Gwneud cais am Drwydded Mangre newydd: Pecyn gwybodaeth Deddf Trwyddedu 2003

Diffinnir y gweithgareddau trwyddedadwy fel gwerthu alcohol, adloniant rheoledig a gwerthu bwyd neu ddiod poeth rhwng 23:00 a 05:00.

Mae'r pecyn hwn yn cynnwys yr holl wybodaeth y dylech fod ei hangen i wneud cais am drwydded mangre newydd yn Ninas a Sir Abertawe.

Er mwyn gwneud cais am drwydded mangre newydd, bydd angen i chi:

1.  Gwblhau'r ffurflen gais yn llawn. Gwnewch yn siŵr eich bod yn darllen y nodiadau canllaw yn llawn cyn cwblhau'r ffurflen.

2.  Os ydych yn dymuno gwerthu alcohol, bydd angen i chi hefyd ddarparu enw a manylion Goruchwyliwr Dynodedig Mangre a fydd yn gorfod meddu ar Drwydded Bersonol. Bydd rhaid i'r Goruchwyliwr Dynodedig Mangre gwblhau'r Caniatâd Goruchwyliwr Mangre (DPS) yn Atodiad C.

3.  Cwblhau cynllun o'r fangre (canllawiau yn Atodiad A). Rhaid dychwelyd y cynllun hwn gyda'r ffurflen gais wedi'i chwblhau.

4.  Rydym yn eich cynghori i gysylltu â'r Awdurdod Trwyddedu cyn cwblhau ac anfon eich cais i'w drafod gan y bydd o fudd i chi ac yn arbed amser i chi wrth wneud eich cais. Yna byddwn yn eich cynghori os oes angen i chi siarad ag unrhyw un o'r awdurdodau cyfrifol eraill.

5.  Ar ôl cysylltu â'r awdurdodau cyfrifol i drafod eich cais, cyflwynwch y ffurflen gais ynghyd â:

• chynllun o'r fangre
• ffurflen Goruchwyliwr Dynodedig Mangre os ydych chi'n bwriadu gwerthu alcohol
• taliad priodol ar gyfer y cais (gweler y tabl costau yn Atodiad B)

6.  Ar yr un diwrnod ag y byddwch yn cyflwyno eich cais i'r Awdurdod Trwyddedu, rhaid i chi hefyd anfon copi o'r holl ddogfennaeth at yr 'awdurdodau cyfrifol' a restrir yn Atodiad D.

7.  Y diwrnod ar ôl i chi gyflwyno'r cais i'r awdurdod trwyddedu mae'n ofynnol i chi hysbysebu'r cais. Rhaid gwneud hyn mewn dwy ffordd:

• drwy rybudd ar y safle (gweler Atodiad E am ganllawiau a thempled)
• mewn hysbysiad papur newydd sy'n cylchredeg yn yr ardal (gweler Atodiad E).
• bydd eich cais hefyd yn cael ei hysbysebu gan yr Awdurdod Trwyddedu ar wefan y Cyngor.

8.  Unwaith y bydd yr Awdurdod Trwyddedu wedi derbyn eich cais wedi'i gwblhau, ynghyd â'r wybodaeth ychwanegol a'r taliad gofynnol, bydd yn dechrau'r cyfnod ymgynghori o 28 diwrnod. Yn ystod y 28 diwrnod hyn gall unrhyw un o'r awdurdodau cyfrifol neu barti â diddordeb wneud sylwadau perthnasol i'r Awdurdod Trwyddedu.

Os na dderbynnir unrhyw sylwadau perthnasol erbyn diwedd y cyfnod ymgynghori, bydd yr Awdurdod Trwyddedu yn ysgrifennu atoch i'ch hysbysu eich bod wedi cael y drwydded. Bydd yr 'Hysbysiad o Benderfyniad' hwn yn cael ei anfon atoch o fewn 10 diwrnod gwaith ar ôl i'r 28 diwrnod fynd heibio. Mae'r hysbysiad hwn yn eich galluogi i weithredu o dan drwydded mangre newydd. Byddwch yn derbyn eich trwydded lawn drwy'r post o fewn 6 wythnos arall.

Os derbynnir sylwadau, bydd yn rhaid i'ch cais gael ei gyflwyno gerbron Gwrandawiad Pwyllgor Trwyddedu, a byddwch yn derbyn hysbysiad o wrandawiad drwy'r post. Bydd hyn wedyn yn rhoi dyddiad ac amser eich gwrandawiad i chi (gwahoddir pob parti sy'n gwneud sylwadau i'r gwrandawiad). Bydd gofyn i chi ymateb i'r Hysbysiad o wrandawiad i gadarnhau eich presenoldeb yn y gwrandawiad. Unwaith y byddwch wedi cadarnhau presenoldeb neu gynrychiolydd ar eich rhan, byddwch chi neu'ch cynrychiolydd yn derbyn adroddiad y Pwyllgor, gyda'r cais cyflawn, ac unrhyw sylwadau ynghlwm, a bydd angen i chi ddod â'r rhain i'r gwrandawiad.

9.  Mae'r cyngor wedi mabwysiadu polisi arbennig ar effaith gronnus, y gellir dod o hyd i fanylion amdano ar y ddolen ganlynol: https://www.abertawe.gov.uk/datganiadobolisitrwyddedu Polisi gyda mapiau.

Os yw'r fangre y bwriedir ei thrwyddedu o fewn yr ardaloedd a ddiffinnir ar y mapiau, rhaid ystyried y polisi arbennig hwn hefyd.

Effaith y Polisi Arbennig yw bod rhagdybiaeth yn erbyn caniatáu unrhyw gais am drwydded mangre, tystysgrif mangre clwb neu amrywiad mewn perthynas ag eiddo wedi'i leoli yn yr ardal hon sy'n debygol o ychwanegu at yr effaith gronnus bresennol. Dim ond ar gyfer ceisiadau sy'n denu sylwadau perthnasol gan Awdurdod Cyfrifol neu Berson Arall gan gyfeirio at un neu fwy o'r amcanion trwyddedu sy'n arwain at gyflwyno'r Polisi Arbennig mae'r rhagdybiaeth hon yn berthnasol. Os nad oes sylwadau o'r fath, RHAID i'r Awdurdod ganiatáu'r cais gyda thelerau sy'n gyson â'r amserlen weithredu a gyflwynwyd.

Os gwneir sylwadau o'r fath, bydd Is-bwyllgor Trwyddedu'r Awdurdod yn gwrando ar y sylwadau hynny ac yn pennu a ddylai'r rhagdybiaeth yn erbyn caniatáu fod yn berthnasol neu a ddylai'r cais fod yn ddarostyngedig i gyfyngiadau penodol. Bydd cais fel arfer yn cael ei wrthod ONI BAI bod yr ymgeisydd yn gallu dangos yn ei amserlen weithredu na fydd y cais yn ychwanegu at yr effaith gronnus ar un neu fwy o'r amcanion trwyddedu, ac y byddai modd cyfiawnhau'r Awdurdod felly i wyro o'r Polisi Arbennig o ystyried amgylchiadau unigol yr achos.

Mae'r cyngor wedi seilio mabwysiadu polisi arbennig ar adroddiadau a wnaed i'r Cabinet ar 1 Tachwedd 2012 ac i'r Cyngor ar 30 Gorffennaf 2013.

Wrth gyflwyno eich cais, bydd angen i chi hefyd gyflwyno cynllun o'r fangre ar raddfa o 1:100. Gall hwn fod yn gynllun wedi'i lunio a llaw neu gyfrifiadur.

RHAID i'r cynllun ddangos -

Bydd angen i'r cynllun ddangos pob un o'r canlynol:

• graddau terfyn yr adeilad, os yw hynny'n berthnasol, a holl waliau mewnol ac allanol yr adeilad a pherimedr y safle, os yw hynny'n wahanol;
• lleoliad mynedfeydd ac allanfeydd y safle;
• os bydd y safle'n cael ei ddefnyddio ar gyfer mwy nag un gweithgaredd trwyddedadwy, y rhan o'r safle a ddefnyddir ar gyfer pob gweithgaredd;
• lleoliad strwythurau sefydlog (gan gynnwys dodrefn) a allai effeithio ar allu unigolion ar y safle i ddefnyddio allanfeydd neu lwybrau dianc yn ddirwystr;
• os yw'r safle'n cynnwys llwyfan neu fan uchel, lleoliad ac uchder pob llwyfan neu fan o'i gymharu â'r llawr;
• os yw'r safle'n cynnwys unrhyw risiau neu lifftiau, lleoliad y grisiau neu'r lifftiau hynny;
• os yw'r safle'n cynnwys ystafell neu ystafelloedd sy'n cynnwys cyfleusterau cyhoeddus, lleoliad yr ystafell neu'r ystafelloedd hynny;
• y mathau o offer diogelwch rhag tân ac unrhyw offer diogelwch arall a'u lleoliad; a
• lleoliad y gegin ar y safle, os oes un.

Os defnyddir symbolau i nodi eitemau ar gynllun, sicrhewch eu bod yn cael eu disgrifio mewn allwedd briodol.

Ar gyfer eiddo sydd yn y broses o gael ei adeiladu - mae Band C yn berthnasol.

Ar gyfer pob eiddo arall (h.y. heb ei raddio eto) - mae Band A yn berthnasol.

Os oes angen eglurhad arnoch ar eich gwerth ardrethol annomestig, gallwch ymweld â gwefan Swyddfa Brisio'r Llywodraeth yn www.voa.gov.uk

Fel arall, gallwch gysylltu ag Is-adran Ardrethi Busnes Dinas a Sir Abertawe ar (01792) 635937.

Ffioedd Blynyddol

Bydd trwyddedau mangre, os byddant yn cael eu caniatáu, hefyd yn destun ffi flynyddol yn seiliedig ar eu gwerth ardrethol. NID OES rhaid talu'r ffi flynyddol hon gyda'ch cais, ond RHAID ei THALU yn flynyddol ar ben-blwydd rhoi'r drwydded. Bydd peidio â thalu eich ffi flynyddol ar y dyddiad sy'n ddyledus yn arwain at gyhoeddi hysbysiad atal. Bydd y drwydded mangre wedyn yn cael ei hatal nes caiff y ffi flynyddol ei thalu.

