Y diweddaraf am Fusnes Twristiaeth - 19 Mai 2025

Gweminar: Sut i ddatgloi cyfleoedd twristiaeth gwariant uchel - 21 Mai (2:30pm-3:30pm)

Manteisiwch ar y cyfle hwn i ddysgu sut y gall Cymru ddenu ymwelwyr sy'n gwario llawer drwy gydol y flwyddyn a thrafod yn uniongyrchol â'n panelwyr arbenigol i gael ateb i'ch cwestiynau.

Ein panelwyr yw:

• Joss Croft OBE - Prif Weithredwr, UKinbound

• Karin Gidlund - Karin Tourism Solutions

• Phil Scott - Partner Sefydlu a Pherchennog Gyfarwyddwr RibRide

• Jane Rees-Baynes - Tŷ Gwledig Elm Grove

Archebwch eich lle am ddim erbyn 4:00pm ar 19 Mai: Gweminar: Sut i ddatgloi cyfleoedd twristiaeth gwariant uchel.

Byddwch yn derbyn dolen i'r cyfarfod trwy e-bost cyn y digwyddiad.

Cronfa Addasu i'r Tywydd ar gyfer Atyniadau Twristiaeth - 22 Mai

Ymhlith ein gweithgareddau i nodi Blwyddyn Croeso 2025, mae Croeso Cymru yn rhedeg cronfa grantiau cyfalaf yn 2025-26 i gefnogi busnesau yn y sector atyniadau twristiaeth i fuddsoddi mewn mesurau i addasu i'r tywydd.

Mae grantiau rhwng £5,000 a £20,000 fesul prosiect ar gael i gefnogi'r costau o osod mesurau i addasu i'r tywydd a fydd yn lliniaru effaith tywydd gwael ar fasnachu ac ar brofiad ymwelwyr.

Mae'r cynllun yn agored i fusnesau atyniad twristiaeth sy'n fusnesau bach a chanolig, sydd wedi'u hachredu o dan y cynllun VAQAS (neu sy'n gymwys ac yn barod i geisio achrediad VAQAS) ac sydd wedi bod yn masnachu am o leiaf flwyddyn.

Gallai mesurau i addasu i'r tywydd gynnwys, er enghraifft, gosod mannau newydd dan orchudd, cysgodfannau ar gyfer ymwelwyr neu fannau llawr caled.  Anogir ymgeiswyr yn arbennig i ystyried sut y gallai eu mesurau i addasu i'r tywydd greu syndod i ymwelwyr a newid canfyddiadau o sut y gallai ymweld â'r atyniad mewn tywydd gwael fod.

Bydd angen cwblhau'r holl wariant o dan y cynllun erbyn 31 Mawrth 2026.

Y dyddiad cau ar gyfer ceisiadau yw 22 Mai.

Mae rhagor o wybodaeth ar gael ar Diwydiant Croeso Cymru

Towards Carbon Zero: Cwrs Hyfforddiant Lleihau Carbon ac Arbed Ynni ar gyfer busnesau bach a chanolig - 23 Mai (9am-4pm), SA1 1DP

Wrth i'r byd ganolbwyntio ar leihau allyriadau carbon, mae gan fusnesau rôl bwysig i'w chwarae wrth gyrraedd nodau hinsawdd byd-eang. Mae ein cwrs hyfforddi'n ceisio rhoi'r wybodaeth a'r sgiliau angenrheidiol i fusnesau bach a chanolig er mwyn iddynt gyflawni niwtralrwydd carbon, meithrin y gallu i wrthsefyll newid yn yr hinsawdd a phrisiau ynni cynyddol, a chyfrannu at ddyfodol cynaliadwy.

Yn ystod y cwrs hyfforddi, bydd cyfranogwyr yn dysgu am hanfodion lleihau carbon a'r llwybr i allyriadau sero net. Byddwn yn cynnwys pynciau fel effeithlonrwydd ynni, ynni adnewyddadwy, cludiant cynaliadwy, lleihau gwastraff a mwy. Yn ogystal, byddwn hefyd yn darparu gweithgareddau ymarferol ac astudiaethau achos i helpu cyfranogwyr i ddeall sut i ddefnyddio'r cysyniadau hyn yn eu busnesau eu hunain.

Mae ein hyfforddwr, Tanya Nash o Future Clarity, yn arbenigwr ym maes cynaladwyedd a lleihau carbon. Bydd yn rhoi cyngor ac arweiniad ymarferol ar sut i fesur a lleihau allyriadau carbon, a sut i ddatblygu strategaeth lleihau carbon sydd wedi'i theilwra ar gyfer pob busnes.

