Y diweddaraf am Fusnes Twristiaeth - 12 Mai 2025

Wythnos Twristiaeth Cymru: 12 - 18 Mai

Mae Wythnos Twristiaeth Cymru'n ddigwyddiad blynyddol a drefnir gan Gynghrair Twristiaeth Cymru, a'i nod yw codi proffil y sector twristiaeth yng Nghymru a'i gyfraniad sylweddol at yr economi leol. 

Cynhelir y digwyddiad eleni rhwng 12 a 18 Mai. Yn ystod y cyfnod hwnnw, byddwn yn cyhoeddi rhai datganiadau cyffrous, felly cadwch lygad ar y dudalen hon a'n cyfrifon cyfryngau cymdeithasol! 

A ydych yn cynnal unrhyw ddigwyddiadau arbennig i ddathlu Wythnos Twristiaeth Cymru? Rhowch wybod i ni fel y gallwn rannu'r wybodaeth drwy ein sianeli. 

Cewch ragor o wybodaeth am Wythnos Twristiaeth Cymru ar wefan Cynghrair Twristiaeth Cymru.

Sioe Awyr Cymru - Stondinau Masnach

Gallwch hyrwyddo'ch busnes i dros 200,000 o bobl drwy archebu stondin masnach yn Sioe Awyr Cymru ar 5 a 6 Gorffennaf ym Mae Abertawe - digwyddiad am ddim mwyaf Cymru.

Mae lleoedd yn brin felly archebwch stondin nawr! Mae prisiau'n dechrau o £352 am ddeuddydd. 

Cyfleoedd Stondin Masnach - Sioe Awyr Cymru (Dyfernir ceisiadau am stondinau arlwyo/bariau/hufen iâ drwy broses dendro ac mae'r broses bellach wedi dod i ben).

Gallwch hefyd fanteisio ar y cynnig i hysbysebu'ch busnes ar ap Sioe Awyr Cymru, sydd wedi cael ei lawrlwytho 24,000 o weithiau hyd yma, am £120 + TAW yn unig. 

E-bostiwch catrin.james@abertawe.gov.uk

Ennill hysbyseb deledu ar gyfer eich brand gyda Small Business, Big Break - 15 Mai

Dyma'ch cyfle i fynd â'ch busnes i ystafelloedd byw cartrefi ledled y genedl a chael miliynau i weld eich brand!

Mae Constant Contact yn gwybod mai cael mwy o gwsmeriaid yw'r her fwyaf y mae busnesau bach yn ei hwynebu.

Dyna pam maen nhw - mewn cydweithrediad ag Enterprise Nation a Channel 4 - yn cynnig cyfle anhygoel i fusnesau bach roi hwb ddigynsail i welededd eu brand.

Bydd tri enillydd lwcus yn ennill:

• cyfran o £300,000 o amser darlledu hysbysebion Channel 4
• y cyfle i weithio gydag asiantaeth cynhyrchu fideo o'r radd flaenaf i greu eich hysbyseb ddelfrydol ar gyfer y teledu
• y cyfle i ymgynghori â thîm llawn o arbenigwyr ar y ffordd orau o gyrraedd eich cynulleidfa darged ar draws gwasanaethau byw a gwasanaethau ffrydio Channel 4 i sicrhau bod eich busnes yn disgleirio ar y sgrin
• pecyn unigryw o offer ac arbenigedd marchnata, i fynd â'ch marchnata i uchelfannau newydd 

Bydd deg busnes yn ennill pecyn marchnata unigryw, gwerth £4,000, i roi'r cyfle y maen nhw'n ei haeddu i'r busnesau. Mae hon yn wobr deilwng yn ei hawl ei hun, hyd yn oed i'r cwmnïau hynny nad ydynt yn teimlo'n barod ar gyfer ymgyrch deledu. 

Gallwch wneud cais i'r gystadleuaeth Small Business, Big Break tan 15 Mai 2025.