Ceir ffioedd ychwanegol ar gyfer trwyddedau mangre a ddefnyddir ar gyfer digwyddiadau mawr iawn (5000+ o bobl).

I gael rhagor o wybodaeth, cyfeiriwch at Reoliad 4(4) a 4(5) o Reoliadau Deddf Trwyddedu 2003 (ffioedd) 2005.

Pa mor hir y bydd trwydded mangre yn para?

Bydd trwydded mangre fel arfer yn cael ei rhoi am 'oes y busnes', ac felly dim ond un ffi ymgeisio y bydd rhaid ei thalu. Bydd 'ffi flynyddol' hefyd yn berthnasol fel y nodwyd yn flaenorol.

Os oes newid sylweddol yn y busnes, nad oes modd delio ag ef yn rhesymol trwy amrywiad, byddai'n rhaid ymgeisio am drwydded newydd.

Gellir hefyd rhoi trwydded mangre am gyfnod penodol o amser. Byddai hyn yn berthnasol, o bosibl ar gyfer digwyddiad mawr yn yr awyr agored sy'n para nifer penodol o ddyddiau neu hyd yn oed wythnosau.

Efallai y byddai modd cynnwys digwyddiadau tymor byr ar raddfa fach mewn Hysbysiadau digwyddiad dros dro (TEN)

1. Hysbysiad ar y fangre i'w thrwyddedu

Rhaid i'r hysbysiad gael ei arddangos yn amlwg o fewn neu ar y fangre y mae'r cais yn ymwneud â hi, lle gellir ei ddarllen yn gyfleus o'r tu allan i'r fangre, am gyfnod heb fod yn llai na 28 diwrnod yn olynol gan ddechrau ar y diwrnod ar ôl y diwrnod y cyflwynwyd y cais.

Dylai'r hysbysiad ei hun fod:

• o faint cyfartal ag A4, neu'n fwy nag A4;
• ar bapur glas golau;
• wedi'i argraffu'n ddarllenadwy mewn inc du neu wedi'i deipio mewn du mewn ffont maint 16 neu fwy.

Yn achos mangre sy'n cwmpasu ardal o fwy na hanner can metr sgwâr, rhaid gosod hysbysiad pellach ar yr un ffurf ac yn ddarostyngedig i'r un gofynion bob hanner can metr ar hyd perimedr allanol y fangre sy'n ffinio ag unrhyw briffordd.

2. Hysbysiad mewn papur newydd

Rhaid i chi hefyd hysbysebu trwy gyhoeddi hysbysiad:

• mewn papur newydd lleol neu, os nad oes papur newydd lleol, mewn cylchlythyr lleol, cylchlythyr neu ddogfen debyg, sy'n cylchredeg yng nghyffiniau'r fangre;
• am o leiaf un achlysur yn ystod y cyfnod o ddeg diwrnod gwaith ar ôl cyflwyno'r cais.

Yn y ddau achos, rhaid i'r hysbysiad nodi

• enw'r ymgeisydd/ymgeiswyr;
• cyfeiriad post y fangre, os o gwbl, neu os nad oes gan y fangre gyfeiriad post, disgrifiad o'r fangre honno sy'n ddigonol i alluogi nodi lleoliad a maint y fangre;
• cyfeiriad post a, lle bo'n berthnasol, cyfeiriad ar-lein lle cedwir cofrestr yr awdurdod trwyddedu a ble a phryd y caniateir archwilio cofnod o'r cais;
• y dyddiad erbyn pryd y gall parti â buddiant neu awdurdod cyfrifol gyflwyno sylwadau i'r awdurdod trwyddedu perthnasol; (28 diwrnod ar ôl cyflwyno'r cais.)
• y bydd sylwadau yn cael eu cyflwyno'n ysgrifenedig; a'i
• bod yn drosedd i wneud datganiad ffug, boed hynny'n ymwybodol neu'n ddi-hid, mewn perthynas a chais ac uchafswm y ddirwy y mae person yn atebol amdani ar euogfarn ddiannod o'r drosedd.

Dylai'r ddau hysbysiad hefyd roi disgrifiad cryno o'r cais arfaethedig. Dylid hefyd cynnwys eglurhad cryno o'r cais a ble y gellir ei weld yn Gymraeg ar eich hysbyseb.

Notice of application for a premises licence template (Word doc, 64 KB)

Amserlen Weithredu

Fe welwch eich amserlen weithredu ar adran P o'ch ffurflen gais.

Beth yw amserlen weithredu?

Mae amserlen weithredu yn ddogfen sy'n rhoi disgrifiad clir i'r Awdurdod Trwyddedu o fath a natur y busnes mae'r ymgeisydd yn bwriadu ei weithredu dan y drwydded mangre, gan gynnwys y camau y byddant yn eu cymryd i sicrhau bod yr amcanion trwyddedu yn cael eu hyrwyddo. Dylai gynnwys y canlynol:

• Arddull a chymeriad y busnes: (h.y. - bwyty, Clwb Nos, Bar, Tecawê)
• Gweithgareddau trwyddedadwy perthnasol a'r amseroedd y maent yn cael eu darparu;
• Unrhyw amseroedd eraill y bydd y cyhoedd yn cael mynediad;
• Unrhyw gyfnod cyfyngedig y mae'r drwydded i fodoli ar ei gyfer;
• Manylion y Goruchwyliwr Dynodedig Mangre (lle bydd alcohol yn cael ei werthu);
• P'un a yw alcohol i'w werthu i'w yfed ar y safle, oddi ar y safle, neu'r ddau; a
• Sut y bydd y 4 'amcan trwyddedu' yn cael eu hyrwyddo. Rhoddir eglurhad manylach o'r rhain isod.

Fe welwch fod eich amserlen weithredu'n cynnwys 5 Adran, un ar gyfer pob un o'r 4 Amcan Trwyddedu, ac adran gyffredinol. Fe'ch cynghorir i gwblhau'r pedwar amcan yn y lle cyntaf, ac yna i ddychwelyd i roi'r ffactorau pwysicaf yn eich adran gyffredinol.

Amodau Gorfodol

Mae'r canlynol yn amodau gorfodol y gellid eu hatodi at eich trwydded mangre. Bydd p'un a ydynt ynghlwm ai peidio yn dibynnu ar y gweithgareddau rydych chi'n bwriadu eu darparu.

Amodau gorfodol pan fo trwydded yn awdurdodi cyflenwi alcohol.

1. Ni chaniateir cyflenwi unrhyw alcohol o dan y Drwydded Mangre
   1. Ar adeg pan nad oes Goruchwyliwr Dynodedig Mangre mewn perthynas â'r Drwydded Mangre neu;
   2. Ar adeg pan nad oes gan y Goruchwyliwr Dynodedig Mangre Drwydded Bersonol neu pan fydd ei Drwydded Bersonol wedi'i hatal.
2. Rhaid i bob cyflenwad o alcohol o dan drwydded y fangre gael ei wneud neu ei awdurdodi gan berson sydd â thrwydded bersonol.

Amod gorfodol: Arddangos ffilmiau

Pan fo Trwydded Mangre yn awdurdodi arddangos ffilmiau, mae'r amod canlynol yn berthnasol:

1. Bydd mynediad plant o dan 18 oed i arddangosiadau ffilmiau a ganiateir o dan delerau'r drwydded hon yn cael ei gyfyngu yn unol ag unrhyw argymhellion a wneir:
   1. Gan Fwrdd Dosbarthu Ffilmiau Prydain (BBFC), lle mae'r ffilm wedi'i dosbarthu gan y Bwrdd hwnnw, neu;
   2. Gan yr Awdurdod Trwyddedu lle nad oes unrhyw dystysgrif ddosbarthu wedi'i rhoi gan y BBFC, neu, os yw'r Awdurdod Trwyddedu wedi hysbysu deiliad y drwydded fod adran 20 (3) (b) (74 (3)(b) ar gyfer clybiau) o Ddeddf Trwyddedu 2003 yn berthnasol i'r ffilm.

Amod gorfodol: Goruchwylwyr drws

1. Pan fydd trwydded mangre yn cynnwys amod bod yn rhaid i un unigolyn neu ragor fod ar yr eiddo ar adegau penodol i gwblhau gweithgaredd diogelwch, rhaid i'r drwydded gynnwys amod bod yn rhaid i unrhyw unigolyn o'r fath
   1. gael ei awdurdodi i gyflawni'r gweithgaredd hwnnw drwy drwydded a roddwyd o dan Ddeddf y Diwydiant Diogelwch Preifat 2001; neu
   2. fod â hawl i gyflawni'r gweithgaredd hwnnw yn rhinwedd adran 4 o'r Ddeddf honno."
2. Ond nid oes unrhyw beth yn is-adran (1) sy'n gofyn am osod amod o'r fath
   1. ar gyfer safleoedd o fewn paragraff 8(3)(a) o Atodlen 2 Deddf y Diwydiant Diogelwch Preifat 2001 (c. 12) (safleoedd gyda thrwyddedau safle sy'n awdurdodi dramâu neu ffilmiau, neu
   2. ar gyfer safleoedd mewn perthynas â (2.1) unrhyw achlysur a grybwyllir ym mharagraff 8(3)(b) neu (c) o'r Atodlen honno (safleoedd sy'n cael eu defnyddio gan glwb sydd â thystysgrif mangre clwb yn unig, dan hysbysiad digwyddiad dros dro sy'n awdurdodi dramâu neu ffilmiau, neu dan drwydded hapchwarae), neu
   3. unrhyw achlysur o fewn paragraff 8(3)(d) o'r Atodlen honno (achlysuron a bennir gan reoliadau dan y Ddeddf honno).
3. At ddibenion yr adran hon
   1. mae "gweithgaredd diogelwch" yn golygu gweithgaredd y mae paragraff 2(1)(a) o'r Atodlen honno'n berthnasol ar ei gyfer, ac sy'n ymddygiad trwyddedadwy at ddibenion y Ddeddf honno (gweler adran 3(2) o'r Ddeddf honno) ".
   2. mae paragraff 8(5) o'r Atodlen honno (dehongli cyfeiriadau at achlysur) yn berthnasol, am ei fod yn berthnasol mewn perthynas â pharagraff 8 o'r Atodlen honno.

