Sut i dalu i barcio

Mae pob un o'n meysydd parcio'n rhai talu ac arddangos, ac eithrio meysydd parcio aml-lawr Bae Copr, y Stryd Fawr a'r Cwadrant. 

Yn y meysydd parcio talu ac arddangos, bydd angen i chi dalu i barcio wrth i chi gyrraedd. Ar gyfer y meysydd parcio nad ydynt yn rhai talu ac arddangos, rydych yn talu wrth i chi adael y maes parcio.

• Drwy ap MiPermit (meysydd parcio talu ac arddangos yn unig)
• Wrth y peiriant:
  • Meysydd parcio canol y ddinas - talu ac arddangos
  • Cilfachau parcio ar y stryd - talu ac arddangos
  • Meysydd parcio'r traeth a'r promenâd - talu ac arddangos
  • Enghraifft o fysellbad peiriant talu ac arddangos
  • Talu wrth ddychwelyd (Bae Copr, y Stryd Fawr a'r Cwadrant)
• Ad-daliadau
• Adrodd am broblem gyda maes parcio

Mae paneli â chyfarwyddiadau hefyd wedi'u harddangos ar y peiriannau yn y meysydd parcio

Drwy ap MiPermit - meysydd parcio talu ac arddangos yn unig

Mae ap MiPermit ar gael i'w lawrlwytho ar ddyfeisiau Android ac Apple ac mae'n caniatáu i chi dalu i barcio heb fod angen i chi fynd i'r peiriant parcio yn y maes parcio.

Os ydych yn byw yn Abertawe, er mwyn elwa o'r cynnig i breswylwyr bydd angen i chi wneud cais am hawlen pris arbennig i breswylwyr ar yr ap. Bydd hyn yn cymhwyso'r gostyngiad i breswylwyr wrth i chi dalu i barcio yn y dyfodol.

Rhai manteision defnyddio'r ap MiPermit:

• mae'n gyflym ac yn hawdd i'w ddefnyddio
• mae'n ddi-bapur
• os ydych yn bwriadu aros am gyfnod hwy, gallwch ychwanegu amser at eich arhosiad drwy fynd ar yr ap yn hytrach na dychwelyd i'r maes parcio i wneud hynny

Hafan MiPermit Abertawe (Yn agor ffenestr newydd)

Wrth y peiriant

Gallwch dalu i barcio drwy ddefnyddio technoleg ddigyffwrdd, cardiau neu arian parod.

Meysydd parcio canol y ddinas - talu ac arddangos

Mae rhai peiriannau wedi'u pweru ag ynni'r haul felly efallai y bydd angen i chi wasgu'r botwm gwyn i gychwyn y peiriant cyn i chi ddechrau.

Taliad arian parod

1. Gwasgwch y botwm melyn i newid yr iaith o'r Gymraeg i'r Saesneg (os mai Saesneg yw eich iaith ddewisol)
2. Defnyddiwch y botymau +/- glas i ddewis tariff os oes gennych Fathodyn Glas (ewch i bwynt 3 os ydych yn talu'r tariff safonol)
3. Mewnosodwch eich rhif cofrestru cerbyd
4. Mewnosodwch arian parod

Taliadau cerdyn

1. Gwasgwch y botwm melyn i newid yr iaith o'r Gymraeg i'r Saesneg (os mai Saesneg yw eich iaith ddewisol)
2. Defnyddiwch y botymau +/- glas i ddewis tariff os oes gennych Fathodyn Glas (ewch i bwynt 3 os ydych yn talu'r tariff safonol)
3. Mewnosodwch eich rhif cofrestru cerbyd
4. Gwasgwch y botwm cerdyn gwyn
5. Defnyddiwch y botymau + glas i ddewis tariff
6. Gwasgwch y botwm tic gwyrdd ar ôl i chi ddewis y tariff cywir
7. Dewiswch a ydych chi eisiau derbynneb neu beidio
8. Dilynwch y cyfarwyddiadau arferol ar gyfer talu â cherdyn

Cilfachau parcio ar y stryd - talu ac arddangos

Mae rhai peiriannau wedi'u pweru ag ynni'r haul felly efallai y bydd angen i chi wasgu'r botwm gwyn i gychwyn y peiriant cyn i chi ddechrau.

