Cerbydau trydan

Gwybodaeth i breswylwyr ac ymwelwyr sy'n defnyddio cerbydau trydan.

Treial mannau gwefru preswyl ar y stryd ar gyfer cerbydau trydan

Cerbydau trydan mewn meysydd parcio

Ar hyn o bryd mae 25 o feysydd parcio'r cyngor yn cynnig mannau gwefru cerbydau trydan i'w defnyddio gan y cyhoedd.

Mae'r holl fannau gwefru ym meysydd parcio'r cyngor yn darparu trydan adnewyddadwy 100% i ddefnyddwyr. Mae'r 25 safle'n cynnwys cyfanswm o 78 o fannau gwefru 'cyflym' sy'n golygu bod y mannau gwefru'n cynnig 7-22kW o bŵer.

Gallwch wefru batri cerbyd ar yr uchafswm cyfradd wefru y gall y cerbyd ei dderbyn yn unig. Er enghraifft, os 7kW yw uchafswm cyfradd wefru eich cerbyd, ni fyddwch yn gwefru'ch car yn gynt drwy ddefnyddio man gwefru 22kW. Gallwch ddefnyddio'r man gwefru o hyd, a bydd yn darparu uchafswm cyfradd wefru o hyd at 22kW.

Lleoliad a phrisiau

Mae mannau gwefru cerbydau trydan cyflym ar gael yn y lleoliadau canlynol ar draws Abertawe, gyda nifer y mannau gwefru ym mhob un wedi'u rhestru isod.

Mannau gwefru cyflym mewn meysydd parcio
Maes parcio	Nifer o fannau gwefru deuol (gyda 2 soced cerrynt tonnog 22kW)	Cilfachau ar gyfer cerbydau trydan
East Burrows, Abertawe, SA1 1RR	1	2
Stryd Pell, Abertawe, SA1 3ES	1	2
Heol Trawler, Abertawe, SA1 1YH	1	2
Trwyn Abertawe, Abertawe, SA1 1FY	1	2
Stryd y Dŵr, Pontarddulais, SA4 8RL	1	2
Gorwydd Road, Tregŵyr, SA4 3AG	1	2
Heol Vardre, Clydach, SA6 5LP	1	2
Stryd Leim, Gorseinon, SA4 4AD	1	2
Heol Treharne, Treforys, SA6 7AA	1	2
Baddonau, San Helen, Abertawe, SA1 4PQ	1	2
Parcio a Theithio Glandŵr, Abertawe, SA1 2JT	3	6
Parcio a Theithio Ffordd Fabian, SA1 8LD	3	6
Maes parcio Porth Einon, SA3 1NN	1	2
Maes parcio aml-lawr Bae Copr De, SA1 3BX	5	10 (two Blue Badge spaces)
Maes parcio Swyddfa'r Post (Y Strand), SA1 2AE	1	2
Maes Parcio Clun, SA3 5AS	1	2
Maes parcio aml-lawr y Cwadrant, SA1 3QR	1	2
Maes parcio Knab Rock, SA3 5EL	1	2
Maes parcio'r Rec, SA2 0AR	3	6
Maes parcio Lôn Northampton, SA1 4EW	3	6
Maes parcio Langland, SA3 4SQ	1	2
Maes parcio aml-lawr y Stryd Fawr, SA1 1NU	3	6
Maes parcio'r Llaethdy, SA3 4BX	1	2
Maes parcio Bae Caswell, SA3 3BS	1	2
Maes parcio Bae Bracelet, SA3 4JT	1	2

Mae'r mannau gwefru a restrir uchod yn cael eu rhedeg gan drydydd parti, Clenergy EV (Yn agor ffenestr newydd).

Prisiau ar gyfer defnyddio mannau gwefru

Pris cysylltu - Dd/B

Pris am barcio - rhaid talu ym mhob maes parcio, os codir tâl i barcio yno.

Sut i ddefnyddio'r mannau gwefru cerbydau trydan

Gellir defnyddio'r holl fannau gwefru naill ai ar sail talu wrth fynd drwy ffonio'r darparwr i ddechrau gwefru, neu gallwch gofrestru ar yr ap ffôn clyfar i ddefnyddio'r mannau gwefru. Defnyddiwch y ddolen ganlynol os hoffech gofrestru:

www.clenergy.online (Yn agor ffenestr newydd)

Mae'r mannau gwefru hefyd wedi'u rhestru ar Zap Map, gwefan dod i hyd i fannau gwefru cerbydau trydan fwyaf poblogaidd y DU.

www.zap-map.com/live (Yn agor ffenestr newydd)

Datblygiadau yn y dyfodol

Rydym yn bwriadu parhau i osod mannau gwefru cerbydau trydan ar draws yr awdurdod lleol. Bydd hyn yn cyfrannu at uchelgais Llywodraeth Cymru i drosglwyddo i system drafnidiaeth carbon isel, allyriadau isel yng Nghymru ac yn cyd-fynd â Strategaeth Gwefru Ceir Trydan (Yn agor ffenestr newydd) a Llwybr Newydd: strategaeth drafnidiaeth Cymru (Yn agor ffenestr newydd) Llywodraeth Cymru.

Sicrhawyd cyllid ar gyfer gosod 44 o fannau gwefru cyflym pellach. Bydd y wedudalen hon yn cael ei diweddaru gyda'r manylion ynghylch ble y gallwch ddod o hyd iddynt ar ôl iddynt gael eu gosod.

Beth os ydw i am wefru fy nghar gartref ond does gen i ddim cyfleusterau parcio oddi ar y stryd?

Nid ydym yn caniatáu i geblau gwefru cerbydau trydan preifat gael eu defnyddio i wefru cerbydau ar y briffordd (lleoliadau ar y stryd). Bydd angen i chi ddod o hyd i'ch man gwefru cerbyd trydan cyhoeddus agosaf er mwyn gwefru'ch cerbyd. Mae Zapmap (Yn agor ffenestr newydd) yn wefan boblogaidd ar gyfer hyn.

Sicrhawyd cyllid ar gyfer y 25 man gwefru drwy gyfuniad o gyllid o Gronfa Trafnidiaeth Leol Llywodraeth Cymru a Chynllun Mannau Gwefru Preswyl Ar-Stryd y Swyddfa Cerbydau Allyriadau Isel yn 2019-20.