Amodau gorfodol pan fo trwydded yn awdurdodi gwerthu neu gyflenwi alcohol i'w yfed ar y safle

1. Bydd y person cyfrifol yn cymryd pob cam rhesymol i sicrhau nad yw'r staff ar y safle yn cynnal, trefnu neu'n cymryd rhan mewn unrhyw ymgyrchoedd hyrwyddo anghyfrifol mewn perthynas â'r safle.
2. Mae ymgyrch hyrwyddo anghyfrifol yn golygu un neu fwy o'r gweithgareddau canlynol, neu weithgareddau tebyg iawn, sy'n digwydd er mwyn hyrwyddo gwerthiant neu gyflenwad alcohol i'w yfed ar y safle mewn ffordd sy'n peri risg sylweddol o arwain neu gyfrannu at drosedd ac anrhefn, peryglu diogelwch y cyhoedd, niwsans i'r cyhoedd, neu niwed i blant
   1. gemau neu weithgareddau eraill sy'n gofyn neu'n annog, neu sydd wedi'u cynllunio i ofyn neu annog unigolion i -
      1. yfed swm o alcohol o fewn cyfyngiad amser (ac eithrio yfed alcohol a werthir neu a gyflenwir ar y safle cyn diwedd y cyfnod y mae'r person cyfrifol wedi'i awdurdodi i werthu neu gyflenwi alcohol), neu
      2. yfed cymaint o alcohol â phosibl (boed o fewn cyfyngiad amser neu fel arall);
   2. darparu symiau diderfyn neu amhenodol o alcohol am ddim neu am ffi sefydlog neu ostyngol i'r cyhoedd neu i grŵp a ddiffinnir gan nodwedd benodol (ac eithrio unrhyw hyrwyddiad neu ddisgownt sydd ar gael i unigolyn mewn perthynas ag alcohol i'w yfed gyda phryd bwyd wrth y bwrdd, fel y'i diffinnir yn adran 159 o'r Ddeddf);
   3. Darparu alcohol am ddim neu am bris gostyngol neu unrhyw beth arall fel gwobr i annog neu i wobrwyo prynu ac yfed alcohol dros gyfnod o 24 awr neu lai;
   4. Darparu alcohol am ddim neu am bris gostyngol mewn perthynas â gwylio digwyddiad chwaraeon ar y safle, lle bo'r ddarpariaeth honno'n ddibynnol ar -
      1. ganlyniad ras, cystadleuaeth neu ddigwyddiad neu broses arall, neu'r
      2. tebygolrwydd y bydd rhywbeth yn digwydd neu ddim yn digwydd;
   5. gwerthu neu gyflenwi alcohol mewn cysylltiad â phosteri neu daflenni ar y safle neu yn y cyffiniau a ellir ei ystyried yn rhesymol fel ei fod yn caniatáu, neu'n annog neu'n cyfeirio at effeithiau meddwdod ac ymddygiad gwrthgymdeithasol mewn modd ffafriol.
3. Rhaid i'r person cyfrifol sicrhau nad oes unrhyw unigolyn yn tywallt alcohol yn uniongyrchol i geg unigolyn arall (heblaw pan fo unigolyn yn methu yfed heb gymorth oherwydd anabledd).
4. Rhaid i'r person cyfrifol sicrhau bod dŵr tap am ddim yn cael ei ddarparu ar gais i gwsmeriaid lle mae ar gael yn rhesymol.
5. Rhaid i ddeiliad y drwydded mangre neu ddeiliad tystysgrif mangre'r clwb sicrhau bod polisi gwirio oedran yn berthnasol ar y safle mewn perthynas â gwerthu neu gyflenwi alcohol.
6. Rhaid i'r polisi fynnu bod unigolion sy'n edrych dan 18 oed i'r person cyfrifol (neu'r oed hŷn a nodir yn y polisi) ddangos ar gais, cyn cael prynu alcohol, tystiolaeth yn dangos eu llun, eu dyddiad geni a marc holograffig.
7. Rhaid i'r person cyfrifol sicrhau -
   1. os caiff unrhyw un o'r diodydd alcoholig canlynol eu gwerthu neu eu cyflenwi i'w hyfed ar y safle (heblaw am ddiodydd alcohol sy'n cael eu gwerthu neu eu cyflenwi ar ôl eu gwneud yn barod i'w gwerthu mewn cynhwysydd wedi'i gau'n ddiogel), bydd yr alcohol ar gael i gwsmeriaid yn y mesurau a ganlyn -
      1. cwrw neu seidr: 1⁄2 peint;
      2. jin, rym, fodca neu wisgi: 25 ml neu 35 ml; a
      3. gwin llonydd mewn gwydr: 125 ml; a
   2. bod cwsmeriaid yn ymwybodol o argaeledd y mesurau hyn
8. Amodau gorfodol pan fo trwydded yn awdurdodi gwerthu neu gyflenwi alcohol i'w yfed oddi ar y safle.
   1. Rhaid i ddeiliad y drwydded mangre neu ddeiliad tystysgrif mangre'r clwb sicrhau bod polisi gwirio oedran yn berthnasol ar y safle mewn perthynas â gwerthu neu gyflenwi alcohol.
   2. Rhaid i'r polisi fynnu bod unigolion sy'n edrych dan 18 oed i'r person cyfrifol (neu'r oed hŷn a nodir yn y polisi) ddangos ar gais, cyn cael prynu alcohol, tystiolaeth yn dangos eu llun, eu dyddiad geni a marc holograffig.
9. Amod gorfodol ynglŷn â'r isafswm prisio
   1. Rhaid i berson perthnasol sicrhau na chaiff unrhyw alcohol ei werthu na'i gyflenwi i'w yfed ar y safle nac oddi ar y safle am bris sy'n is na'r pris a ganiateir.
   2. At ddibenion yr amod a nodir ym mharagraff 1 -
      1. dylid dehongli "treth" yn unol â Deddf Trethi ar Ddiodydd Alcoholig 1979 a ddiweddarwyd ddiwethaf ym mis Ebrill 2019 22
      2. y "pris a ganiateir" yw'r pris a geir drwy ddefnyddio'r fformiwla - P = D + (DxV) Pan nai -
         1. P yw'r pris a ganiateir
         2. D yw cyfradd y dreth sy'n daladwy mewn perthynas â'r alcohol fel pe bai'r dreth yn cael ei chodi ar ddyddiad gwerthu neu gyflenwi'r alcohol, a
         3. V yw cyfradd y dreth ar werth sy'n daladwy mewn perthynas â'r alcohol fel pe bai'r dreth ar werth yn cael ei chodi ar ddyddiad gwerthu neu gyflenwi'r alcohol;
      3. ystyr "person perthnasol', mewn perthynas â safle lle y mae tystysgrif safle clwb mewn grym -
         1. Deiliad y drwydded mangre
         2. Goruchwyliwr dynodedig mangre (os o gwbl) mewn perthynas â thrwydded o'r fath, neu
         3. Deiliad y drwydded bersonol sy'n cyflenwi alcohol o dan drwydded o'r fath neu sy'n caniatáu iddo gael ei gyflenwi;
      4. ystyr "person perthnasol', mewn perthynas â safle lle mae tystysgrif mangre clwb mewn grym, yw unrhyw un o aelodau neu swyddogion y clwb sy'n bresennol ar y safle mewn rôl sy'n galluogi'r aelod neu'r swyddog i atal y cyflenwad o dan sylw; ac
      5. ystyr "treth ar werth" yw'r dreth ar werth a godir yn unol a Deddf Treth ar Werth 1994.
   3. Os nad yw'r pris a ganiateir a roddir gan Baragraff (9.2.2) (ar wahân i'r paragraff hwn) yn rhif cyfan o geiniogau, rhaid cymryd mai'r pris a roddir gan yr is-baragraff hwnnw yw'r pris a roddir mewn gwirionedd gan yr is-baragraff hwnnw wedi'i dalgrynnu i fyny i'r geiniog agosaf.
      1. Mae is-baragraff (2) yn berthnasol os yw'r pris a ganiateir gan Baragraff (9.2.2) ar ddiwrnod penodol ("y diwrnod cyntaf") yn wahanol i'r pris a ganiateir ar y diwrnod nesaf ("yr ail ddiwrnod") o ganlyniad i newid i gyfradd y dreth neu'r dreth ar werth.
      2. Mae'r pris a ganiateir sy'n berthnasol ar y diwrnod cyntaf yn berthnasol i werthiant neu gyflenwad alcohol sy'n digwydd cyn i'r cyfnod o 14 diwrnod sy'n dechrau ar yr ail ddiwrnod ddod i ben.

Mae'r camau i hyrwyddo'r amcanion trwyddedu wedi'u cynnwys i'ch helpu i gwblhau eich amserlen weithredu. Maent wedi'u rhannu'n 4 categori ac maent yn ymwneud â'r pedwar amcan trwyddedu. Nid yw'r rhestr yn gynhwysfawr ac efallai yr hoffech gynnwys camau nad ydynt wedi'u cynnwys yn y rhestr ond sy'n berthnasol i'ch safle a'ch gweithrediad. Noder na fydd yr holl gamau a fanylir yn berthnasol i'ch cais. Lle mae eitemau wedi'u gadael yn wag h.y. rhifau ac amseroedd, mae angen i chi eu llenwi. Fe welwch fod dau amod yn ymwneud â theledu cylch cyfyng - ar gyfer adeiladau mwy (h.y. tafarndai/clybiau nos/bwytai) rydym yn awgrymu defnyddio'r amod gyda'r cod C&D1, ar gyfer adeiladau llai, (h.y. siopau diodydd trwyddedig bychain a lleoliadau lluniaeth sydd ar agor yn hwyr) gallai'r amod gyda'r cod C&D30 fod yn fwy addas.

Nid oes rhaid i bawb sy'n gwerthu feddu ar drwydded bersonol, ond mae'n rhaid i bob gwerthiant gael ei awdurdodi gan rhywun sydd â thrwydded bersonol. Nid oes rhaid iddo fod yn awdurdodiad ysgrifenedig, ond at ddibenion atebolrwydd, argymhellir dewis yr opsiwn hwn.

