Toglo gwelededd dewislen symudol

Mabwysiadwch fainc coffa

Byddwn yn gosod plac dur gwrthstaen wedi'i bersonoli gyda'r geiriau o'ch dewis wedi'u hysgythru ar fainc yn y parc y mae'r rhoddwr wedi'i ddewis o'r lleoliadau sydd ar gael.

Mae cynllun 'Mabwysiadu Mainc' Dinas a Sir Abertawe'n ffordd wych o gefnogi a mwynhau parciau a gerddi Abertawe lle mae llawer o bobl yn mwynhau treulio amser gyda'u teuluoedd ac yn rhoi lle i breswylwyr eistedd ac ymlacio, boed law neu hindda.

Mae mabwysiadu mainc yn ffordd ddelfrydol o nodi carreg filltir, digwyddiad neu goffáu bywyd anwylyn neu anifail anwes.

Mae ein cynllun mabwysiadu'n cynnig cyfle i fusnesau, sefydliadau neu unigolion roi arian ar gyfer mainc newydd neu i fabwysiadu mainc bresennol a chael lle personol a phendant mewn un o'n gerddi prydferth.

Manylion mabwysiadu / rhoi

Gellir mabwysiadu'r meinciau am hyd at 10 mlynedd.

Rhoi mainc newydd am £1,800

Mabwysiadu mainc presennol am £1,200

I gydnabod y cyfraniad, byddwn yn gosod plac dur gwrthstaen wedi'i bersonoli, gyda'r geiriau o'ch dewis wedi'u hysgythru ar fainc mewn parc o'ch dewis o'r lleoliadau sydd ar gael. Bydd y rhodd yn ariannu ac yn talu costau cadw a chynnal y fainc a'r plac ysgythredig.

Gwneir y gwaith gosod fel arfer o fis Hydref tan fis Mawrth a phan fydd cyflwr y tir a'r tywydd yn addas. Sylwer bod y broses gyfan fel arfer yn cymryd hyd at 16 wythnos o ddyddiad derbyn yr archeb, i osod y plac, mewn amgylchiadau eithriadol, y gall yr amser prosesu fod yn fwy nag 16 wythnos.

Gwneud cais ar-lein i fawysiadu mainc Mabwysiadwch fainc coffa - gwneud cais ar-lein

Sedd a roddir - safleoedd sydd ar gael

Dim ond ar dir sy'n eiddo i Ddinas a Sir Abertawe y gellir rhoi neu fabwysiadu meinciau o dan y cynllun hwn.  Ystyrir ceisiadau i fabwysiadu mainc bresennol neu osod mainc newydd yn y lleoliadau a restrir isod. Nodwch y lleoliad a ddymunir pan fyddwch yn gwneud yr ymholiad.

Mae angen uwchraddio nifer o feinciau presennol yn y lleoliadau canlynol cyn gynted â phosib, a byddai rhoi mainc newydd yn eu lle yn gwella'r ardal yn sylweddol er mwyn i breswylwyr Abertawe ac ymwelwyr eu mwynhau:

  • Yn rhan fwyaf o barciau Abertawe (ac eithrio Gerddi Clun a Pharc Gwledig Dyffryn Clun). Gellir dod o hyd i restr o bob parc yma: A-Y o barciau, gwarchodfeydd natur a mannau awyr agored.
  • Gerddi Botaneg, Parc Singleton.
  • Llyn y Fendrod.
  • Promenâd Abertawe rhwng Blackpill a Neuadd y Sir (y Ganolfan Ddinesig).
  • Tir Castell Ystumllwynarth (meinciau presennol i'w mabwysiadu'n unig).
  • Llwybr beicio'r Clun (mae lleoliadau'n brin).
  • Llwybr Beicio Cwm Tawe Isaf - Clydach i Abertawe (mae lleoliadau'n brin).

Yn anffodus, gan nad oes safleoedd addas ar ôl, nid oes modd mabwysiadu mainc neu osod mainc newydd yn y lleoliadau canlynol:

  • Gerddi Clun
  • Parc Gwledig Dyffryn Clun
  • Mynydd Cilfái
  • Pob llwybr ar hyd clogwyni a baeau arfordir Gŵyr, gan gynnwys:
    • Bae Rhosili
    • Bae Horton
    • Bae Porth Einon
    • Bae Oxwich
    • Bae Pwll Du
    • Bae Caswell
    • Bae Langland
    • Bae Rotherslade
    • Bae Limeslade
    • Bae Bracelet
    • Promenâd y Mwmbwls rhwng Knab Rock a Blackpill
    • Promenâd Abertawe rhwng y Ganolfan Ddinesig a'r Ardal Forol.

Gweler lluniau o'r meinciau a ddefnyddir gennym isod. Bydd angen i unrhyw fainc/sedd a ddewisir gyd-fynd â'r ardal y maent yn mynd iddi a bydd angen i'r tîm Parciau gadarnhau'r lleoliad.

Adopt a memorial bench

Os oes gennych unrhyw ymholiadau, e-bostiwch gwerthiannau@abertawe.gov.uk.

Amodau a thelerau

Darllenwch ein hamodau a'n telerau.

Mabwysiadwch fainc coffa - gwneud cais ar-lein

Gallwch wneud cais ar-lein i fabwysiadu mainc.

Mabwysiadu mainc - seddi a roddir

Manylion y seddi a roddir sydd ar gael.