Mae'r cwrs hyfforddiant hwn yn addas ar gyfer busnesau bach a chanolig o unrhyw sector sydd â diddordeb mewn lleihau eu hôl troed carbon a chyfrannu at ddyfodol mwy cynaliadwy.

Cadwch eich lle heddiw 

Eisteddfod yr Urdd 2025 - mae angen llety ar gyfer ymwelwyr

Eisteddfod yr Urdd yw Gŵyl Ieuenctid fwyaf Ewrop ac fe'i cynhelir ym Mharc Margam o 26 i 31 Mai 2025. Mae'r ŵyl yn ddathliad o'r Gymraeg a diwylliant Cymru a'r cyfoeth o dalent ifanc sydd yng Nghymru heddiw. Daw plant, pobl ifanc, ysgolion a theuluoedd o bob rhan o Gymru a thu hwnt i gystadlu yn y cannoedd o gystadlaethau a gynhelir yn yr ŵyl.

Disgwylir i oddeutu 90,000 o ymwelwyr ddod i ddigwyddiad y flwyddyn nesaf a bydd angen llety dros nos ar lawer ohonynt.

Anogwn weithredwyr llety yn ardaloedd Castell-nedd Port Talbot ac Abertawe i ryddhau gwybodaeth am yr ystafelloedd sydd ar gael ganddynt cyn gynted â phosib er mwyn hwyluso archebion cynnar.

Rhagor o wybodaeth am Eisteddfod yr Urdd

Cymhorthfa Cyngor Busnes Abertawe: 9 Mehefin (10am-1pm), Neuadd Rechabite Tre-gwyr, Stryd yr Eglwys, Tre-gwyr, SA4 3EA

• Mynediad at gymorth i fusnesau
• Gwybodaeth am grantiau a benthyciadau Cyngor Abertawe
• Help gyda cheisiadau am gyllid
• Hyfforddiant a chyngor recriwtio
• Cyfeirio at asiantaethau perthnasol
• Cyfleoedd rhwydweithio

Cwrdd a'r Arbenigwyr:

• Tim Angori Busnes Abertawe
• Focws Dyfodol
• Sgilliau at gyfer Abertawe - Coleg Gwyr
• Busnes Cymru
• Swyddog Ymgysylltu Band Eang Abertawe
• Banc Datblygu Cymru

Galwch Heibio, Does Dim Angen Lle

Sioe Awyr Cymru - Stondinau Masnach: 5-6 Gorff

Gallwch hyrwyddo'ch busnes i dros 200,000 o bobl drwy archebu stondin masnach yn Sioe Awyr Cymru ar 5 a 6 Gorffennaf ym Mae Abertawe - digwyddiad am ddim mwyaf Cymru.

Mae lleoedd yn brin felly archebwch stondin nawr! Mae prisiau'n dechrau o £352 am ddeuddydd. 

Cyfleoedd Stondin Masnach - Sioe Awyr Cymru (Dyfernir ceisiadau am stondinau arlwyo/bariau/hufen iâ drwy broses dendro ac mae'r broses bellach wedi dod i ben).

Gallwch hefyd fanteisio ar y cynnig i hysbysebu'ch busnes ar ap Sioe Awyr Cymru, sydd wedi cael ei lawrlwytho 24,000 o weithiau hyd yma, am £120 + TAW yn unig. 

E-bostiwch catrin.james@abertawe.gov.uk

Cyfleoedd Noddi Gŵyl Gerdded Gŵyr 

Mae Gŵyl Gerdded Gŵyr, a gynhelir rhwng 6 a 14 Medi, yn darparu'r cyfle perffaith i gysylltu'ch busnes â digwyddiad twristiaeth llwyddiannus arobryn sy'n arddangos ein rhanbarth hardd. 

Eleni, bydd yr ŵyl yn dathlu 21 blynedd ers iddi ddechrau a bydd yn cynnwys mwy na 30 o deithiau cerdded o wahanol hydoedd a lefelau anhawster o gwmpas penrhyn Gŵyr a'r ardaloedd cyfagos. 
Disgwylir dros 500 o gyfranogwyr, y bydd llawer ohonynt yn dod o'r tu allan i'r ardal ac yn aros am sawl diwrnod. 

Mae pecynnau noddi ar gael i chi hyrwyddo'ch busnes, annog pobl i ymweld â'ch lleoliad a'u hannog i edrych ar eich gwefan a'ch cyfryngau cymdeithasol: 

• Pecyn noddi aur - £500
• Pecyn noddi arian - £250
• Pecyn noddi efydd - £100

Am ragor o wybodaeth, e-bostiwch info@gowerwalkingfestival.uk

Helo Blod

Dyma'r lle i gael cyngor ar sut mae defnyddio mwy o Gymraeg yn dy fusnes neu elusen a chyfieithiadau hefyd. Ac mae'r cwbl lot am ddim!

