Mae'r Llyfrgell Ganolog yn symud i'r Storfa - rhagor o wybodaeth

Bydd hyn yn cynnwys adleoli mwy na 60,000 o lyfrau a miloedd o eitemau eraill fel mapiau a rholiau microffilm, yn ogystal â sefydlu gwasanaethau a mannau'r llyfrgell yn Y Storfa.

Bydd yr adeilad a adeiladwyd at y diben yn hen uned BHS ar Stryd Rhydychen yn darparu llyfrgell fodern yn ogystal ag archifau, Opsiynau Tai, Gyrfa Cymru, mannau cymunedol, canolfan gyswllt y cyngor a gwasanaethau eraill.

Pryd bydd y llyfrgell newydd yn agor yn Y Storfa? 

Bydd y llyfrgell newydd yn Y Storfa'n agor yn ddiweddarach eleni. Caiff yr union ddyddiad ei gyhoeddi'n fuan. 

Beth sy'n digwydd i aelodau'r llyfrgell a benthyciadau yn ystod y broses o symud?

Caiff yr holl aelodau presennol eu trosglwyddo'n awtomatig i'r llyfrgell newydd. Gallwch ddychwelyd eitemau a fenthycwyd i lyfrgelloedd eraill Abertawe wrth i'r llyfrgell fod ar gau.

Ble gallaf fenthyca a dychwelyd llyfrau wrth i'r llyfrgell ganolog fod ar gau?

Gallwch barhau i fenthyca a dychwelyd llyfrau yn unrhyw un o'r 16 o lyfrgelloedd cymunedol eraill yn Abertawe. Bydd gwasanaethau ar-lein Llyfrgelloedd Abertawe'n parhau i fod ar gael 24/7 ar gyfer e-lyfrau, llyfrau llafar a chylchgronau digidol. Byddwn yn rhoi dyddiad dychwelyd hirach ar lyfrau, gallwch eu hadnewyddu ar-lein a benthyca mwy o eitemau. Gallwch hefyd fynd i unrhyw lyfrgell gymunedol arall i ddefnyddio cyfrifiaduron personol ac argraffwyr.

Llyfrgelloedd yn Abertawe

Beth fydd yn digwydd i ddigwyddiadau a grwpiau sy'n cael eu cynnal yn y llyfrgell ganolog ar hyn o bryd?

Bydd digwyddiadau fel amser rhigwm, grwpiau darllen a sesiynau cefnogaeth ddigidol ar gael yn ein llyfrgelloedd cymunedol.

Ble gallaf weld y newyddion diweddaraf?

Caiff gwybodaeth gyfredol am y symudiad, dyddiadau agor a gwasanaethau dros dro ei rhannu ar wefan Cyngor Abertawe a chyfrifon cyfryngau cymdeithasol Gwasanaeth Llyfrgelloedd Abertawe.

Eich Llyfrgell Ganolog newydd

Byddwch yn gallu defnyddio'r Llyfrgell Ganolog newydd yn Y Storfa bob diwrnod o'r wythnos! Fel nawr, gall oriau fod yn wahanol yn ystod gwyliau cyhoeddus. Bydd llyfrgell y Ganolfan Ddinesig yn symud i'r Storfa. Mae'r llyfrgell wedi bod ar agor chwe diwrnod yr wythnos; roedd hi ar gau bob dydd Llun.

Bydd trefn hunanwasanaeth arloesol, heb staff ar waith bob dydd Llun yn y llyfrgell newydd a fydd yn eich galluogi i:

• fenthyca, dychwelyd ac adnewyddu eitemau i'w benthyg - dewch â'ch cerdyn llyfrgell
• cyrchu catalog ar-lein Llyfrgelloedd Abertawe
• casglu eitemau sydd ar gadw pan fyddant ar gael
• argraffu - drwy daliad ar-lein
• sganio - ar sganiwr gwastad
• defnyddio dyfeisiau cyhoeddus, gan gynnwys cyfrifiaduron a thabledi Hublet, er mwyn cael mynediad at y rhyngrwyd ac at ddibenion eraill
• defnyddio WiFi am ddim
• cael mynediad at fapiau
• cael mynediad at bapurau newyddion ar ficroffilm
• ymuno â'r llyfrgell ar-lein
• defnyddio ardaloedd cyhoeddus Y Storfa

Bydd y Llyfrgell Ganolog newydd yn cael ei staffio chwe diwrnod yr wythnos, fel y mae nawr, a bydd yn cynnig ei hamrediad llawn o wasanaethau.

Bydd ei horiau agor yr un peth â rhai'r Ganolfan Ddinesig (ynghyd â'r hunanwasanaeth ar ddydd Llun):

• Dydd Llun - 9.00am - 5.30pm (hunanwasanaeth yn unig)
• Dydd Mawrth - 9.00am - 5.30pm
• Dydd Mercher - 9.00am - 7.00pm
• Dydd Iau - 9.00am - 5.30pm
• Dydd Gwener - 9.00am - 5.30pm
• Dydd Sadwrn - 10.00am - 4.00pm
• Dydd Sul - 10.00am - 4.00pm