Am ragor o wybodaeth, dilynwch y ddolen ganlynol: Small Business Big Break | Get your business seen by millions

Cronfa Addasu i'r Tywydd ar gyfer Atyniadau Twristiaeth - 22 Mai

Ymhlith ein gweithgareddau i nodi Blwyddyn Croeso 2025, mae Croeso Cymru yn rhedeg cronfa grantiau cyfalaf yn 2025-26 i gefnogi busnesau yn y sector atyniadau twristiaeth i fuddsoddi mewn mesurau i addasu i'r tywydd.

Mae grantiau rhwng £5,000 a £20,000 fesul prosiect ar gael i gefnogi'r costau o osod mesurau i addasu i'r tywydd a fydd yn lliniaru effaith tywydd gwael ar fasnachu ac ar brofiad ymwelwyr.

Mae'r cynllun yn agored i fusnesau atyniad twristiaeth sy'n fusnesau bach a chanolig, sydd wedi'u hachredu o dan y cynllun VAQAS (neu sy'n gymwys ac yn barod i geisio achrediad VAQAS) ac sydd wedi bod yn masnachu am o leiaf flwyddyn.

Gallai mesurau i addasu i'r tywydd gynnwys, er enghraifft, gosod mannau newydd dan orchudd, cysgodfannau ar gyfer ymwelwyr neu fannau llawr caled.  Anogir ymgeiswyr yn arbennig i ystyried sut y gallai eu mesurau i addasu i'r tywydd greu syndod i ymwelwyr a newid canfyddiadau o sut y gallai ymweld â'r atyniad mewn tywydd gwael fod.

Bydd angen cwblhau'r holl wariant o dan y cynllun erbyn 31 Mawrth 2026.

Y dyddiad cau ar gyfer ceisiadau yw 22 Mai.

Mae rhagor o wybodaeth ar gael ar Diwydiant Croeso Cymru

Towards Carbon Zero: Cwrs Hyfforddiant Lleihau Carbon ac Arbed Ynni ar gyfer busnesau bach a chanolig - 23 Mai (9am-4pm), SA1 1DP

Wrth i'r byd ganolbwyntio ar leihau allyriadau carbon, mae gan fusnesau rôl bwysig i'w chwarae wrth gyrraedd nodau hinsawdd byd-eang. Mae ein cwrs hyfforddi'n ceisio rhoi'r wybodaeth a'r sgiliau angenrheidiol i fusnesau bach a chanolig er mwyn iddynt gyflawni niwtralrwydd carbon, meithrin y gallu i wrthsefyll newid yn yr hinsawdd a phrisiau ynni cynyddol, a chyfrannu at ddyfodol cynaliadwy.

Yn ystod y cwrs hyfforddi, bydd cyfranogwyr yn dysgu am hanfodion lleihau carbon a'r llwybr i allyriadau sero net. Byddwn yn cynnwys pynciau fel effeithlonrwydd ynni, ynni adnewyddadwy, cludiant cynaliadwy, lleihau gwastraff a mwy. Yn ogystal, byddwn hefyd yn darparu gweithgareddau ymarferol ac astudiaethau achos i helpu cyfranogwyr i ddeall sut i ddefnyddio'r cysyniadau hyn yn eu busnesau eu hunain.

Mae ein hyfforddwr, Tanya Nash o Future Clarity, yn arbenigwr ym maes cynaladwyedd a lleihau carbon. Bydd yn rhoi cyngor ac arweiniad ymarferol ar sut i fesur a lleihau allyriadau carbon, a sut i ddatblygu strategaeth lleihau carbon sydd wedi'i theilwra ar gyfer pob busnes.

Mae'r cwrs hyfforddiant hwn yn addas ar gyfer busnesau bach a chanolig o unrhyw sector sydd â diddordeb mewn lleihau eu hôl troed carbon a chyfrannu at ddyfodol mwy cynaliadwy.