Heb sgwennu yn Gymraeg am sbel? Dim ots! Mae Helo Blod yma i helpu. Beth am roi cynnig ar ddrafftio rhywbeth dy hun? Fe wnaiff Helo Blod wirio'r cwbl i ti, jyst picia draw i'r tab nesaf (Gwirio Testun).

Fel arall, gall Helo Blod gyfieithu hyd at 500 gair i'r Gymraeg, bob mis, am ddim i dy fusnes.

Mae'n hawdd ‒ picia draw i dy gyfrif Helo Blod a Fi, mewn â ti, rho'r testun Saesneg i'w gyfieithu i mewn, ac fe wnaiff Helo Blod y gwaith caled i ti. A dyna ni!

Bydd dy gyfieithiad yn cael ei ddychwelyd cyn pen 4 diwrnod gwaith, neu 1 diwrnod gwaith am 5 gair neu lai! 

Gall Helo Blod dy helpu i ddefnyddio ychydig (neu lawer) o Gymraeg gyda hyd at 10 ymholiad / cais cyfieithu neu wirio testun bob mis.

Mae defnyddio ychydig o Gymraeg yn mynd yn bell. 

Helo Blod

Sgiliau I Abertawe

Mae Sgiliau ar gyfer Abertawe yn cynnig sesiynau hyfforddi hanner diwrnod am ddim sydd wedi'u cynllunio i ddatblygu sgiliau digidol unigolion sy'n byw neu'n gweithio yn Abertawe.

Oes gennych chi ddiddordeb mewn ymuno ag un o'n gweithdai am ddim? Porwch ein sesiynau sydd i ddod a gwnewch gais i ymuno isod.

Ariennir y prosiect hwn gan Gronfa Ffyniant a Rennir y DU.

Rhaid i chi fod yn 19 oed neu hŷn, yn byw neu'n gweithio yn Abertawe heb fod mewn addysg llawn amser. Preswylwyr neu weithwyr Abertawe 19+ oed sy'n ceisio gwella eu sgiliau llythrennedd digidol a thechnoleg.

Dyddiadau A Thestunau:

• Iau 22 Mai - Trin Data 
• Iau 26 Mehefin - Gweithio Gwell gydag Offer Digidol 
• Iau 10 Gorffennaf - Hanfodion Marchnata Digidol 
• Iau 21 Awst - Sylfeini Rhaglennu
• Iau 25 Medi - Deallusrwydd Artiffisial yn y Byd Modern 
• Iau 23 Hydref - Trin Data 
• Iau 20 Tachwedd - Gweithio Gwell gydag Offer Digidol 
• Iau 4 Rhagfyr - Sylfeini Rhaglennu 

Ymholwch Nawr

Teithiau Distyllfa Gwaith Copr Abertawe Penderyn: Cynnig Hanner Pris i Bartneriaid Twristiaeth

Mae Distyllfa Penderyn yn cynnig côd disgownt unigryw i'n partneriaid masnachol ym maes twristiaeth i fwynhau taith o amgylch Distyllfa Gwaith Copr Abertawe am hanner pris. 

Cewch gyfle i ddysgu am sefydlu Penderyn, sut mae'r wisgi arobryn yn cael ei wneud a pham mae'n unigryw. Byddwch hefyd yn gweld y twnnel copr, sy'n adlewyrchu hanes y safle, yn ogystal â'r felin, y gasgen fragu, distyllyron potiau copr sengl arloesol Penderyn Faraday a phâr o ddistyllyron pot. Ar ddiwedd y daith, ceir cyfle i roi cynnig ar rai o'r cynhyrchion yn y bar blasu! 

Cynhelir teithiau o ddydd Iau i ddydd Sadwrn. 

Prif arferol tocyn i oedolyn yw £19.50 - ond bydd y côd disgownt unigryw hwn yn eich galluogi i dalu £9.75 fesul oedolyn, neu £8 ar gyfer tocyn consesiynol (pobl dros 60 oed a myfyrwyr). 

Mae'r cynnig hwn yn ddilys ar gyfer hyd at ddau berson fesul archeb a bydd ar gael tan ddydd Sul 31 Awst 2025. 

 Archebwch docyn yma gan ddefnyddio'r côd disgownt STTD50 

Sioeau Busnes Cymru 2025 - 14 Hydref,  Stadiwm Swansea.com

Sioeau Busnes Cymru yw'r arddangosfa fwyaf yng Nghymru ar gyfer busnesau - mae'n cynnwys tair sioe genedlaethol.

Mae'r sioeau'n darparu llwyfan i fusnesau o bob maint arddangos eu cynnyrch a'u gwasanaethau.

