Llyfrgell Ganolog

Disgwylir i'r llyfrgell newydd yn Y Storfa gael ei hagor yn ddiweddarach yn y flwyddyn. Bydd diweddariadau'n cael eu postio yma ac ar ein sianeli cyfryngau cymdeithasol, felly cadwch lygad amdanynt!

Wrth i'r llyfrgell fod ar gau

Gallwch barhau i fenthyg a dychwelyd llyfrau yn unrhyw un o'n 16 llyfrgell arall (gan gynnwys dychwelyd llyfrau a fenthycwyd o'r Llyfrgell Ganolog), yn ogystal â chael mynediad at gyfrifiaduron, argraffwyr a Wi-Fi:

Llyfrgelloedd yn Abertawe Llyfrgelloedd yn Abertawe

Mae amrywiaeth o ddigwyddiadau ar gyfer pob oedran ar draws ein llyfrgelloedd, beth am gael cip:

Digwyddiadau'r llyfrgell Digwyddiadau'r llyfrgell

Mae ein gwasanaethau ar-lein yn parhau i fod ar gael fel arfer, gan gynnwys:

• Gallwch chwilio, adnewyddu a gofyn am eitemau'r llyfrgell ar-lein
• e-Lyfrau, e-Lyfrau Llafar, e-Gylchgronau ac e-Bapurau Newydd
• Ymuno â Llyfrgelloedd Abertawe
• Adnoddau llyfrgell ar-lein

Eich Llyfrgell Ganolog newydd yn Y Storfa

Byddwch yn gallu defnyddio'r Llyfrgell Ganolog newydd yn Y Storfa bob diwrnod o'r wythnos! Fel nawr, gall oriau fod yn wahanol yn ystod gwyliau cyhoeddus. Bydd llyfrgell y Ganolfan Ddinesig yn symud i'r Storfa. Mae'r llyfrgell wedi bod ar agor chwe diwrnod yr wythnos; roedd hi ar gau bob dydd Llun.

Bydd trefn hunanwasanaeth arloesol, heb staff ar waith bob dydd Llun yn y llyfrgell newydd a fydd yn eich galluogi i:

• fenthyca, dychwelyd ac adnewyddu eitemau i'w benthyg - dewch â'ch cerdyn llyfrgell
• cyrchu catalog ar-lein Llyfrgelloedd Abertawe
• casglu eitemau sydd ar gadw pan fyddant ar gael
• argraffu - drwy daliad ar-lein
• sganio - ar sganiwr gwastad
• defnyddio dyfeisiau cyhoeddus, gan gynnwys cyfrifiaduron a thabledi Hublet, er mwyn cael mynediad at y rhyngrwyd ac at ddibenion eraill
• defnyddio WiFi am ddim
• cael mynediad at fapiau
• cael mynediad at bapurau newyddion ar ficroffilm
• ymuno â'r llyfrgell ar-lein
• defnyddio ardaloedd cyhoeddus Y Storfa

Bydd y Llyfrgell Ganolog newydd yn cael ei staffio chwe diwrnod yr wythnos, fel y mae nawr, a bydd yn cynnig ei hamrediad llawn o wasanaethau.

Bydd ei horiau agor yr un peth â rhai'r Ganolfan Ddinesig (ynghyd â'r hunanwasanaeth ar ddydd Llun):

• Dydd Llun - 9.00am - 5.30pm (hunanwasanaeth yn unig)
• Dydd Mawrth - 9.00am - 5.30pm
• Dydd Mercher - 9.00am - 7.00pm
• Dydd Iau - 9.00am - 5.30pm
• Dydd Gwener - 9.00am - 5.30pm
• Dydd Sadwrn - 10.00am - 4.00pm
• Dydd Sul - 10.00am - 4.00pm