Am ragor o wybodaeth, cyfeiriwch at ddogfen ganllawiau'r cyngor ar drwyddedau personol sydd wedi'u cynnwys yn y pecyn hwn.

Pan fo trwydded mangre yn awdurdodi gwerthu alcohol, rhaid i'r ffurflen gais nodi un unigolyn a fydd yn gyfrifol am redeg y fangre o ddydd i ddydd. Gelwir y person hwn yn 'oruchwyliwr dynodedig mangre', ac mae'n rhaid iddo feddu ar drwydded bersonol.

Rhaid i bwy bynnag sy'n cael ei enwebu fel goruchwyliwr dynodedig mangre roi ei ganiatâd ysgrifenedig ar ffurflen Caniatâd yr unigolyn i gael ei bennu fel goruchwyliwr mangre (Word doc, 42 KB) a rhaid cynnwys y ffurflen hon gyda'r cais am drwydded mangre

Rydym yn eich cynghori i gysylltu â ni cyn cwblhau ac anfon eich cais i'w drafod gan y bydd o fudd i chi ac yn arbed amser i chi wrth wneud eich cais.

Yna byddwn yn eich cynghori os oes angen i chi siarad ag unrhyw un o'r awdurdodau cyfrifol eraill.

Rhaid cyflwyno copi o'ch cais, gan gynnwys copïau o gynlluniau, ffurflen caniatâd y goruchwyliwr dynodedig mangre (lle bo'n berthnasol) i'r awdurdodau hyn ar yr un diwrnod â'r Awdurdod Trwyddedu ei hun.

Rhaid anfon ceisiadau at bob un o'r Awdurdodau Cyfrifol canlynol

1.Prif Swyddog yr Heddlu

Heddlu De Cymru
d/o yr Adran Drwyddedu
Gorsaf Heddlu Ganolog Abertawe
Grove Place
Abertawe
SA1 5EA

Ffôn: (01792) 562707

2. Awdurdod Tân

Swyddog Trwyddedu
Uned Abertawe
Awdurdod Tân Canolbarth a Gorllewin Cymru
Ffordd Sway
Treforys
Abertawe
SA6 6JA

Ffôn: 0870 6060699

3. Awdurdod Cynllunio Lleol

Adran Gorfodi
Gwasanaethau Cynllunio
Cyfarwyddiaeth Lleoedd
Canolfan Ddinesig
Ffordd Ystumllwynarth
Abertawe
SA1 3SN

Ffôn: 01792 635692

4. Gorfodi Llygredd ac Iechyd Statudol

Yr Is-adran Rheoli Llygredd
Cyfarwyddiaeth Lleoedd
Neuadd y Dref
Abertawe
SA1 4PE

Ffôn: 01792 635600

5. Amddiffyn Plant

Prif Swyddog Diogelu, Perfformiad ac Ansawdd
Diogelu, Perfformiad ac Ansawdd
Blwch Post 685
Abertawe
SA1 4PE

Ffôn: 01792 636000

6. Safonau Masnach

Yr Is-adran Safonau Masnach
Cyfarwyddiaeth Lleoedd
Neuadd y Dref
Abertawe
SA1 4PE

Ffôn: 01792 635600

7. Iechyd a Diogelwch

Ar gyfer mangre a reolir gan y Cyngor - (os oes gennych unrhyw ymholiadau ynghylch pwy sy'n rheoli eich eiddo yna cysylltwch â'r Is-adran Bwyd a Diogelwch isod i gael cadarnhad cyn cyflwyno eich cais)

Yr Is-adran Bwyd a Diogelwch
Cyfarwyddiaeth Lleoedd
Neuadd y Dref
Abertawe
SA1 4PE

Ffôn: 01792 635600

Ar gyfer adeiladau a reolir gan yr Awdurdod Gweithredol Iechyd a Diogelwch -

Yr Awdurdod Gweithredol Iechyd a Diogelwch
Adeilad y Llywodraeth
Cam 1
Tŷ Glas
Llanisien
Caerdydd
CF14 5SH

Ffôn: 02920 263000

8. Ymddiriedolaeth Gofal Sylfaenol/Bwrdd Iechyd Lleol

Bwrdd Iechyd Lleol Prifysgol Abertawe Bro Morgannwg
Uned Darparu Gwasanaethau Sylfaenol a Chymunedol
Canolfan Y Beacon
2il Llawr
Heol Langdon
Abertawe
SA1 8QU

9. Gorfodi Mewnfudo

Tîm Trwyddedu Alcohol
Lunar House
40 Wellesley Road
Croydon
CR9 2BY

Amcan trwyddedu - atal troseddu ac anhrefn

Bydd teledu cylch cyfyng yn cael ei ddarparu ar ffurf system y gellir ei recordio, sy'n gallu darparu lluniau o ansawdd tystiolaeth ym mhob cyflwr goleuo, yn enwedig adnabod wynebau. Bydd camerâu yn cwmpasu pob mynedfa ac allanfa i'r safle, allanfeydd tân, pob ardal lle mae gan y cyhoedd fynediad, ac unrhyw ardal yfed allanol. Rhaid cadw offer mewn cyflwr da, rhaid i'r system recordio'n barhaus tra bod y safle ar agor ar gyfer gweithgareddau trwyddedadwy ac yn ystod pob amser pan fydd cwsmeriaid yn aros yn y safle. Rhaid labelu'r recordiadau gyda'r amser a'r dyddiad cywir, eu cadw yn nhrefn y dyddiad, eu rhifo mewn trefn a'u cadw am gyfnod o 31 diwrnod, a'u trosglwyddo i Swyddog yr Heddlu/Swyddog yr Awdurdod Lleol ar gais. Rhaid i Ddeiliad y Drwydded Mangre sicrhau bod Goruchwylydd Dynodedig Mangre (DPS) neu aelod o staff penodedig ar gael bob amser sy'n gallu lawrlwytho lluniau teledu cylch cyfyng mewn fformat y gellir ei recordio naill ai ar ddisg neu VHS a'u rhoi i Swyddog yr Heddlu/Swyddog yr Awdurdod Lleol ar gais. Rhaid cadw'r offer recordio a'r tapiau/disgiau mewn amgylchedd diogel o dan reolaeth y Goruchwylydd Dynodedig Mangre (DPS) neu unigolyn cyfrifol arall a enwir. Rhaid cadw cofnod gweithredol dyddiol gyda llofnod yn nodi bod y system wedi cael ei gwirio a'i bod yn cydymffurfio. Os bydd unrhyw fethiannau, rhaid cofnodi unrhyw gamau a gymerwyd. Os bydd yr offer TCC yn profi methiant technegol, mae'n rhaid i ddeiliad y Drwydded Mangre/Goruchwylydd Dynodedig Mangre adrodd y methiant i'r Heddlu/Awdurdod Lleol.

Bydd deiliad trwydded bersonol ar ddyletswydd ar y safle bob amser pan awdurdodir y safle i werthu alcohol.

Ni ddylid gweini diodydd mewn cynwysyddion gwydr ar unrhyw adeg.

Dim ond cynwysyddion addas nad ydynt yn wydr i'w defnyddio ar ddiwrnodau yr ystyrir eu bod yn ddiwrnodau digwyddiad mawr yn yr ardal. Dylid hysbysu'r goruchwylydd dynodedig mangre yn ysgrifenedig o leiaf 14 diwrnod cyn y digwyddiad, neu gyda chytundeb Pub and Club Watch.

Heblaw am werthiannau alcohol i'w yfed oddi ar y safle mewn cynwysyddion wedi'u selio, ni ddylai cwsmeriaid fynd â gwydr na photeli gwydr allan o'r eiddo.

Dylid cyflogi staff drws pan ddarperir adloniant rheoledig ar gymhareb o ______ goruchwyliwr fesul 100 o gwsmeriaid

Bydd o leiaf ______ goruchwyliwr drws trwyddedig SIA ar ddyletswydd ar y safle drwy'r amser pan fo'r safle ar agor ar gyfer busnes.

Bydd o leiaf _____ goruchwyliwr drws trwyddedig SIA ar ddyletswydd wrth fynedfa'r safle drwy'r amser pan fo'r safle ar agor ar gyfer busnes.

(Noder y dylai nifer y goruchwylwyr drws fod yn ddibynnol ar y math o fusnes yr ydych yn ei redeg, proffil y dorf, a digwyddiadau penodol a gynhelir gennych fel safle.)

Bydd staff drws cofrestredig SIA yn cael eu cyflogi ar adegau pan fydd gofyniad yn cael ei nodi yn asesiad risg ysgrifenedig deiliad y drwydded. Rhoddir ystyriaeth i wyliau cyhoeddus a diwrnodau yr ystyrir eu bod yn ddiwrnodau digwyddiadau mawr yng nghanol y ddinas. Os bydd asesiad risg ysgrifenedig yn nodi bod angen staff goruchwylio drws, bydd y niferoedd canlynol yn cael eu dilyn:

Dylid cadw cofrestr rifiadol rhwymedig fanwl o oruchwylwyr drws i'w chadw ar y safle bob amser. Bydd cofrestr o'r fath yn cynnwys enw, rhif cofrestru a manylion cyswllt yr aelod o staff drws, ynghyd â'r dyddiad, ac amser ar ddyletswydd ac oddi ar ddyletswydd. Manylion llawn yr asiantaeth sy'n cyflenwi'r staff i gael ei gymeradwyo, a'r gofrestr i fod ar gael i'w harchwilio ar gais gan Swyddog Awdurdodedig.

Dim mynediad neu ail-fynediad i gwsmeriaid ar ôl ____:____

Bydd pob un sy'n dod i mewn i'r eiddo neu'n dychwelyd i'r eiddo yn cael ei chwilio gan aelod o staff sydd wedi'i hyfforddi gan SIA.

Dylid gosod arwyddion yn amlwg wrth fynedfa'r safle, o fewn y cyfleusterau toiledau ac mewn mannau strategol o fewn ardaloedd mynediad cyhoeddus. Dylid arddangos arwyddion yn nodi bod defnyddio cyffuriau yn annerbyniol a bod y safle'n gweithredu polisi chwilio cyffuriau fel amod mynediad, gan gadw'r hawl i chwilio cwsmeriaid dan y ddarpariaeth hon.

