Chwilio'r wefan
English
Tablet

e-Lyfrau

Lawrlwythwch e-lyfrau am ddim i'ch cyfrifiadur, eich tabled a'ch ffôn gyda BorrowBox.

Os ydych yn aelod o Lyfrgelloedd Abertawe, bydd gennych fynediad awtomatig i'n gwasanaeth e-lyfrau: BorrowBox.

Os nad ydych eisoes yn aelod ac am fenthyca e-lyfr, gallwch wneud cais i ymuno â Llyfrgelloedd Abertawe ar-lein.

Mewngofnodi/cofrestru gyda BorrowBoxYn agor mewn ffenest newydd (Mwy o wybodaeth am BorrowBox)

Gwybodaeth bwysig am y gwasanaeth e-lyfrau:

  • Gall oedolion fenthyca hyd at 10 e-lyfr ar y tro am gyfnodau o 1 diwrnod hyd at 3 wythnos.
  • Ni fydd angen i chi boeni am unrhyw ffïoedd hwyr oherwydd bydd y llyfrau'n cael eu tynnu o'ch dyfais yn awtomatig ar ddiwedd y cyfnod benthyca.
  • Gellir lawrlwytho e-lyfrau i'r rhan fwyaf o e-ddarllenwyr.
  • Efallai y bydd angen meddalwedd Adobe Digital Editions er mwyn darllen a throsglwyddo e-lyfrau. Gwiriwch fod eich teclyn yn addas cyn ceisio lawrlwytho unrhyw e-lyfrau. Mae rhestr o ddyfeisiadau addas ar gael o wefan meddalwedd Adobe Digital Editions.

 

Benthyca llyfrau gan BorrowBox

Gallwch bori drwy lyfrgell lawn BorrowBoxYn agor mewn ffenest newydd heb gofrestru am gyfrif neu fewngofnodi.

  • Er mwyn defnyddio BorrowBox bydd angen i chi nodi eich rhif cerdyn llyfrgell arferol a'ch cyfrinair/PIN. Ar y tro cyntaf, gofynnir i chi ddarparu cyfeiriad e-bost i creu eich cyfrif.
  • Dewiswch 'eBooks' o'r ddewislen ar y brig er mwyn gweld eu teitlau. Gallwch weld y prif deitlau, llyfrau newydd a'r rhai sydd wedi'u lawrlwytho fwyaf yn ogystal â chwilio yn ôl categori.
  • Er mwyn chwilio am lyfr gallwch ddefnyddio'r blwch chwilio ar ochr dde uchaf y dudalen.
  • I fenthyca eitem dewiswch yr opsiwn 'borrow' o dan fanylion pob e-lyfr.
  • Ar ôl i chi fenthyca llyfr, cliciwch ar y botwm 'download' ar y dudalen 'loan successful' a dewiswch i lawrlwytho e-lyfr, naill ai mewn un tro neu fesul rhan. Os bydd ffenestr dros dro yn ymddangos gydag opsiynau 'Open', 'Run' neu 'Save' ar gyfer eich llyfr pan rydych yn ei lawrlwytho, sicrhewch eich bod yn gwasgu 'Save', neu fel arall ni fydd yr e-lyfr yn cael ei gadw ar eich cyfrifiadur yn y modd cywir.
  • Ar ôl 21 diwrnod ni fydd modd i chi wrando ar yr e-lyfr mwyach. Bydd angen i chi ddileu'r ffeil oddi ar eich cyfrifiadur neu eich dyfais symudol.
  • Os yw'r llyfr rydych am ei fenthyca'n dweud 'reserve' yn hytrach na 'borrow', mae hyn oherwydd bod defnyddiwr arall y llyfrgell eisoes wedi benthyca'r llyfr. Os ydych dal am fenthyca'r llyfr, gwasgwch 'reserve'. Cyn gynted ag y bydd yr e-lyfr ar gael byddwch yn derbyn e-bost.

Y tro cyntaf y byddwch yn ceisio lawrlwytho e-lyfr byddwch yn cael eich annog i lawrlwytho a gosod Adobe Digital Editions os nad yw'r feddalwedd hon ar eich cyfrifiadur/MAC. Os ydych chi'n defnyddio dyfais symudol Android, Kindle Fire neu iPhone/iPad gallwch lawrlwytho'r ap BorrowBox.

 

Am fwy o wybodaeth neu arweiniad ar sut i ddefnyddio'r gwasanaeth hwn, mae canllawiau cyffredinol hefyd ar gael ar BorrowBoxYn agor mewn ffenest newydd.

Wedi'i bweru gan GOSS iCM