Gwneud busnes gyda'r cyngor
Cael gwybod am ein gwasanaethau masnachu, gofrestru fel cyflenwr newydd a dysgu am ein system prynu i dalu.
Yn 2019, datganodd Cyngor Abertawe argyfwng hinsawdd ac ers hynny, fel pob awdurdod lleol arall yn y DU, rydym wedi bod yn ymdrechu i gyrraedd targedau carbon sero net erbyn 2050. Gall pob busnes chwarae ei ran trwy wneud newidiadau i arbed ynni, lleihau gwastraff a chyflwyno rhagor o bolisïau sy'n llesol i'r hinsawdd. Mae Cyngor Abertawe'n falch o gynnig cefnogaeth i fusnesau sy'n ceisio newid i fod yn rhai sero net ac rydym yn falch o allu amlygu'r gyfres hon o weminarau Busnes Cymru a all eich helpu i roi newidiadau ar waith yn eich busnes a fydd o fudd i chi, eich cymuned a'r blaned.
Efallai yr hoffech ymuno yn ein Addewid hinsawdd
Bydd Busnes Cymru yn cynnal cyfres o ddigwyddiadau arbenigol sydd wedi'u llunio i helpu pob busnes i gyrraedd Uchelgais Gwyrdd a chyfrannu tuag at ymrwymiad Llywodraeth Cymru i gyrraedd allyriadau sero net erbyn 2050. Bydd y gyfres yn cynnwys cyngor ac adnoddau ar gyfer pob busnes yng Nghymru, gyda sesiynau gweminar arbenigol yn trafod y canlynol:
- Pecynnu plastig a gweithgynhyrchu
- Dylunio cynnyrch ac arloesedd
- Mesur effaith a sgiliau cynaladwyedd
- Datblygiadau'r farchnad datgarboneiddio
Cynhelir rhaglen y digwyddiad dros bedwar diwrnod o ddydd Llun 21 Mawrth i ddydd Iau 24 Mawrth. Gellir dod o hyd i wybodaeth bellach a manylion cofrestru yma -Uchelgais Werdd