Bydd yr eiddo'n cymryd rhan weithredol mewn mentrau rheolaidd i dargedu camddefnydd cyffuriau, gan gynnwys cydweithrediad llawn gyda gweithrediadau chwilio a monitro cyffuriau Heddlu De Cymru.

Coffr cyffuriau i'w gadw ar y safle.

Bydd rheolwyr/goruchwylwyr mangre yn mynychu a chymryd rhan lawn yng nghynllun Gwarchod Tafarndai a Chlybiau Canol y Ddinas.

Bydd yr eiddo yn cymryd rhan weithredol yn nghynllun cyfathrebu radio Nitenet yng nghanol y ddinas. Dylai'r cyfranogiad hwn gynnwys yn benodol aelod o staff sy'n gyfrifol am fewngofnodi i'r system, monitro, ymateb i ddarllediadau, cyhoeddi darllediadau pan fo digwyddiadau'n codi i rybuddio safleoedd eraill sy'n defnyddio'r system, ac allgofnodi. Bydd y cyfranogiad hwn yn digwydd drwy gydol yr amser lle mae'r eiddo ar agor i gwsmeriaid ac yn masnachu.

Bydd yr eiddo yn cymryd rhan weithredol yng nghynllun gorchymyn gwahardd canol y ddinas.

Bydd yr eiddo yn rhoi o leiaf 7 diwrnod o rybudd ysgrifenedig i Adran Drwyddedu'r Heddlu gan ddarparu cynllun gweithredu am unrhyw newidiadau o ran diodydd neu gynigion diodydd newydd.

Bydd yr holl staff sy'n gweithredu y tu allan i fynedfa'r eiddo, neu'n goruchwylio neu reoli ciwiau, yn gwisgo siacedi neu festiau llachar.

Rhaid i'r ardal giwio ddynodedig gael ei hamgáu o fewn rhwystrau priodol i sicrhau bod y droedffordd yn cael ei chadw'n glir.

Bydd aelod o staff ar ddyletswydd yn yr ystafell gotiau drwy gydol yr amser y mae'n cael ei defnyddio.

Rhaid cadw llyfr cofnodi digwyddiadau, wedi'i rwymo mewn trefn rifiadol, ar y safle sy'n dangos manylion dyddiad ac amser pob ymosodiad, anaf, damwain neu dafliad allan, yn ogystal â manylion yr aelodau staff a fu ynghlwm â'r digwyddiad, natur y digwyddiad, a'r cam gweithredu/canlyniad. Rhaid sicrhau bod y llyfr ar gael i'w archwilio gan yr Heddlu a swyddogion awdurdodedig yr Awdurdod Trwyddedu.

Ni chaniateir yfed diodydd meddal nac alcoholig ar y ffordd y tu allan i'r safle.

Rhoddir cyfnod o 30 munud i orffen yfed ar ben yr amser olaf y caniateir i werthu alcohol, er mwyn galluogi cwsmeriaid i ddefnyddio'r cyfleusterau toiled a gadael yr eiddo.

Heblaw am alcohol a werthir mewn cynwysyddion wedi'u selio i'w hyfed oddi ar y safle, ni chaniateir i unrhyw ddiodydd adael yr ardal drwyddedig fel y dangosir ar y cynlluniau a ddarparwyd.

Ni chaniateir yfed alcohol na lluniaeth arall ar ôl 23:00 awr yn yr ardal yfed awyr agored.

Bydd yr holl wirodydd heb eu cymysgu yn cael eu harddangos y tu ôl i'r cownter a'u cyflenwi dros y cownter yn unig.

Bydd yr holl alcohol yn cael ei arddangos y tu ôl i'r cownter a'i gyflenwi dros y cownter yn unig.

Bydd system teledu cylch cyfyng cynhwysfawr y gellir ei recordio yn cael ei gosod a'i chynnal sy'n cwmpasu'r ardaloedd masnachu ynghyd â phob mynediad ac allanfa. Rhaid i'r system recordio'n barhaus tra bod yr eiddo ar agor ar gyfer gweithgareddau trwyddedadwy ac yn ystod pob amser pan fydd cwsmeriaid yn aros yn y safle. Rhaid i'r system allu darparu lluniau o ansawdd tystiolaethol, yn enwedig o ran adnabod wynebau. Mae'n rhaid storio pob recordiad am gyfnod o 31 diwrnod o leiaf gyda dyddiad ac amser. Rhaid i recordiadau fod ar gael ar unwaith ar gais Heddlu neu Swyddog Awdurdodedig.

Rhaid i aelod o staff y safle sy'n gyfarwydd â defnyddio'r system TCC fod ar y safle bob amser pan fo'r safle ar agor i'r cyhoedd. Bydd yr aelod staff hwn yn gallu dangos lluniau TCC diweddar i'r Heddlu neu'r swyddog awdurdodedig gyda chyn lleied o oedi â phosibl ar gais.

Bydd yr eiddo'n cymryd rhan weithredol mewn cynllun 'Bottle Watch' neu unrhyw gynllun arall tebyg sy'n cael ei weithredu gan Heddlu De Cymru.

Amcan trwyddedu - diogelwch y cyhoedd

Bydd gan y fangre system ddigonol ar gyfer cyfrif pobl i mewn ac allan o'r adeilad wrth ddefnyddio staff goruchwylio drws er mwyn sicrhau nad yw lefel y cwsmeriaid ym mhob ardal yn fwy na'r uchafswm a gymeradwywyd yn asesiad risg y lleoliad.

Ni fydd nifer y personau a ganiateir yn y fangre ar unrhyw adeg (gan gynnwys staff) yn fwy na ____ .

Bydd unrhyw effeithiau arbennig neu osodiadau mecanyddol yn cael eu trefnu a'u storio mewn modd sy'n lleihau unrhyw risg i ddiogelwch y rhai sy'n defnyddio'r eiddo. Bydd yr effeithiau arbennig canlynol yn cael eu defnyddio dim ond ar ôl rhoi 10 diwrnod o rybudd ymlaen llaw i'r Awdurdod Trwyddedu lle na roddwyd caniatâd yn flaenorol.

• iâ sych a niwl cryogenig
• peiriannau mwg a generaduron niwl
• pyrotechneg gan gynnwys tân gwyllt
• arfau tanio
• laserau
• ffrwydron a sylweddau fflamadwy.
• fflamau go iawn.
• goleuadau strôb.

Ni chaiff unrhyw un gynnal arddangosfa, arddangosiad neu berfformiad hypnotiaeth neu fesmeriaeth neu unrhyw weithred neu broses debyg sy'n arwain neu'n bwriadu arwain at gyflwyno cwsg ysgogedig neu lesmair lle mae meddwl y person hwnnw'n fwy agored i awgrymiadau neu gyfarwyddyd. NODER: (1) Nid yw'r rheol hon yn berthnasol i arddangosfeydd a roddir o dan ddarpariaethau Adran 2(1A) a 5 o Ddeddf Hypnotiaeth 1952.

Os oes angen, bydd o leiaf un swyddog cymorth cyntaf wedi'i hyfforddi'n briodol ar ddyletswydd pan fydd aelodau'r cyhoedd yn bresennol; ac os oes mwy nag un swyddog cymorth cyntaf wedi'i hyfforddi'n briodol, bydd eu dyletswyddau wedi'u diffinio'n glir.

Amcan trwyddedu - atal niwsans cyhoeddus 

Dim ond i berson sy'n eistedd wrth y bwrdd i gael pryd o fwyd y caiff alcohol ei gyflenwi ar y safle, a hynny i'w yfed gan y person hwnnw gyda'r pryd bwyd.

Bydd alcohol yn cael ei gyflenwi gan weinydd neu weinyddes yn unig.

Bydd bwyd sylweddol a diodydd nad ydynt yn feddwol ar gael ym mhob rhan o'r safle lle mae alcohol yn cael ei werthu neu ei gyflenwi i'w yfed ar y safle.

Cyn gallu defnyddio'r fangre, bydd cynllun inswleiddio sain wedi'i ddylunio gan ymgynghorydd acwstig cymwys i gadw sŵn o fewn yr adeilad yn cael ei gyflwyno i'w gymeradwyo gan Is-adran Rheoli Llygredd Adran yr Amgylchedd, Dinas a Sir Abertawe. Ar ôl derbyn cymeradwyaeth ysgrifenedig, caiff y cynllun inswleiddio sain ei osod a'i gynnal a'i gadw'n briodol.

Bydd dyfais cyfyngu ar sain wedi'i lleoli mewn cabinet y gellir ei gloi ar wahân i'r rheolydd sain yn cael ei osod ar unrhyw system chwyddo sain, a'i gosod ar lefel a bennir i fodloni gofynion swyddog awdurdodedig o fewn Is-Adran Rheoli Llygredd gwasanaeth diogelu'r cyhoedd i sicrhau nad oes unrhyw niwsans sŵn yn cael ei achosi i drigolion lleol. Bydd panel gweithredu'r ddyfais cyfyngu sŵn yn cael ei ddiogelu i fodloni gofynion swyddog o Wasanaeth Iechyd yr Amgylchedd. Bydd allwedd y cabinet lle cedwir y ddyfais cyfyngu sŵn yn cael ei chadw gan ddeiliad y drwydded neu reolwr awdurdodedig yn unig, ac ni fydd gan unrhyw berson arall fynediad ati. Ni fydd y ddyfais gyfyngu yn cael ei haddasu heb gytundeb ymlaen llaw gyda Gwasanaeth Diogelu'r Cyhoedd.

Ni ddylid lleoli uchelseinyddion yn y lobi na thu allan i'r adeilad.

Bydd pob ffenestr a drws allanol yn cael eu cadw ar gau ar ôl ____:____ neu ar unrhyw adeg pan fydd adloniant rheoledig yn digwydd, ac eithrio i adael pobl i fynd i mewn ac allan yn uniongyrchol.

Ni fydd mynediad nac ail-fynediad i'r eiddo ar ôl ____.____.

Bydd arwyddion yn cael eu harddangos yn amlwg ger unrhyw allanfa yn gofyn i gwsmeriaid barchu anghenion preswylwyr lleol ac i ddefnyddio'r ardal yn dawel..

