Diogelwch ffyrdd

Gyrwyr

Pass Plus Cymru (17-25 oed)

Cwrs hyfforddiant ymarferol ar gyfer gyrwyr newydd rhwng 17 a 25 oed yw Pass Plus Cymru.

Cadwch le ar gwrs Pass Plus Cymru yn AbertaweYn agor mewn ffenest newydd

Gyrru am Oes (65+ oed)

Cwrs gloywi i yrwyr hŷn (65+ oed) sydd am ddiweddaru eu sgiliau gyrru cyffredinol a gwella'u hyder yw Gyrru am Oes. 

Mae'n gwrs un diwrnod a gynhelir yng Ngorsaf Dân Gorseinon ac mae'n cynnwys sesiwn ddosbarth yn y bore a sesiwn ymarferol yn y prynhawn. Mae sesiwn y bore yn cynnwys diweddariad ar Reolau'r Ffordd Fawr, meysydd risg gyrwyr hŷn a sut i'w lleihau, a phroblemau iechyd a symudedd i yrwyr hŷn yn ogystal ag archwilio ymwybyddiaeth o beryglon, gyrru ar y draffordd a gyrru tymhorol. Hyfforddiant ymarferol ar y ffordd fydd sesiwn y prynhawn gyda Hyfforddwr Gyrru Cymeradwy cymwys sy'n cynnwys unrhyw agwedd ar yrru mwy diogel yr hoffech ei gloywi. Nid oes prawf nac asesiad ar y diwrnod a chost y cwrs yw £20 yn unig i breswylwyr Abertawe, sy'n cynnwys cinio. 

Am fwy o wybodaeth ac i gadw lle ar y cwrs, ffoniwch Diogelwch Ffyrdd ar 01792 636283 neu e-bostiwch diogelwch.ffyrdd@abertawe.gov.uk

Gyrwyr Beiciau Modur

BikeSafe

Mae BikeSafe ar gyfer deiliaid trwydded beic llawn a'i nod yw gwella sgiliau presennol a gweithredu fel cyflwyniad i feicio mwy datblygedig. Cynhelir cyrsiau ar y penwythnos yng Ngorsaf Dân Treforys ac maent am ddim. 

Cadwch le ar gwrs BikeSafe yn AbertaweYn agor mewn ffenest newydd

Dragon Rider Cymru

Cwrs hyfforddiant uwch i feicwyr modur a ddarperir gan hyfforddwyr cymwys a phrofiadol, sy'n achrededig gan gofrestr hyfforddwyr beic modur yr Asiantaeth Safonau Gyrru Cerbydau yw Dragon Rider.

Mae'r cyrsiau am ddim.

Am ragor o fanylion, e-bostiwch diogelwch.ffyrdd@abertawe.gov.uk neu ffoniwch 01792 636135.

Ridersafe

Hyfforddiant ar fopedau a beiciau modur pŵer isel i bobl 16-24 oed sy'n byw yn Abertawe a sydd â thrwydded dros dro yw Ridersafe. Bydd yn datblygu gwybodaeth a sgiliau fel y gall beicwyr reidio'n fwy diogel ac am fwy o amser. Mae'r cwrs hwn yn cynnwys tri modiwl ac mae'n gymysgedd o hyfforddiant theori ac ymarferol, gan gynnwys Hyfforddiant Sylfaenol Gorfodol (CBT).

Cost y cwrs yw £20; gyda blaendal ychwanegol o £100 y gellir ei ad-dalu pan gwblheir y trydydd modiwl.

Am ragor o fanylion, e-bostiwch diogelwch.ffyrdd@abertawe.gov.uk neu ffoniwch 01792 636135.

Cerddwyr sy'n blant

Cynllun hyfforddiant cerddwyr i blant rhwng pump a saith oed yw Kerbcraft. Mae cyfleoedd gwirfoddoli ar gael i helpu i gyflwyno'r cwrs.
Ffoniwch: 01792 637751.

Hebryngwyr croesi ysgol

Mae ein hebryngwyr yn helpu plant ac oedolion i groesi'r ffyrdd yn fwy diogel ar eu ffordd i'r ysgol neu ar eu ffordd adref. Yn ôl y gyfraith mae ganddynt y pŵer i stopio traffig er mwyn helpu rhywun i groesi'r ffordd. Mae'r rhan fwyaf o hebryngwyr yn gweithio ar rannau prysur o ffyrdd lle mae plant yn croesi i gyrraedd eu hysgol. Bydd hebryngywr yno bob dydd yn ystod y tymor. Hyd yn oed pan ddarperir Hebryngwyr Croesi Ysgol, mae rhieni'n parhau i fod yn gyfrifol am ddiogelwch eu plant.

Os nad ydych yn stopio caiff yr heddlu eu hysbysu amdanoch. Ymysg y cosbau posib mae dirwy hyd at £1000, tri phwynt cosb neu eich diarddel rhag gyrru.

Cefnogir ein gwasanaeth hebryngwyr croesi ysgol gan Admiral GroupYn agor mewn ffenest newydd

Cwestiynau cyffredin am batrolau croesi ysgolion