Cadwch eich lle heddiw 

Eisteddfod yr Urdd 2025 - mae angen llety ar gyfer ymwelwyr

Eisteddfod yr Urdd yw Gŵyl Ieuenctid fwyaf Ewrop ac fe'i cynhelir ym Mharc Margam o 26 i 31 Mai 2025. Mae'r ŵyl yn ddathliad o'r Gymraeg a diwylliant Cymru a'r cyfoeth o dalent ifanc sydd yng Nghymru heddiw. Daw plant, pobl ifanc, ysgolion a theuluoedd o bob rhan o Gymru a thu hwnt i gystadlu yn y cannoedd o gystadlaethau a gynhelir yn yr ŵyl.

Disgwylir i oddeutu 90,000 o ymwelwyr ddod i ddigwyddiad y flwyddyn nesaf a bydd angen llety dros nos ar lawer ohonynt.

Anogwn weithredwyr llety yn ardaloedd Castell-nedd Port Talbot ac Abertawe i ryddhau gwybodaeth am yr ystafelloedd sydd ar gael ganddynt cyn gynted â phosib er mwyn hwyluso archebion cynnar.

Rhagor o wybodaeth am Eisteddfod yr Urdd

Cymhorthfa Cyngor Busnes Abertawe: 9 Mehefin (10am-1pm), Neuadd Rechabite Tre-gwyr, Stryd yr Eglwys, Tre-gwyr, SA4 3EA

• Mynediad at gymorth i fusnesau
• Gwybodaeth am grantiau a benthyciadau Cyngor Abertawe
• Help gyda cheisiadau am gyllid
• Hyfforddiant a chyngor recriwtio
• Cyfeirio at asiantaethau perthnasol
• Cyfleoedd rhwydweithio

Cwrdd a'r Arbenigwyr:

• Tim Angori Busnes Abertawe
• Focws Dyfodol
• Sgilliau at gyfer Abertawe - Coleg Gwyr
• Busnes Cymru
• Swyddog Ymgysylltu Band Eang Abertawe
• Banc Datblygu Cymru

Galwch Heibio, Does Dim Angen Lle

Lido Blackpill

Rydym yn paratoi i agor ein cyfleuster am ddim poblogaidd iawn, Lido Blackpill cyn penwythnos gŵyl y banc Calan Mai.

Mae'n llenwi'n gyflym a bydd yn barod i groesawu teuluoedd o ddydd Sadwrn.

Bydd y lido ar agor rhwng 9am a 5pm bob dydd tan ddiwedd mis Medi.

Does dim angen cadw lle - dewch i fwynhau.

Rhagor o wybodaeth

Biniau coch llachar ar gyfer barbeciws tafladwy yn dychwelyd ar gyfer yr haf

Mae pymtheg o finiau coch llachar ar gyfer barbeciws tafladwy yn cael eu gosod ar draethau poblogaidd sy'n eiddo i'r Cyngor dros yr wythnosau nesaf felly does dim esgus i bobl adael eu sbwriel ar y traeth.

Mae'r biniau tymhorol yn cael eu hail-osod mewn pryd ar gyfer gŵyl y banc gyntaf mis Mai wrth i'r tywydd gynhesu a'r nosweithiau fynd yn hwy.

Dywedodd fod barbeciws tafladwy sy'n cael eu gadael ar y traeth yn peri risg i eraill, yn enwedig i blant nad ydyn nhw efallai'n eu gweld neu'n sylweddoli pa mor boeth ydyn nhw.

Rhestr o draethau lle mae'r biniau barbeciws tafladwy wedi'u lleoli:

• Bae Langland
• Porth Einon
• Horton
• Rotherslade
• Lleoliadau rhwng Bae Abertawe, rhwng Pier y Gorllewin a'r Mwmbwls

Biniau coch llachar ar gyfer barbeciws tafladwy yn dychwelyd ar gyfer yr haf

Helo Blod

Dyma'r lle i gael cyngor ar sut mae defnyddio mwy o Gymraeg yn dy fusnes neu elusen a chyfieithiadau hefyd. Ac mae'r cwbl lot am ddim!