Bydd nifer y cwsmeriaid a ganiateir i adael yr eiddo dros dro a dychwelyd yn cael ei gyfyngu i _____ person ar y tro.

Bydd arwyddion yn cael eu harddangos yn amlwg mewn unrhyw ardal a ddefnyddir ar gyfer ysmygu yn gofyn i gwsmeriaid barchu anghenion preswylwyr lleol ac i ddefnyddio'r ardal yn dawel.

Bydd deiliad y drwydded yn sicrhau bod unrhyw res o bobl sy'n ffurfio y tu allan i'r eiddo i gael mynediad yn drefnus ac yn cael ei oruchwylio gan staff drws er mwyn sicrhau nad oes unrhyw niwsans cyhoeddus neu rwystr i'r briffordd gyhoeddus.

Bydd rhif ffôn uniongyrchol ar gyfer rheolwr y safle ar gael i'r cyhoedd drwy gydol yr amser pan fydd y safle ar agor. Dylid sicrhau bod y rhif ffôn hwn ar gael i breswylwyr yn y cyffiniau.

Ni fydd unrhyw alcohol yn cael ei werthu i'w yfed oddi ar y safle.

Bydd unrhyw alcohol sy'n cael ei werthu i'w yfed oddi ar y safle yn cael ei werthu mewn cynwysyddion wedi'u selio yn unig, ac ni fydd yn cael ei yfed ar y safle.

Dim ond cwsmeriaid sy'n eistedd wrth fyrddau fydd yn gallu yfed alcohol y tu allan i'r eiddo.

Ni fydd byrddau a chadeiriau allanol yn cael eu defnyddio gan gwsmeriaid ar ôl ____:____ bob dydd.

Bydd pob bwrdd a chadair yn cael eu symud o'r ardal allanol erbyn ____:____ bob dydd.

Ni chaniateir yfed diodydd meddal nac alcohol mewn unrhyw ardal y tu allan i'r fangre.

Dylai pob cwsmer adael yr ardal yfed allanol erbyn 23:00 o'r gloch.

Bydd yr ardal allanol yn cael ei goruchwylio gan staff y safle pan fydd yn cael ei defnyddio.

Ni fydd unrhyw alcohol yn cael ei yfed y tu allan i'r eiddo heblaw gan gwsmeriaid sy'n eistedd mewn ardal a gwmpesir gan drwydded caffi palmant. Bydd pob ardal o'r fath yn defnyddio cynwysyddion nad ydynt yn wydr yn unig.

Bydd yr ardal yfed allanol, pan gaiff ei defnyddio, yn cael ei goruchwylio'n barhaus gan aelod o staff penodol sy'n gyfrifol am y ddyletswydd hon yn unig.

Y tu allan i'r oriau a awdurdodwyd ar gyfer gwerthu alcohol, bydd yr holl alcohol yn yr ardal fasnachu yn cael ei storio'n ddiogel y tu ôl i griliau/sgriniau wedi'u cloi neu y tu ôl i ddrysau cabinet wedi'u cloi.

Ni fydd unrhyw gwrw, lager na seidr cryf iawn 5.5% ABV (alcohol yn ôl cyfaint) neu uwch yn cael ei werthu ar y safle.

Ni fydd caniau na photeli unigol o gwrw neu seidr yn cael eu gwerthu ar y safle.

Ni fydd modd cyflenwi gwirodydd heb eu cymysgu ar sail hunanwasanaeth.

Rhaid arddangos arwyddion amlwg sy'n nodi'r oriau a ganiateir ar gyfer gwerthu alcohol fel eu bod yn weladwy cyn mynd i mewn i'r eiddo, lle mae alcohol yn cael ei arddangos yn gyhoeddus, ac ar y pwynt gwerthu.

Bydd unrhyw alcohol sy'n cael ei werthu i'w yfed oddi ar y safle yn cael ei gyflenwi gyda phryd bwyd tecawê yn unig.

Ni ddarperir unrhyw adloniant, perfformiad, gwasanaeth, neu arddangosfa sy'n cynnwys noethni neu ysgogiad rhywiol a fyddai'n dod o fewn y diffiniad o sefydliad rhyw yn Atodlen 3 i Ddeddf Llywodraeth Leol (Darpariaethau Amrywiol) 1982 fel y'i diwygiwyd gan Ddeddf Plismona a Throseddu 2009.

Ni fydd unrhyw noethni.

Ni fydd unrhyw hysbysebion awdurdodedig o unrhyw fath (gan gynnwys placard, poster, sticer, taflen, llun, llythyr, arwydd neu unrhyw farc arall) yn cael eu harysgrifio na'u gosod ar wyneb y briffordd, nac ar unrhyw adeilad, strwythur, gwaith, celficyn stryd, coeden, nac unrhyw eiddo arall, nac yn cael eu dosbarthu i'r cyhoedd, sy'n hysbysebu neu'n hyrwyddo'r sefydliad, ei eiddo nac unrhyw un o'i ddigwyddiadau, cyfleusterau neu wasanaethau.

Rhaid cyflwyno'r holl wastraff yn briodol a'i roi allan i'w gasglu heb fod yn gynharach na 30 munud cyn yr amseroedd casglu a drefnwyd.

Ni chaniateir i unrhyw sbwriel, gan gynnwys poteli, gael eu symud, eu gwaredu na'u gosod mewn ardaloedd allanol rhwng 23:00 ac 08:00 o'r gloch.

Rhaid i'r palmant o ymyl yr adeilad hyd at ymyl y palmant y tu allan i'r eiddo, gan gynnwys y gwter/sianel ger ymyl y palmant, gael ei ysgubo neu ei olchi, ac mae'n rhaid casglu'r sbwriel a'i storio'n unol â'r trefniadau storio sbwriel cymeradwy.

Bydd mynediad i'r ystafell achlysuron benodedig trwy fynedfa ddynodedig.

Mewn perthynas â'r ystafell achlysuron benodedig, ni fydd mynediad ar ôl ____:____ ac eithrio i (1) breswylwyr y gwesty a'u gwesteion gwirioneddol, neu (2) bobl sy'n mynychu'r digwyddiad a drefnwyd ymlaen llaw.

Bydd pob digwyddiad yn yr ystafell achlysuron benodedig yn ddigwyddiadau a drefnwyd ymlaen llaw neu lle bo angen tocynnau.

Ac eithrio preswylwyr a'u gwesteion gwirioneddol, ni chaniateir i unrhyw alcohol gael ei yfed fwy na 30 munud ar ôl yr amser ganiateir ar gyfer cyflenwi alcohol.

Amcan trwyddedu - amddiffyn plant rhag niwed

Bydd cynllun prawf oedran Her 25 yn cael ei weithredu ar y safle, lle bydd yr unig ffurfiau adnabod derbyniol yn cynnwys llun, dyddiad geni a marc holograffig.

Rhaid cadw cofnod yn manylu ar yr holl werthiannau alcohol a wrthodwyd. Dylai'r cofnod gynnwys dyddiad ac amser y gwerthiant a wrthodwyd ac enw'r aelod o staff a wrthododd y gwerthiant. Bydd y cofnod ar gael i'w archwilio ar y safle gan yr heddlu neu swyddog awdurdodedig y Cyngor drwy gydol yr amser pan fo'r eiddo ar agor.

Rhaid i safleoedd gadw'r cofnodion diweddaraf sydd ar gael ar gyfer adolygu hyfforddiant staff mewn perthynas â gwerthiannau sy'n gysylltiedig ag oedran.

Heblaw am ddigwyddiadau ieuenctid penodol a gytunwyd yn ysgrifenedig gyda Swyddog Trwyddedu'r Heddlu, ni chaniateir unrhyw bobl dan 18 ar y safle.

Dim mynediad i'r safle i bobl dan 18 mlwydd oed.

Bydd hysbysiadau'n cael eu harddangos yn glir ar y safle i bwysleisio i gwsmeriaid bod gwerthu alcohol i bobl dan 18 mlwydd oed wedi'i wahardd.

1. Disgrifiwch yr eiddo, er enghraifft y math o eiddo, ei leoliad a'i gynllun cyffredinol, ac unrhyw wybodaeth arall a allai fod yn berthnasol i'r amcanion trwyddedu. Os yw eich cais yn cynnwys cyflenwi alcohol sy'n dod o rywle arall a'ch bod yn bwriadu darparu lle i yfed y cyflenwad hwn, rhaid i chi gynnwys disgrifiad o leoliad y lle hwnnw a'i agosrwydd at yr eiddo.

