Newid pwysig i'r gwasanaeth casglu: O ddydd Llun 30 Mawrth, bydd angen i breswylwyr sicrhau bod y gwastraff/ailgylchu ar ymyl y ffordd i'w gasglu o 6.00am. Mae hon yn fesur dros dro yn ystod pandemig Coronafeirws.
Casglu gwastraff bwyd
Defnyddiwch eich bin gwyrdd ar gyfer eich casgliad gwastraff bwyd wythnosol.
Er mwyn sicrhau y cesglir eich eitemau:
- Defnyddiwch y biniau rydym yn eu darparu am ddim
- Rhowch eich biniau allan i'w casglu rhwng 7.00pm y noson cyn eich diwrnod casglu a 7.00am ar fore'ch diwrnod casglu
- Cadwch eich blwch yn lân trwy ddefnyddio'r leinwyr rydym yn eu darparu am ddim
- Paentiwch neu ysgrifennwch rif eich tŷ ar eich bin
- Defnyddiwch ein Teclyn Chwilio am Gasgliadau Ailgylchu a Sbwriel i gael gwybod ar ba ddiwrnod rydym yn casglu'ch gwastraff
O ble y gallaf gael bin bwyd?
Mae biniau bwyd ar gael i'w casglu o unrhyw un lyfrgell neu swyddfa dai'r cyngor. Gweler ein rhestr lawn i ddod o hyd i'ch lleoliad agosaf.
Byddwn yn darparu bin bach i'w gadw yn eich cegin y gallwch ei leinio â bagiau gwastraff bwyd, a bin mwy â chlawr cloadwy i'w gadw tu fas y bydd criwiau casglu yn ei wacáu.
Os na allwch gasglu bin, gallwch ofyn i'r cyngor ddanfon un atoch. Sylwer y gall gymryd hyd at 10 niwrnod gwaith i'w ddanfon.
Beth i'w roi yn y biniau
Diolch yn fawr
Rhowch yr eitemau canlynol yn eich bin gwastraff bwyd:
- Grawnfwyd
- Caws
- Gwaddodion coffi
- Plisg wyau
- Pysgod
- Plicion ffrwythau a llysiau
- Bwyd dros ben wedi'i goginio (e.e. reis, pasta, llysiau)
- Cig
- Hadau
- Hen fara
- Cydiau te
- Esgyrn mân hyd at ac yn cynnwys carcas cyw iâr, esgyrn cig oen neu unrhyw beth sy'n weddill o ginio rhost Sul teulu nodweddiadol
Dim diolch
Peidiwch â rhoi'r eitemau canlynol yn eich bin gwastraff bwyd:
- Cerdyn neu gardbord
- Papur cegin
- Esgyrn mawr
Cadwch wastraff bwyd o'ch sachau du
Yn ôl arolwg diweddar, bwyd oedd mwy na chwarter o wastraff sachau du yn Abertawe.
Pam na ddylwn roi gwastraff bwyd mewn sachau du?
- Mae hyn yn peri i sachau ddrewi sy'n annog anifeiliaid i'w rhwygo gan greu llanast ar eich stryd.
- Caiff y gwastraff hwn ei gladdu o dan y ddaear mewn safleoedd tirlenwi lle mae'n pydru ac yn rhyddhau nwyon tŷ gwydr peryglus.
Tudalennau perthnasol
Cysylltiadau
-
Ailgylchu
E-bost: evh@abertawe.gov.uk
Ffôn: 01792 635600
Manylion llawn Ailgylchu
