Ymchwilio i Lifogydd
Fel yr Awdurdod Llifogydd Lleol Arweiniol (ALlLlA) ar gyfer Dinas a Sir Abertawe, un o'n cyfrifoldebau newydd yw dyletswydd i ymchwilio i lifogydd sy'n digwydd yn y sir fel yr ystyriwn ei bod yn angenrheidiol.
Mae Adran 19 o Ddeddf Rheoli Llifogydd a Dŵr 2010 yn amlinellu'r canlynol:
1) Wrth ddod i wybod am lifogydd yn ei ardal, mae'n rhaid i awdurdod llifogydd lleol arweiniol, i'r graddau y mae'n ystyried ei bod hi'n angenrheidiol neu briodol, ymchwilio i:
(a) ba awdurdodau rheoli perygl sydd â'r swyddogaethau rheoli llifogydd perthnasol, ac
(b) a yw pob un o'r awdurdodau rheoli perygl hynny wedi arfer y swyddogaethau hynny, neu'n bwriadu eu harfer, mewn ymateb i'r llifogydd.
2) Lle bydd awdurdod yn cynnal ymchwiliad dan is-adran (1), rhaid iddo:
(a) gyhoeddi canlyniadau ei ymchwiliad, a
(b) hysbysu unrhyw awdurdodau rheoli perygl.
Penderfynir ar yr angen i ymchwilio i lifogydd penodol fesul achos, gan ystyried ffactorau megis nifer yr eiddo yr effeithiwyd arnynt a ffynhonnell debygol y llifogydd.
Bydd canlyniadau unrhyw ymchwiliadau i lifogydd a gynhelir gennym yn cael eu cyhoeddi ar y dudalen.
Dewis iaith
Rhannu'r dudalen hon
Argraffu