Heb sgwennu yn Gymraeg am sbel? Dim ots! Mae Helo Blod yma i helpu. Beth am roi cynnig ar ddrafftio rhywbeth dy hun? Fe wnaiff Helo Blod wirio'r cwbl i ti, jyst picia draw i'r tab nesaf (Gwirio Testun).

Fel arall, gall Helo Blod gyfieithu hyd at 500 gair i'r Gymraeg, bob mis, am ddim i dy fusnes.

Mae'n hawdd ‒ picia draw i dy gyfrif Helo Blod a Fi, mewn â ti, rho'r testun Saesneg i'w gyfieithu i mewn, ac fe wnaiff Helo Blod y gwaith caled i ti. A dyna ni!

Bydd dy gyfieithiad yn cael ei ddychwelyd cyn pen 4 diwrnod gwaith, neu 1 diwrnod gwaith am 5 gair neu lai! 

Gall Helo Blod dy helpu i ddefnyddio ychydig (neu lawer) o Gymraeg gyda hyd at 10 ymholiad / cais cyfieithu neu wirio testun bob mis.

Mae defnyddio ychydig o Gymraeg yn mynd yn bell. 

Helo Blod

Sgiliau I Abertawe

Mae Sgiliau ar gyfer Abertawe yn cynnig sesiynau hyfforddi hanner diwrnod am ddim sydd wedi'u cynllunio i ddatblygu sgiliau digidol unigolion sy'n byw neu'n gweithio yn Abertawe.

Oes gennych chi ddiddordeb mewn ymuno ag un o'n gweithdai am ddim? Porwch ein sesiynau sydd i ddod a gwnewch gais i ymuno isod.

Ariennir y prosiect hwn gan Gronfa Ffyniant a Rennir y DU.

Rhaid i chi fod yn 19 oed neu hŷn, yn byw neu'n gweithio yn Abertawe heb fod mewn addysg llawn amser. Preswylwyr neu weithwyr Abertawe 19+ oed sy'n ceisio gwella eu sgiliau llythrennedd digidol a thechnoleg.

Dyddiadau A Thestunau:

• Iau 22 Mai - Trin Data 
• Iau 26 Mehefin - Gweithio Gwell gydag Offer Digidol 
• Iau 10 Gorffennaf - Hanfodion Marchnata Digidol 
• Iau 21 Awst - Sylfeini Rhaglennu
• Iau 25 Medi - Deallusrwydd Artiffisial yn y Byd Modern 
• Iau 23 Hydref - Trin Data 
• Iau 20 Tachwedd - Gweithio Gwell gydag Offer Digidol 
• Iau 4 Rhagfyr - Sylfeini Rhaglennu 

Ymholwch Nawr

Teithiau Distyllfa Gwaith Copr Abertawe Penderyn: Cynnig Hanner Pris i Bartneriaid Twristiaeth

Mae Distyllfa Penderyn yn cynnig côd disgownt unigryw i'n partneriaid masnachol ym maes twristiaeth i fwynhau taith o amgylch Distyllfa Gwaith Copr Abertawe am hanner pris. 

Cewch gyfle i ddysgu am sefydlu Penderyn, sut mae'r wisgi arobryn yn cael ei wneud a pham mae'n unigryw. Byddwch hefyd yn gweld y twnnel copr, sy'n adlewyrchu hanes y safle, yn ogystal â'r felin, y gasgen fragu, distyllyron potiau copr sengl arloesol Penderyn Faraday a phâr o ddistyllyron pot. Ar ddiwedd y daith, ceir cyfle i roi cynnig ar rai o'r cynhyrchion yn y bar blasu! 

Cynhelir teithiau o ddydd Iau i ddydd Sadwrn. 