Mae'r sioeau'n gyfle i chi ddysgu technegau busnes newydd, gwrando ar brif siaradwyr sy'n ysbrydoli, cael cyngor arbenigol, cael gwybodaeth gan gynrychiolwyr ac arddangoswyr eraill a gwella cysylltiadau busnes drwy rwydweithio.

Dyddiadau a lleoliadau eleni yw:

• 20 Mai 2025 - Stadiwm Dinas Caerdydd, Caerdydd
• 10 Gorffennaf 2025 - Parc y Scarlets, Sir Gaerfyrddin
• 14 Hydref 2025 - Stadiwm Swansea.com, Abertawe

Mae'r sioeau am ddim os ydych chi'n cofrestru ymlaen llaw, ac mae cyfleoedd hefyd i arddangos.

I gael rhagor o wybodaeth, ewch i: The Welsh Business Shows - Business Expo Wales | TWBS

Ap newydd yn dod â mwynhad newydd i rannau hanesyddol o Abertawe

Gall defnyddwyr ffonau clyfar ddefnyddio'u dyfeisiau yn awr i archwilio hanes, diwylliant a straeon Abertawe.

Mae'r ap Llwybrau Tawe sydd am ddim yn cynnig ffeithiau, mapiau rhyngweithiol a chanllawiau sain ar chwe llwybr treftadaeth yng Nghwm Tawe Isaf.

Gall y rheini sy'n ei lawrlwytho ddarganfod harddwch naturiol a threftadaeth yr ardal.

Datblygwyd yr ap sydd ar gael yn Gymraeg a Saesneg, gan gynnwys sain, gan dîm adfywio Cyngor Abertawe ac fe'i hariannwyd gan Lywodraeth y DU drwy'r Gronfa Ffyniant Gyffredin.

Dyma'r chwe llwybr sydd i'w cael yn yr ap:

• Gwaith Copr yr Hafod-Morfa
• Y Garreg Wen
• Parc Llewelyn
• Camlas Tawe yng Nghlydach
• Parc Treforys
• Cwm Tawe Isaf

Mae nodweddion yr ap yn cynnwys golygfeydd lloeren a golygfeydd stryd, pinnau cyfeirbwynt, delweddau o ansawdd uchel, fframiau cerdyn post hunlun, gosodiadau hygyrchedd ac ymarferoldeb all-lein.

Mae adeiladau hanesyddol yn yr ardal - fel Tai Injan Vivian a Musgrave - yn cael eu hachub a'u hailbwrpasu ar gyfer cenedlaethau'r dyfodol.

Mae ap Llwybrau Tawe ar gael drwy'r siop iTunes a Google Play.

Hyrwyddwch eich busnes twristiaeth neu letygarwch am ddim ar wefan croesobaeabertawe.com

Ydych chi'n fusnes twristiaeth neu letygarwch yn Ninas a Sir Abertawe?

Os felly, gallech fod yn gymwys i gael eich cynnwys ar wefan swyddogol y cyrchfan, croesobaeabertawe.com, am ddim. 

Mae'r wefan, a gynhelir gan Dîm Twristiaeth Cyngor Abertawe, yn cael ei defnyddio ar gyfer ymgyrchoedd drwy gydol y flwyddyn er mwyn denu ymwelwyr newydd ac ymwelwyr dychwel i'r ardal. 

Gall gweithredwyr llety lleol, atyniadau, darparwyr gweithgareddau a busnesau bwyd a diod sydd am ddod yn bartneriaid Croeso Bae Abertawe a manteisio ar amrywiaeth o fuddion restru eu busnes am ddim.

Gallwch gael rhagor o wybodaeth drwy e-bostio Tim.Twristiaeth@abertawe.gov.uk neu cofrestrwch eich busnes yma.

Digwyddiadau gwych sy'n dod i Fae Abertawe yn 2025:

25 Mai: Treiathlon Abertawe
26-31 Mai 2025: Eisteddfod yr Urdd, Parc Margam
7 Mehefin: MumblesFest
7 Mehefin: Gŵyl Tawe
20 Mehefin: Gŵyl Canu Gwlad Campfire
21 Mehefin: Gŵyl Beatmasters
22 Mehefin: Gŵyl We Love It
5-6 Gorff 2025: Sioe Awyr Cymru
13 Gorff 2025: IronMan 70.3 Abertawe
6-14 Medi: Gŵyl Gerdded Gŵyr
14 Medi 2025: 10k Bae Abertawe
5 Tach: Arddangosfa Tân Gwyllt Cyngor Abertawe 

Oedd y diweddariad hwn ar y fasnach dwristiaeth yn ddefnyddiol? Rhannwch ef neu cysylltwch â Geraldine.Williams@abertawe.gov.uk