Taliad arian parod

1. Gwasgwch y botwm melyn i newid yr iaith o'r Gymraeg i'r Saesneg (os mai Saesneg yw eich iaith ddewisol)
2. Mewnosodwch eich rhif cofrestru cerbyd
3. Mewnosodwch arian parod

Taliadau cerdyn

1. Gwasgwch y botwm melyn i newid yr iaith o'r Gymraeg i'r Saesneg (os mai Saesneg yw eich iaith ddewisol)
2. Mewnosodwch eich rhif cofrestru cerbyd
3. Gwasgwch y botwm cerdyn gwyn
4. Defnyddiwch y botymau + glas i ddewis tariff
5. Gwasgwch y botwm tic gwyrdd ar ôl i chi ddewis y tariff cywir
6. Dewiswch a ydych chi eisiau derbynneb neu beidio
7. Dilynwch y cyfarwyddiadau arferol ar gyfer talu â cherdyn

Meysydd parcio'r traeth a'r promenâd - talu ac arddangos

Mae rhai peiriannau wedi'u pweru ag ynni'r haul felly efallai y bydd angen i chi wasgu'r botwm gwyn i gychwyn y peiriant cyn i chi ddechrau.

Taliad arian parod

1. Gwasgwch y botwm melyn i newid yr iaith o'r Gymraeg i'r Saesneg (os mai Saesneg yw eich iaith ddewisol)
2. Defnyddiwch y botymau +/- glas i ddewis tariff (opsiynau Bathodyn Glas a phreswylydd ar gael yma)
3. Mewnosodwch eich rhif cofrestru cerbyd
4. Mewnosodwch arian parod

Taliadau cerdyn

1. Gwasgwch y botwm melyn i newid yr iaith o'r Gymraeg i'r Saesneg (os mai Saesneg yw eich iaith ddewisol)
2. Defnyddiwch y botymau +/- glas i ddewis tariff (opsiynau Bathodyn Glas a phreswylydd ar gael yma)
3. Mewnosodwch eich rhif cofrestru cerbyd
4. Gwasgwch y botwm cerdyn gwyn
5. Defnyddiwch y botymau + glas i ddewis tariff
6. Gwasgwch y botwm tic gwyrdd ar ôl i chi ddewis y tariff cywir (gan gynnwys y gostyngiad i breswylwyr)
7. Dewiswch a ydych chi eisiau derbynneb neu beidio
8. Dilynwch y cyfarwyddiadau arferol ar gyfer talu â cherdyn

Enghraifft o fysellbad peiriant talu ac arddangos

Talu wrth ddychwelyd i'ch car

Mae hyn yn berthnasol i feysydd parcio aml-lawr Bae Copr, y Stryd Fawr a'r Cwadrant lle mae technoleg adnabod rhifau cerbydau yn awtomatig (ANPR) yn nodi rhif cofrestru'r cerbyd wrth i chi yrru i mewn i'r maes parcio, gan gyfrifo cyfanswm hyd eich arhosiad yn y maes parcio wrth i chi yrru allan.

Gallwch naill ai:

• drwy dalu gyda cherdyn wrth i chi yrru drwy atalfa'r allanfa - drwy dalu fel hyn ni fyddwch yn gallu dewis unrhyw un o'r ffïoedd gostyngol a all fod yn berthnasol yn y maes parcio (fel ffi i breswylwyr ym maes parcio Bae Copr), neu
• dalu yn y peiriant pan fyddwch yn dychwelyd i'r maes parcio drwy nodi rhif cofrestru'r cerbyd yn y peiriant:
  1. Gwasgwch y faner i ddewis iaith
  2. Nodwch rif cofrestru'r cerbyd 
  3. Ai dyma'r cerbyd cywir? Ie/Nage
  4. Yna bydd y taliad yn cael ei nodi:  *TALU*
  5. Gellir talu ag arian parod neu gerdyn 
  6. Ar ôl i'r taliad gael ei arddangos gallwch naill ai nodi rhif eich cerdyn drwy ddefnyddio'r darllenydd cerdyn neu ddefnyddio'r panel taliad digyffwrdd ar y peiriant, neu gallwch dalu ag arian parod.

Ad-daliadau

Os hoffech wneud cais am ad-daliad oherwydd problem â pheiriant talu - e-bostiwch parking.refunds@abertawe.gov.uk neu anfonwch lythyr i'r Gwasanaethau Parcio, Blwch Post 588, Abertawe SA1 9GD.

Bydd angen cynnwys esboniad manwl sy'n nodi'ch rheswm dros wneud cais am ad-daliad. Sylwer ni roddir ad-daliadau am ordaliadau oni bai bod problem gyda'r peiriant.

Rhowch eich enw a'ch cyfeiriad llawn gan nad oes modd ad-dalu i gerdyn bob tro, ac efallai bydd rhaid anfon siec.

Gwneir gwiriadau, at ddibenion archwiliad, i sicrhau bod modd rhoi'r ad-daliad. Os nad yw'n bosib rhoi ad-daliad byddwch yn derbyn ymateb yn ogystal ag esboniad llawn.