2. O ran adloniant rheoledig penodol, noder:

• Dramâu: nid oes angen trwydded ar gyfer perfformiadau rhwng 08:00 a 23.00 ar unrhyw ddiwrnod, ar yr amod nad oes mwy na 500 yn y gynulleidfa.
• Ffilmiau: nid oes angen trwydded ar gyfer dangos ffilmiau 'nid er elw' a ddangosir ar eiddo cymunedol rhwng 08:00 a 23:00 ar unrhyw ddiwrnod, ar yr amod nad oes mwy na 500 yn y gynulleidfa a bod y trefnydd yn
  • cael caniatâd i ddangos y ffilm gan berson sy'n gyfrifol am yr eiddo; a
  • sicrhau bod pob dangosiad yn ufuddhau statws dosbarthiadau oedran.
• Digwyddiadau chwaraeon dan do: nid oes angen trwydded ar gyfer perfformiadau rhwng 08:00 a 23:00 ar unrhyw ddiwrnod, ar yr amod nad oes mwy na 1000 yn y gynulleidfa.
• Adloniant Bocsio neu Reslo: nid oes angen trwydded ar gyfer cystadleuaeth neu arddangosiad, neu arddangosiad o reslo Groegaidd-Rhufeinig, neu reslo yn y dull rhydd rhwng 08:00 a 23:00 ar unrhyw ddiwrnod, ar yr amod nad oes mwy na 1000 yn y gynulleidfa. Mae chwaraeon ymladd cyfun - wedi'i ddiffinio fel cystadleuaeth neu arddangosiad sy'n cyfuno bocsio neu reslo gydag un neu fwy o grefftau ymladd - yn drwyddedadwy fel adloniant bocsio neu reslo yn hytrach na digwyddiad chwaraeon dan do.
• Cerddoriaeth fyw: nid oes angen caniatâd trwydded ar gyfer:
  • perfformiad cerddoriaeth fyw heb amp rhwng 8:00 ac 23:00 ar unrhyw ddiwrnod, mewn unrhyw eiddo.
  • perfformiad cerddoriaeth fyw gydag amp rhwng 08.00 a 23.00 ar unrhyw ddiwrnod, ar eiddo sydd wedi'i awdurdodi i werthu alcohol i'w yfed ar yr eiddo hwnnw, os nad oes mwy na 500 yn y gynulleidfa.
  • perfformiadau cerddoriaeth fyw gydag amp rhwng 08.00 a 23.00 ar unrhyw ddiwrnod, ar eiddo sydd wedi'i awdurdodi i werthu alcohol i'w yfed ar yr eiddo hwnnw, os nad oes mwy na 500 yn y gynulleidfa.
  • perfformiad cerddoriaeth fyw gydag amp rhwng 08.00 a 23.00 ar unrhyw ddiwrnod, mewn neuadd eglwys, neuadd bentref, neuadd gymunedol, neu unrhyw eiddo cymunedol tebyg, nad ydyw wedi'i drwyddedu drwy drwydded eiddo i werthu alcohol, ar yr amod (a) nad oes mwy na 500 yn y gynulleidfa, a (b) bod y trefnydd wedi cael caniatâd ar gyfer y perfformiad gan bwy bynnag sy'n gyfrifol am yr eiddo.
  • perfformiad cerddoriaeth fyw gydag amp rhwng 08.00 ac 23.00 ar unrhyw ddiwrnod, ar eiddo dibreswyl (i) awdurdod lleol, neu (ii) ysgol, neu (iii) ysbyty, ar yr amod (a) nad oes mwy na 500 yn y gynulleidfa, a (b) bod y trefnydd yn cael caniatâd ar gyfer y perfformiad ar yr eiddo perthnasol gan: (i) yr awdurdod lleol perthnasol, neu (ii) yr ysgol neu (iii) y darparwr gofal iechyd ar gyfer yr ysbyty.
• Cerddoriaeth wedi'i Recordio: nid oes angen caniatâd trwyddedu ar gyfer:
  • chwarae unrhyw gerddoriaeth wedi'i recordio rhwng 08.00 a 23.00 ar unrhyw ddiwrnod, ar eiddo sydd wedi'i awdurdodi i werthu alcohol i'w yfed ar yr eiddo hwnnw, os nad oes mwy na 500 yn y gynulleidfa.
  • chwarae unrhyw gerddoriaeth wedi'i recordio rhwng 08.00 a 23.00 ar unrhyw ddiwrnod, mewn neuadd eglwys, neuadd bentref, neuadd gymunedol, neu unrhyw eiddo cymunedol tebyg, nad ydyw wedi'i drwyddedu drwy drwydded eiddo i werthu alcohol, ar yr amod (a) nad oes mwy na 500 yn y gynulleidfa, a (b) bod y trefnydd wedi cael caniatâd ar gyfer y perfformiad gan bwy bynnag sy'n gyfrifol am yr eiddo.
  • chwarae unrhyw gerddoriaeth wedi'i recordio rhwng 08.00 ac 23.00 ar unrhyw ddiwrnod, ar eiddo dibreswyl (i) awdurdod lleol, neu (ii) ysgol, neu (iii) ysbyty, ar yr amod (a) nad oes mwy na 500 yn y gynulleidfa, a (b) bod y trefnydd yn cael caniatâd ar gyfer y perfformiad ar yr eiddo perthnasol gan: (i) yr awdurdod lleol perthnasol, neu (ii) perchennog yr ysgol neu (iii) y darparwr gofal iechyd ar gyfer yr ysbyty.
• Dawns: nid oes angen trwydded ar gyfer perfformiadau rhwng 08.00 a 23.00 ar unrhyw ddiwrnod, ar yr amod nad oes mwy na 500 yn y gynulleidfa. Fodd bynnag, mae perfformiad sy'n adloniant i oedolion yn parhau i fod yn drwyddedadwy.
• Eithriadau ar draws gweithgareddau: nid oes angen trwydded rhwng 08.00 ac 23.00 ar unrhyw ddiwrnod, heb unrhyw gyfyngiad ar nifer y gynulleidfa i'r rhain:
  • unrhyw adloniant sy'n digwydd ar eiddo'r awdurdod lleol os yw'n adloniant sy'n cael ei ddarparu gan neu ar ran yr awdurdod lleol;
  • unrhyw adloniant sy'n digwydd ar eiddo ysbyty'r darparwyr gofal iechyd os yw'n adloniant sy'n cael ei ddarparu gan neu ar ran y darparwyr gofal iechyd;
  • unrhyw adloniant sy'n digwydd ar eiddo ysgol os yw'n adloniant sy'n cael ei ddarparu gan neu ar ran perchnogion yr ysgol; ac unrhyw adloniant (ac eithrio ffilmiau ac adloniant bocsio neu reslo) sy'n digwydd mewn syrcas deithiol, ar yr amod ei fod (a) yn digwydd mewn strwythur symudol gyda lle i gynulleidfa, a (b) bod y syrcas deithiol heb ei lleoli yn yr un safle am yn hwy na 28 diwrnod yn olynol.

3. Os yw'r gweithgaredd yn digwydd mewn adeilad neu strwythur arall ticiwch lle bo'n briodol (gall 'dan do' gynnwys pabell).

4. Er enghraifft y math o weithgaredd i'w awdurdodi, os na nodwyd eisoes, a rhowch fanylion pellach perthnasol, er enghraifft (ond nid yn gyfyngedig i hynny) a fydd y gerddoriaeth gydag amp ai peidio.

5. Er enghraifft (ond nid yn gyfyngedig i hynny), lle bydd y gweithgaredd yn digwydd ar ddiwrnodau ychwanegol yn ystod misoedd yr haf.

6. Er enghraifft (ond nid yn gyfyngedig i hynny), lle rydych chi'n dymuno i'r gweithgaredd fynd ymlaen am gyfnod hwy ar ddiwrnod penodol e.e. Noswyl Nadolig.

7. Rhowch amseroedd yn ôl y cloc 24 awr (e.e. 16:00) a rhowch fanylion ar gyfer y dyddiau'r wythnos pan rydych yn bwriadu i'r eiddo gael ei ddefnyddio ar gyfer gweithgaredd.

8. Os ydych yn dymuno i aelodau a'u gwesteion allu yfed alcohol ar y safle, ticiwch 'ar y safle'. Os ydych yn dymuno i aelodau a'u gwesteion allu prynu alcohol i'w yfed oddi ar y safle, ticiwch 'oddi ar y safle'. Os ydych eisiau i bobl allu gwneud y ddau, ticiwch 'y ddau'.

9. Rhowch wybodaeth am unrhyw beth y bwriedir iddo ddigwydd ar yr eiddo neu sydd ynghlwm wrth y defnydd o'r eiddo a all achosi pryder mewn perthynas â phlant, os ydych yn bwriadu i blant gael mynediad i'r eiddo ai peidio, er enghraifft (ond nid yn gyfyngedig i hynny) noethni neu hanner noethni, ffilmiau ar gyfer grwpiau oedran cyfyngedig, neu bresenoldeb peiriannau gamblo.

10.Rhestrwch yma y camau y byddwch chi'n eu cymryd i hyrwyddo pob un o'r pedwar amcan trwyddedu ar y cyd.

11.Rhaid llofnodi'r ffurflen gais.

12. Gall asiant yr ymgeisydd (er enghraifft cyfreithiwr) lofnodi'r ffurflen ar ei ran ar yr amod bod ganddo awdurdod gwirioneddol i wneud hynny.

13.Pan fo mwy nag un ymgeisydd, rhaid i bob un o'r ymgeiswyr neu eu priod asiant lofnodi'r ffurflen gais.

14.Dyma'r cyfeiriad y byddwn yn ei ddefnyddio i gysylltu â'r clwb ynglŷn â'r cais hwn.

15.Hawl i weithio/statws mewnfudo i ymgeiswyr unigol a cheisiadau gan bartneriaethau nad ydynt yn bartneriaethau atebol cyfyngedig:

Ni all unigolyn neu unigolion mewn partneriaeth sy'n ymgeisydd yn y DU ddal trwydded os:

• nad oes ganddynt yr hawl i fyw a gweithio yn y DU; neu
• ydynt yn destun amod sy'n atal y person rhag gwneud gwaith yn ymwneud â gweithgaredd trwyddedadwy.

Bydd unrhyw drwydded mangre a roddwyd mewn perthynas â chais a wnaed ar neu ar ôl 6 Ebrill 2017 yn annilys os yw'r deiliad yn colli'r hawl i weithio yn y DU.

Rhaid i ymgeiswyr arddangos fod ganddynt yr hawl i weithio yn y DU ac nid yn destun amod sy'n eu hatal rhag gwneud gwaith yn ymwneud â gweithgaredd trwyddedadwy. Maent yn gwneud hyn drwy ddarparu copïau neu gopïau wedi'u sganio o'r dogfennau a ganlyn (sydd ddim angen cael eu hardystio) ynghyd â'r cais hwn).

