfer gwaith mewn adeilad sy'n rhoi mynediad a chyfleusterau i bobl anabl.
Cael dyfynbris
Os hoffech ddyfynbris am eich gwaith arfaethedig, ffoniwch y swyddfa ar 01792 635619 neu 635636.
Ffïoedd ar gyfer gwasanaethau eraill
Rydym yn cynnig nifer o wasanaethau rheoli adeiladu eraill. Ceir manylion y ffïoedd sylfaenol ar gyfer y gwasanaethau hyn yn y tabl isod.
| Math o waith | Cyfanswm (ac eithrio TAW) | TAW | Cyfanswm (gan gynnwys TAW) |
|---|---|---|---|
| Asesiadau risg tân (lleiafswm ffi) | £464.00 | £116.00 | £580.00 |
| Darparu gwybodaeth Rheoliadau Adeiladu | - | - | £34.00 |
Sylwer
Mae'r ffioedd asesiadau risg tân a nodwyd uchod ar gyfer adeiladau confensiynol. Cysylltwch â ni i gael dyfynbris ar gyfer adeiladau mwy cymhleth. Caiff adeiladau eraill eu hasesu'n unigol.
Talu eich ffïoedd
Gellir talu ffïoedd trwy unrhyw un o'r dulliau canlynol wrth ymweld â'r swyddfa:
- arian parod
- siec - Wedi'i gwneud yn daladwy i 'Dinas a Sir Abertawe'
- cerdyn credyd - Gallwn dderbyn Mastercard, Visa, Visa Electron a Maestro
Wrth gwrs gallwch anfon eich cais trwy'r post gyda siec. Peidiwch ag anfon arian parod trwy'r post.
Hefyd byddwn yn derbyn taliad cerdyn credyd dros y ffôn, ond bydd angen i chi anfon eich cais yn gyntaf fel y gallwn benderfynu ar y ffi. Yna byddwn yn cysylltu â chi am eich manylion. Sylwer na ellir derbyn Visa Electron dros y ffôn.