Prif arferol tocyn i oedolyn yw £19.50 - ond bydd y côd disgownt unigryw hwn yn eich galluogi i dalu £9.75 fesul oedolyn, neu £8 ar gyfer tocyn consesiynol (pobl dros 60 oed a myfyrwyr). 

Mae'r cynnig hwn yn ddilys ar gyfer hyd at ddau berson fesul archeb a bydd ar gael tan ddydd Sul 31 Awst 2025. 

 Archebwch docyn yma gan ddefnyddio'r côd disgownt STTD50 

Sioeau Busnes Cymru 2025 - 14 Hydref,  Stadiwm Swansea.com

Sioeau Busnes Cymru yw'r arddangosfa fwyaf yng Nghymru ar gyfer busnesau - mae'n cynnwys tair sioe genedlaethol.

Mae'r sioeau'n darparu llwyfan i fusnesau o bob maint arddangos eu cynnyrch a'u gwasanaethau.

Mae'r sioeau'n gyfle i chi ddysgu technegau busnes newydd, gwrando ar brif siaradwyr sy'n ysbrydoli, cael cyngor arbenigol, cael gwybodaeth gan gynrychiolwyr ac arddangoswyr eraill a gwella cysylltiadau busnes drwy rwydweithio.

Dyddiadau a lleoliadau eleni yw:

• 20 Mai 2025 - Stadiwm Dinas Caerdydd, Caerdydd
• 10 Gorffennaf 2025 - Parc y Scarlets, Sir Gaerfyrddin
• 14 Hydref 2025 - Stadiwm Swansea.com, Abertawe

Mae'r sioeau am ddim os ydych chi'n cofrestru ymlaen llaw, ac mae cyfleoedd hefyd i arddangos.

I gael rhagor o wybodaeth, ewch i: The Welsh Business Shows - Business Expo Wales | TWBS

Hyrwyddwch eich busnes twristiaeth neu letygarwch am ddim ar wefan croesobaeabertawe.com

Ydych chi'n fusnes twristiaeth neu letygarwch yn Ninas a Sir Abertawe?

Os felly, gallech fod yn gymwys i gael eich cynnwys ar wefan swyddogol y cyrchfan, croesobaeabertawe.com, am ddim. 

Mae'r wefan, a gynhelir gan Dîm Twristiaeth Cyngor Abertawe, yn cael ei defnyddio ar gyfer ymgyrchoedd drwy gydol y flwyddyn er mwyn denu ymwelwyr newydd ac ymwelwyr dychwel i'r ardal. 

Gall gweithredwyr llety lleol, atyniadau, darparwyr gweithgareddau a busnesau bwyd a diod sydd am ddod yn bartneriaid Croeso Bae Abertawe a manteisio ar amrywiaeth o fuddion restru eu busnes am ddim.

Gallwch gael rhagor o wybodaeth drwy e-bostio Tim.Twristiaeth@abertawe.gov.uk neu cofrestrwch eich busnes yma.

Digwyddiadau gwych sy'n dod i Fae Abertawe yn 2025:

17 Mai: Pride Abertawe
18 Mai: Ras am Oes Abertawe
25 Mai: Treiathlon Abertawe
26-31 Mai 2025: Eisteddfod yr Urdd, Parc Margam
5-6 Gorff 2025: Sioe Awyr Cymru
20 Mehefin: Gŵyl Canu Gwlad Campfire
21 Mehefin: Gŵyl Beatmasters
22 Mehefin: Gŵyl We Love It
13 Gorff 2025: IronMan 70.3 Abertawe
6-14 Medi: Gŵyl Gerdded Gŵyr
14 Medi 2025: 10k Bae Abertawe
5 Tach: Arddangosfa Tân Gwyllt Cyngor Abertawe 

Oedd y diweddariad hwn ar y fasnach dwristiaeth yn ddefnyddiol? Rhannwch ef neu cysylltwch â Geraldine.Williams@abertawe.gov.uk