Dogfennau sy'n dangos yr hawl i weithio yn y DU

• Hen basbort neu basbort cyfredol sy'n dangos fod y deiliad, neu'r person a enwir yn y pasbort fel plentyn i'r deiliad yn ddinesydd Prydeinig neu'n ddinesydd i'r DU a'r trefedigaethau sydd â hawl i fyw yn y DU [gweler y nodyn isod am ba rannau o'r pasbort y dylid eu copïo].
• Hen basbort, pasbort cyfredol neu gerdyn adnabod sy'n dangos fod y deiliad neu berson a enwir yn y pasbort fel plentyn y deiliad yn ddinesydd gwlad yn Ardal Economaidd Ewrop neu'r Swistir.
• Tystysgrif Gofrestru neu ddogfen ardystio preswyl parhaol a roddwyd gan y Swyddfa Gartref i ddinesydd gwlad yn Ardal Economaidd Ewrop neu'r Swistir.
• Cerdyn Preswyliaeth Barhaol wedi ei roi gan y Swyddfa Gartref i aelod o'r teulu sydd yn ddinesydd gwlad yn Ardal Economaidd Ewrop neu'r Swistir.
• Dogfen Mewnfudo Biometreg gyfredol (Trwydded Breswyl Biometreg) wedi ei rhoi gan y Swyddfa Gartref i'r deiliad sydd yn nodi bod gan y person a enwir ganiatâd i aros yn y DU yn barhaol neu nad oes terfyn amser ar ei arhosiad yn y DU.
• Pasbort cyfredol wedi ei gymeradwyo i ddangos fod y deiliad wedi ei eithrio rhag rheoliadau mewnfudo ac wedi cael caniatâd i aros am gyfnod amhendant yn y DU, a bod ganddo hawl i fyw yn y DU neu nad oes terfyn amser ar ei arhosiad yn y DU.
• Dogfen Statws Mewnfudo gyfredol wedi ei rhoi gan y Swyddfa Gartref i'r deiliad gyda chadarnhad yn nodi fod gan yr unigolyn a enwir ganiatâd i aros yn y DU am gyfnod amhenodol neu nad oes terfyn amser ar ei arhosiad yn y DU ynghyd â dogfen swyddogol yn nodi rhif Yswiriant Gwladol parhaol yr unigolyn wedi ei gysylltu gyda'i enw ac a roddwyd gan Asiantaeth y Llywodraeth neu gyflogwr blaenorol.
• Tystysgrif geni neu fabwysiadu lawn a gyhoeddwyd yn y DU sydd yn cynnwys enw(au) o leiaf un o rieni neu rieni mabwysiadol y deiliad ynghyd â dogfen swyddogol yn rhoi rhif Yswiriant Gwladol parhaol i'r unigolyn(ion) wedi ei gysylltu gyda'i enw, ac a roddwyd gan Asiantaeth y Llywodraeth neu gyflogwr blaenorol.
• Tystysgrif geni neu fabwysiadu wedi ei ddarparu yn Ynysoedd y Sianel, Ynys Manaw neu Iwerddon ynghyd â dogfen swyddogol yn rhoi rhif Yswiriant Gwladol parhaol i'r unigolyn(ion) wedi ei gysylltu gyda'i enw, ac a roddwyd gan Asiantaeth y Llywodraeth neu gyflogwr blaenorol.
• Tystysgrif o gofrestriad neu naturioliad fel dinesydd Prydeinig ynghyd â dogfen swyddogol yn rhoi rhif Yswiriant Gwladol wedi ei gysylltu, gyda'i enw, ac a roddwyd gan Asiantaeth y Llywodraeth neu gyflogwr blaenorol.
• Pasbort cyfredol wedi ei gymeradwyo i ddangos fod gan y deiliad ganiatâd i aros yn y DU ar hyn o bryd ac nad yw'n destun amod sy'n atal y deiliad rhag ymgymryd â gwaith sy'n weithgaredd trwyddedadwy.
• Dogfen Mewnfudo Biometreg gyfredol (Trwydded Breswyl Biometreg) wedi ei rhoi gan y Swyddfa Gartref i'r deilydd sydd yn nodi fod gan yr unigolyn a enwir hawl i aros yn y DU ar hyn o bryd a bod ganddo/i ganiatâd i ymgymryd â gwaith sy'n weithgaredd trwyddedadwy.
• Cerdyn Preswylio cyfredol wedi ei roi gan y Swyddfa Gartref i berson nad yw'n ddinesydd o wladwriaeth yr Ardal Economaidd Ewropeaidd neu'r Swistir ond sy'n aelod o deulu gwladolyn o'r fath neu sydd â hawliau deilliadol neu breswyliad. Dogfen Statws Mewnfudo gyfredol yn cynnwys ffotograff, a roddwyd gan y Swyddfa Gartref i'r deiliad gyda chadarnhad yn nodi fod gan yr unigolyn a enwir ganiatâd i aros yn y DU, a bod ganddo'r hawl i weithio, ac nad yw'n destun amod sy'n atal y deiliad rhag gwneud gweithgaredd trwyddedig pan gyflwynir ynghyd â dogfen swyddogol yn nodi rhif Yswiriant Gwladol parhaol yr unigolyn wedi ei gysylltu gyda'i enw ac a roddwyd gan Asiantaeth y Llywodraeth neu gyflogwr blaenorol.
• Tystysgrif Cais sydd yn llai na chwe mis wedi ei roi gan y Swyddfa Gartref o dan reoliad 17(3) neu 18A (2) Rheoliadau Mewnfudo (Ardal Economaidd Ewropeaidd) 2006, i berson nad yw'n ddinesydd mewn gwlad o fewn yr Ardal Economaidd Ewropeaidd neu''r Swistir, ond sy'n aelod o deulu dinesydd o wlad yn Ardal Economaidd Ewrop neu'r Swistir sydd yn datgan fod gan y deiliad hawl i breswyliaeth.
• Tystiolaeth resymol bod gan y person gais heb ei benderfynu i amrywio'i ganiatâd i fod yn y DU gyda'r Swyddfa Gartref, megis llythyr cydnabyddiaeth neu brawf o bostio tystiolaeth, neu dystiolaeth resymol bod y person yn disgwyl apêl neu adolygiad gweinyddol ar benderfyniad mewnfudo, megis rhif cyfeirnod apêl neu adolygiad gweinyddol.
• Tystiolaeth resymol bod person nad yw'n ddinesydd mewn gwlad o fewn yr Ardal Economaidd Ewropeaidd neu'r Swistir ond sy'n aelod teulu o'r fath ddinesydd neu sydd â hawliau preswyliaeth deiliadol i ymarfer hawliau cytundebol y DU, yn cynnwys:
  • tystiolaeth o hunaniaeth yr ymgeisydd ei hun - megis pasbort,
  • tystiolaeth o'u perthynas â'r aelod teulu Ardal Economaidd Ewropeaidd - e.e. tystysgrif priodas, tystysgrif partneriaeth sifil neu dystysgrif geni, a
  • thystiolaeth bod gan y dinesydd Ardal Economaidd Ewropeaidd hawl preswyliaeth parhaol yn y DU, neu yn un o'r hyn a ganlyn os ydynt wedi bod yn y DU am fwy na thri mis yn
    • gweithio, e.e. contract cyflogaeth, slipiau cyflog, llythyr gan y cyflogwr,
    • hunangyflogedig, e.e. contractau, anfonebau, neu gyfrifon archwiliedig gyda banc,
    • astudio, e.e. llythyr gan yr ysgol, y coleg neu'r brifysgol a thystiolaeth o ddigon o arian; neu
    • hunangynhaliol, e.e. datganiadau banc.

Mae'n rhaid i aelodau teulu sy'n ddinasyddion Ardal Economaidd Ewropeaidd sy'n astudio neu sy'n annibynnol yn ariannol hefyd ddarparu tystiolaeth fod gan y dinesydd Ardal Economaidd Ewropeaidd ac unrhyw aelodau teulu yswiriant salwch cynhwysfawr yn y DU. Gall hyn gynnwys polisi yswiriant meddygol preifat, cerdyn EHIC neu ffurflen S1, S2 neu S3.

Ni ddylid anfon dogfennau gwreiddiol at awdurdodau trwyddedu. Os mai pasbort yw'r ddogfen a gopïwyd, dylid darparu copi o'r tudalennau canlynol:

• unrhyw dudalen sy'n cynnwys manylion personol y deiliad gan gynnwys cenedligrwydd;
• unrhyw dudalen sy'n cynnwys ffotograff o'r deiliad;
• unrhyw dudalen sy'n cynnwys llofnod y deiliad;
• unrhyw dudalen sy'n cynnwys dyddiad dod i ben; ac
• unrhyw dudalen sy'n cynnwys gwybodaeth sy'n dangos bod gan y deiliad ganiatâd i gael mynediad i, neu i aros, yn y DU a'r hawl i weithio.

Os nad pasbort yw'r ddogfen, dylid darparu copi o'r ddogfen gyfan.

Bydd eich hawl i weithio yn cael ei wirio fel rhan o'ch cais trwyddedu, a gall hyn olygu ein bod yn gwirio eich statws mewnfudo gyda'r Swyddfa Gartref. Fel arall, gallwn rannu gwybodaeth gyda'r Swyddfa Gartref. Ni wneir penderfyniad ar eich cais am drwydded hyd nes eich bod wedi cydymffurfio â'r canllaw hwn. 

Gwasanaeth ar-lein y Swyddfa Gartref i wirio'r hawl i weithio

Fel dewis arall yn hytrach na darparu copi o'r dogfennau a restrir uchod, gall ymgeiswyr ddangos eu hawl i weithio trwy ganiatáu i'r awdurdod trwyddedu wirio eu hawl i weithio gan ddefnyddio gwasanaeth ar-lein y Swyddfa Gartref.

Er mwyn dangos eu hawl i weithio drwy wasanaeth gwirio hawl i weithio'r Swyddfa Gartref ar-lein, dylai ymgeiswyr gynnwys eu cod rhannu 9-digid yn y cais hwn (a roddwyd iddynt wrth ddechrau defnyddio'r gwasanaeth yn www.gov.uk/prove-right-to-work) a fydd, ynghyd â dyddiad geni'r ymgeisydd (a ddarperir o fewn y cais hwn), yn galluogi'r awdurdod trwyddedu i gynnal y gwiriad.

Er mwyn cadarnhau hawl yr ymgeisydd i weithio, bydd rhaid i'r gwiriad ddangos bod gan yr ymgeisydd hawl i weithio yn y Deyrnas Unedig ac nad yw'n ddarostyngedig i amod sy'n ei atal rhag gwneud gwaith sy'n ymwneud â chynnal gweithgaredd trwyddedadwy.

Ni fydd gwiriad ar-lein yn bosibl ym mhob achos gan na fydd gan bob ymgeisydd statws mewnfudo y gellir ei wirio ar-lein. Mae gwasanaeth gwirio hawl i weithio'r Swyddfa Gartref yn amlinellu'r wybodaeth a/neu'r dogfennau y bydd eu hangen ar ymgeiswyr er mwyn cael mynediad i'r gwasanaeth. Dylai ymgeiswyr nad ydynt yn gallu cael cod rhannu gan y gwasanaeth gyflwyno copi o'r dogfennau fel y nodir uchod.