Toglo gwelededd dewislen symudol

Gwybodaeth am wyliau'r banc - y Pasg

Gwybodaeth am wyliau'r banc ar gyfer ein gwasanaethau, gan gynnwys amserau agor a chysylltiadau brys. Cynhelir yr holl gasgliadau ailgylchu ar y diwrnodau arferol.

Haf o hwyl y ddinas yn mynd rhagddo

Mae haf o hwyl wedi cychwyn yn Abertawe gyda gweithgareddau i gadw plant a phobl ifanc yn heini, yn iach ac yn hapus!

Summer of Fun ministerial visit

Summer of Fun ministerial visit

Mae tua 100 o grwpiau cymunedol, clybiau chwaraeon a sefydliadau eraill wedi derbyn cyllid gan Gyngor Abertawe drwy raglen Haf o Hwyl Llywodraeth Cymru.

Ymwelodd y Dirprwy Weinidog dros Wasanaethau Cymdeithasol, Julie Morgan, â nifer o brosiectau'r wythnos hon yn y ddinas i siarad â'r bobl ifanc sy'n elwa.

Roedd y rhain yn cynnwys amrywiaeth o weithgareddau cymunedol hwyl a gynhelir yng Nghanolfan y Ffenics yn Townhill a gweithgareddau am ddim, cynlluniau chwarae a gwasanaethau'r blynyddoedd cynnar yng Nghanolfan Golwg y Mynydd yn Mayhill.

Mae rhaglen weithgareddau orlawn Haf o Hwyl yn cynnwys chwaraeon, celf, crefftau a phrosiectau amgylcheddol - gallwch weld y rhestr lawn a'r holl ddyddiadau, amserau a manylion ynghylch sut i gofrestru yn https://www.abertawe.gov.uk/gweithgareddaugwyliau

Meddai Aelod Cabinet Cyngor Abertawe dros Gefnogi Cymunedau, Hayley Gwilliam, "Eleni mae Abertawe wedi derbyn dros £400,000 gan Lywodraeth Cymru i gefnogi ystod enfawr o weithgareddau gyda rhywbeth a ddylai apelio at holl blant a phobl ifanc y ddinas."

Meddai'r Dirprwy Weinidog dros y Gwasanaethau Cymdeithasol, Julie Morgan, "Roedd yn bleser ymweld ag Abertawe heddiw i weld drosof fy hun sut mae plant y ddinas a'u teuluoedd yn elwa o Haf o Hwyl."

Close Dewis iaith