Toglo gwelededd dewislen symudol

Gwybodaeth am wyliau'r banc - y Pasg

Gwybodaeth am wyliau'r banc ar gyfer ein gwasanaethau, gan gynnwys amserau agor a chysylltiadau brys. Cynhelir yr holl gasgliadau ailgylchu ar y diwrnodau arferol.

Globau Abertawe'n cael eu cyflwyno yr wythnos hon

O'r wythnos hon gall pobl Abertawe fynd ar daith ddarganfod ar hyd llwybr celf gyhoeddus newydd sy'n ysgogi'r meddwl.

A World Reimagined globe

A World Reimagined globe

 

Dros yr ychydig ddiwrnodau nesaf bydd deg cerflun glôb a ddyluniwyd gan artistiaid yn cael eu gosod ar strydoedd ac mewn mannau eraill ar draws canol y ddinas. Mae disgyblion ysgolion lleol wedi creu rhai eraill a fydd hefyd yn cael eu harddangos.

 

Mae'r globau - sydd bron yn 6 troedfedd o uchder - yn archwilio ein hanes cyffredin, a sut cafodd ei lunio gan y berthynas gymhleth sydd gennym ag Affrica a'r Caribî. Maent yn ceisio trawsnewid y ffordd rydym yn deall y Fasnach Drawsatlantig mewn caethweision o Affrica, ei heffaith ar bob un ohonom a sut y gallwn wneud cyfiawnder hiliol yn realiti.

 

Or wythnos hon tan ddiwedd mis Hydref, bydd y globau gwydr ffibr yn cael eu harddangos fel rhan o brosiect a gynhelir ar draws y DU sef The World Reimagined, a gefnogir gan y partner cyflwyno swyddogol, SKY a Chyngor Abertawe.

 

Disgwylir i ddigwyddiad lansio gael ei gynnal gan gymuned leol yn Abertawe y dydd Mercher hwn yn Amgueddfa Genedlaethol y Glannau rhwng 12pm a 4pm. Disgwylir i ddigwyddiadau eraill ddilyn dros y misoedd sy'n dod.

 

Meddai Aelod Cabinet y cyngor, Elliott King, "Mae Abertawe'n ddinas amrywiol, gyda thros 100 o ieithoedd yn cael eu siarad yma. Rydym yn falch o fod yn gymuned agored a chroesawgar gyda statws Dinas Noddfa.

 

"Credwn y bydd The World Reimagined yn cryfhau cysylltiadau ein cymunedau â'i gilydd, gan annog pobl i feddwl mewn ffyrdd newydd a chadarnhaol am ein gorffennol, ein presennol a'n dyfodol."

 

Crëwyd globau Abertawe gan artistiaid o bob rhan o'r DU. Bydd y globau wedi'u lleoli yng Nghastell Abertawe, canolfan siopa'r Cwadrant ac ar ben Princess Way.

 

Gallwch ddod o hyd i globau ysgolion yn Amgueddfa Genedlaethol y Glannau, Theatr y Grand ac Oriel Gelf Glynn Vivian.

 

Drwy lwyfan digidol, gall pobl gynllunio sut byddant yn mwynhau'r llwybr o'r dydd Sadwrn yma, pan fydd manylion llawn y llwybr yn cael eu cyhoeddi.

 

Rhagor: www.theworldreimagined.org/

 

Llun: Yr artist Joshua Donkor ar y dde, gydag Elliot King, Aelod Cabinet Cyngor Abertawe a Phennaeth y Gwasanaethau Diwylliannol, Tracey McNulty, a glôb The World Reimagined Joshua. Mae'n cael ei osod yng nghanolfan siopa'r Cwadrant yng nghanol y ddinas i bawb ei fwynhau.

 

 

 

 

Close Dewis iaith