Rheoli Llygredd yr Awdurdod Iechyd Porthladd
Rydym yn cyhoeddi trwyddedau sy'n rheoleiddio gweithgareddau busnes a allai effeithio ar yr amgylchedd ac iechyd pobl.
Mae amodau penodol yn cael eu gosod gyda thrwyddedau o'r fath yn manylu ar fesurau rheoli llygredd sy'n gyfreithiol rwymol. Ar hyn o bryd nid oes unrhyw weithgareddau Rhan A (2) yn ein hawdurdodaeth ond mae naw gweithgaredd Rhan B yn ymwneud â thrin sment, cynnyrch glo ac offer sgrinio symudol. Mae ffi yn daladwy ar gyfer pob cais ac mae tâl cynhaliaeth blynyddol hefyd yn berthnasol i bob proses, sy'n destun adolygiad cyfnodol ac archwiliadau ar sail risg.
Cofrestr gyhoeddus
Mae cofrestr yn cael ei chynnal gan yr awdurdod hwn o bob proses a ganiateir ac mae ar gael yn ein swyddfeydd. Cysylltwch â ni os oes angen rhagor o wybodaeth arnoch.
| Enw'r Busnes | Proses a ganiateir |
|---|---|
| D Shed, Doc y Brenin, Abertawe | Prosesau trin glo a ganiateir |
| Cei Rhif 4, Doc y Brenin, Abertawe | Prosesau trin glo a ganiateir |
| Gorllewin Cei Rhif 4, Doc y Brenin, Abertawe | Prosesau trin glo a ganiateir |
| Glanfa Graigola, Doc y Brenin, Abertawe | Prosesau trin glo a ganiateir |
| Terfynell Cargo Castell-nedd, Llansawel, Castell-nedd | Prosesau trin glo a ganiateir |
| Cemex Plant, Doc y Brenin, Abertawe | Prosesau trin sment a ganiateir |
| Premier Cement, Cei Rhif 6, Doc y Brenin, Abertawe | Prosesau trin sment a ganiateir |
| Tarmac Trading Limited, Glanfa'r Gwaith Haearn, Llansawel, Castell-nedd | Prosesau trin sment a ganiateir |
| Stenor Mobile, Doc y Brenin, Abertawe | Offer symudol a ganiateir |
Cwynion am sŵn neu ansawdd aer gwael
Gellir gwneud cwyn am sŵn i adran iechyd yr amgylchedd yr awdurdod lleol perthnasol.
Rhoi gwybod am broblem llygredd i Gyngor Abertawe
Gwybodaeth am niwsans sŵn gan Gyngor Castell-nedd Port Talbot (Yn agor ffenestr newydd)
Os oes gennych gŵyn am lygredd aer, arogl neu lwch sy'n dod o ardal y porthladd yna cysylltwch â ni gan ddarparu manylion. Ar ôl derbyn cwyn byddwn yn ymweld â'r person yr honnir ei fod yn gyfrifol ac yn cynnig cyngor i ddatrys y broblem. Os yw'r ymagwedd hon yn aflwyddiannus, byddwn yn cynnal ymchwiliad ffurfiol a allai gynnwys ein swyddogion yn mynd ati i fonitro ac arsylwi o safle'r achwynydd, a gallwn ofyn i'r achwynydd gadw cofnodion o sut mae'n effeithio arno. Os ydym yn fodlon bod trosedd wedi'i chyflawni mae gennym amryw o bwerau cyfreithiol i ddatrys y mater. Rydym yn ymdrechu i ymateb i bob cwyn ar y diwrnod y'i derbynnir.