Rhoi hysbysiad am waith dymchwel arfaethedig

Darllenwch y nodyn isod cyn i chi lenwi'r ffurflen hon.

1. Mae'r adran hon yn berthnasol i ddymchwel adeilad cyfan neu ran o adeilad, ac eithrio

• dymchwel yn unol â gorchymyn dymchwel a wnaed o dan Ddeddf Tai 1957, a
• dymchwel -
  • rhan fewnol o adeilad, lle mae'r adeilad yn cael ei feddiannu a'r bwriad yw y dylai barhau i gael ei feddiannu,
  • adeilad â chyfanswm ciwbig (y penderfynir arno gan fesuriadau allanol) nad yw'n fwy na 1,750 o droedfeddi ciwbig (tua 50m3), neu, lle mae tŷ gwydr, ystafell wydr, sied neu garej parod yn ffurfio rhan o adeilad mwy, tŷ gwydr, ystafell wydr, sied neu garej parod, neu
  • • heb leihau effaith is-baragraff (ii) uchod, adeilad amaethyddol (fel y'i diffinnir yn adran 26 o Ddeddf y Dreth Gyffredinol 1967), oni bai ei fod yn gyfagos i adeilad arall nad yw'n adeilad amaethyddol neu'n adeilad o fath a grybwyllir yn yr is-baragraff hwnnw

2. Ni chaiff person ddechrau gwaith ar gyfer dymchwel y mae'r adran hon yn gynnwys iddo, oni bai -

• ei fod wedi rhoi hysbysiad i'r awdurdod lleol o'i fwriad i wneud hynny a
• naill ai -
  • bod yr awdurdod lleol wedi rhoi hysbysiad iddo o dan adran 81, neu
  • os yw'r cyfnod perthnasol (fel y'i diffinnir yn yr adran honno) wedi dod i ben.

3. Rhaid i hysbysiad o dan isadran (2) uchod nodi pa adeilad y mae'r gwaith dymchwel yn ymwneud ag ef a'r gwaith dymchwel y bwriedir ei wneud, a dyletswydd person sy'n rhoi hysbysiad o'r fath i awdurdod lleol yw anfon neu roi copi o'r hysbysiad hwnnw i - (a) feddiannydd unrhyw adeilad sy'n gyfagos i'r adeilad,

• corfforaeth British Gas, a
• bwrdd trydan yr ardal y mae'r adeilad ynddi.

4. Mae person sy'n mynd yn groes i isadran (2) uchod yn atebol ar gollfarn ddiannod i ddirwy na fydd yn fwy na lefel 4 ar y raddfa safonol.